һәрбий ремонт заувтлири

тарканниң җәнгизниң темиға мунасивәтлик анализи

һәрбий ремонт заувтлири

түркийә һәрбий ремонт завутлири

түркийәдә һәрбий лазимәтлик вә парахот завутлири мудапиә санаитидә муһим рол ойнайду. лекин һазирғичә зор нәтиҗиләрни йаратқан һәрбий завутларниң әмәлий әһвалини кәң җамаәтчилик толуқ билмәйду. бәзидә бу завутларда ремонт қилинған йаки ишләпчиқирилған мудапиә санаити мәһсулатлири худди башқа йәрләрдә ишләпчиқирилғандәк тәшвиқ қилинмақта. һәрбий завутлар дөләт игидарчилиқидики әң ғол карханилардин бири һесаблиниду, түркийә миқийасида әң қабил ишчилар билән мунәввәр карханчилар адәттә һәрбий заувтлардин йетишип чиқиду. мудапиә санаитини тәрәққий қилдуруш вә йәрликләштүрүштә һәрбий заувтлар вә бу йәрләрдә ишләйдиған мудапиә санаитиниң намсиз қәһриманлири муһим рол ойнап кәлмәктә. түркийәниң террорлуққа зәрбә бериш хизмәтлири шундақла мәмликәт ичи вә сиртидики һәрбий һәрикәтләрдә һәрбий завутлар офестирлар, майорлар, әскәрләр вә ишчи-хизмәтчилири билән бирликтә зор нәтиҗиләрни йаратти.

15-ийул һәрбий-сийасий өзгириш қозғашқа урунуш қилмишидин кейин һәрбий саһәдә елип берилған ислаһатлар һәрбий завутлардиму бәзи өзгиришләрни кәлтүрүп чиқарди. һәрбий завутлар мудапиә министирлиқиға қарашлиқ һәрбий завутлар идариси билән һәрбий парахот завутлири идарисиға тапшуруп берилди, түркийәдә нөвәттә һәрбий завутлар идарисиға қарашлиқ нурғун муһим һәрбий завутлар бар болуп, бу завутлар актип һалда ишләпчиқириш елип бармақта, бу йазмида әскишәһәрдики авиатсийә саһәсидә муһим хизмәтләрни вуҗудқа чиқириватқан 1-һава ремонт завути үстидә тохтилимән. кейинки йазмилиримиздиму бу завутниң нәтиҗилирини тонуштурушни давамлаштуримиз.

1926-йили әскишәһирдә айропилан ремонт завути қурулди, бу завут 1-һава һәрбий аппаратлири ремонт мәркизи қоманданлиқи 92 йашқа кирди. бу завутта 1950-йилғичә һава армийәси қоманданлиқиға әнгә елинған айропиланлар ремонт қилинатти, 1950-йилдин башлап күрәшчи айропиланлар ремонт қилинди, арқидин 1970-йилғичә « F-84», « F-86 » вә « F-100 » типлиқ моторлар ремонт қилинди.һәрбий завутлар 1968-йили тунҗи моторни ишләпчиқирип, ишләпчиқириш имканийитини техиму кеңәйтти 1979-йили « F-4 » типлиқ айропиланларниң моторини ремонт қилишқа башлиған айропилан завути 1980-йиллардин кейин башқа айропиланларниң моторлирини ремонт қилишқа йүзләнди. 1992-йили тунҗи « F110» типлиқ моторни қайтидин өзгәртип йеңи техникиларни қошти. 1997-йили « F-4 » айропиланларни заманивилаштуруш лайиһәлири башлиди, бу лайиһәләрдин кейин буниңға охшаш лайиһәләрму елип берилди. 2006-йили башлиған хизмәтләр түрткисидә түркийәниң тунҗи мотор синақ үскүниси болған атилимға йумшақ дитал пирограммиси қачилинип техиму илғар һаләткә кәлтүрүлди. бу завут  2016-йили дөләт мудапиә министирлиқиға қарашлиқ һәрбий завутлар идарисиға өткүзүлүп, 1-һава ремонт завути болди.

нөвәттә 77 айропилан ремонт қилинмақта

бу завутта нөвәттә  йилда 260 инженер болуп җәмий 2300 ишчи-хизмәтчи тәхминән 77 айропилан ремонт қилиниду. бу завутта йилда 200 мотор вә бу моторларниң 6000 йүрүш үскүниси ремонт қилинғандин сирт, 14000 мотор запчаслири  ишләпчиқирилиду. бу звутта йәнә « F-16 PO-III », «  T-38M һәриси» вә « T-38 PC-III » типлиқ һава аппаратлирини замивилаштуруш лайиһәлири үстидә хизмәт ишләнмәктә. бу завутта йәнә қоралларниң инженерлиқ хизмәтлири даирисидә техникилиқ башқуруш вә ремонт ишлириму елип берилмақта. бу һәрбий завут һава армийәси қоманданлиқиниң һәрбий һәрикәт иқтидарини өстүрүш үчүн қорал системилири, һәрбий үскүниләрни ишләпчиқириш вә  техиникилиқ башқуруш  қатарлиқ хизмәтләрни елип бармақта. дөләтниң қоллишидики бу һәрбий завутта инжинерлар, офестирлар, тихникилиқ хадимлар, ишчилар вә илғар техникилар, үскүниләр, сайманлар бар.

йавропаниң айропилан ремонт мәркизи

күнимиздә һәрбий технологийә вә авиатсийә саһәсидә риқабәтә кәскин болмақта, мушундақ бир вәзийәттә 1-һава ремонт завути  ишләпчиқириш, ремонт қилиш, йәрлик мәһсулатларни заманивилаштуруш саһәлиридә хәлқаралиқ өлчәм, сүпәт, бихәтәрлик  вә қаидә-пиринсипларға асасән хизмәт елип бармақта. бу завутниң мәқсити: «завутни һава армийә қоманданлиқиниң райондики әң күчлүк һава вә аләм қатниши күчи болушида рол ойнайдиған мәркәзгә айландуруш»тин ибарәт. завут түркийә армийәсиниңла әмәс « JSF » айропиланиниң « F135» моториниң райондики ремонт мәркизи, шундақла йавропа дөләтлириниңму ремонт мәркизи сәвийәсигә кәлди.

бу завут тәҗрибилик ишчи-хизмәтчилири, мол тәҗрибиси, алаһидиликлири билән күнимиздә дөләт мудапиә санаитидә қандақ муһим рол ойниған болса кәлгүсидиму бу саһәдә муһим рол ойнашини даваштуриду.



مۇناسىۋەتلىك خەۋەرلەر