доктор әркин әкрәмниң путин-ши җинпиң учришиши тоғрисидики анализи

доктор әркин әкрәмниң темиға мунасивәтлик анализи

доктор әркин әкрәмниң путин-ши җинпиң учришиши тоғрисидики анализи

путин-ши җинпиң учришиши тоғрисида анализ

русийәниң виладивосток шәһиридә өткүзүлгән шәрқ иқтисадий мунбири даирисидә русийә пирезиденти виладимир путин билән хитай дөләт рәиси ши җинпиң көрүшти.

көрүшүштин кейин мухбирларниң соаллириға җаваб бәргән виладимир путин, русийә билән хитай арисидики сода соммисиниң бултур %30 ешип 50 милйард долларға йәткәнликини әскәртип: бу йилниң ахирғичә сода соммимизниң 100 милйард долларға йетидиғанлиқиға ишинимән, деди.  

икки дөләт арисидики содида миллий пулларниң ишлитилиши мәсилиси үстидә тохталған путин мундақ деди: «русийә билән хитай даирилири икки дөләт арисидики содида миллий пулларниң ишлитилишини қоллайду. содида миллий пуллар ишлитилсә банкичилиқ системилириму сағлам болиду. »

корейә йерим арилиниң нөвәттики вәзийити үстидиму тохталған путин, русийә-хитай йол хәритисигә мувапиқ һалда корейә йерим арилиниң вәзийитини сийасий вә дипломатик йоллардин һәл қилиш үчүн хитай билән һәмкарлиқ ичидә һәрикәт қилидиғанлиқлирини тәкитләп өтти.

бунңидин сирт русийә мудапиә министири сергей шойгу хитай билән русийәниң қәрәллик һалда ортақ һәрбий маневир өткүзүш үчүн келишкәнликлирини билдүрди.

хитай мудапиә министири феңхе икки дөләт арисидики һәрбий һәмкарлиқниң истиратегийәлик әһмийәткә игә икәнликини тәкитләп өтти.

русийә федратсийәси тарихида әң көп һәрбий хадим қатнашқан « восток-2018 » намлиқ бу қетимқи һәрбий маневирға, 300миңға йеқин әскәр, миңдин артуқ айропилан, тикучар, учқучисиз айропилан, 35миңға йеқин танка, һәрбий аптомобил билән 80гә йеқин һәрбий парахот қатнаштурулди.

шәрқий иқтисадий мунбири қандақ йиғин? икки чоң қошна дөләткә нисбәтән сода омумий соммисиниң 50 милйард болуши аз әмәсму? икки дөләт содида немә үчүн долларниң орниға миллий пул ишлитиду? бу әмәлгә ашамду?  икки дөләт немә сәвәбтин қәрәллик һалда ортақ һәрбий маневир өткүзүшни қарар қилди? русийә һәрбий маневирни немә үчүн хитай чеграсиға йеқин җайда өткүзиду?



مۇناسىۋەتلىك خەۋەرلەر