«утқанда германийәлик, уттурувәткәндә көчмән»

тәтқиқатчи җан аҗунниң темиға мунасивәтлик анализи

«утқанда германийәлик, уттурувәткәндә көчмән»

«утқанда германийәлик, уттурувәткәндә көчмән»

йавропада ирқчилиқ вә ислам әндишиси һадисилири барғанчә омумлашмақта. йавропа иттипақиниң ғол күчлиридин болған германийәдә, натсист сотсийалист партийәси һөкүм сүргән дәвирдикигә охшаш кәйпийат баш көтүрүшкә башлиди. ирқчилиқ вә ислам әндишиси һадисилири нормал һаләткә келиватқан германийәдә йүз бәргән мәсут өзил сәтчилики вә  униң германийә дөләтлик путбол командисидин айрилип чиқиши ирқчилиқ вә ислам әндишиси һадисилириниң қанчилик еғирлиқини көрситип бериду.

мәсут өзилниң җумһур рәис рәҗәп таййип әрдоған билән әнглийәдә бирликтә рәсимгә чүшүши германийә таратқулири вә германийәдики сийасәтчиләр тәрипидин германийә җәмийитидә дунйа лоңқисидин илгири мәсилигә айландурулди. әслидә мәсут өзил 2010-йилдин буйан җумһур рәис рәҗәп әрдоған билән һәр көрүшкәндә хатирә рәсимгә чүшүп келиватқаниди, бирақ бу қетим мәсут өзил ирқчиларниң һуҗум нишаниға айланди. ирқчилар мәсуд өзилгә һақарәт қилиш биләнла болди қилмай тәһдит селишти, мәсут өзил ирқчиларниң бу қилмишлириға сүкүт қилди, германийә путбол федратсийәси башлиқи рейинһард гириндел мәсут өзилни җумһур рәис рәҗәп таййип әрдоған билән рәсимгә чүшкәнлики үчүн кәчүрүм сорашқа қистиди, мәсут өзилниң сәвр қачиси тошти вә буни қәтий рәт қилди.

германийә дөләтлик путбол командисиниң бу йилқи дунйа лоңқисида шаллинип кетишигә қарита пүткүл германийә таратқулири германийәниң шаллинип кетиш хәвирини мәсут өзилниң рәсими билән бирликтә тарқитиши вә германийә путбол федратсийәси башлиқи рейинһард гиринделниң германийә дөләтлик путбол командисиниң дунйа лоңқисидин шаллинип кетишидин мәсут өзилниң мәсул икәнликини җакарлиши қатарлиқлар мәсут өзилни ғәзәбләндүрди. дәрвәқә, мәсут өзил җумһур рәис рәҗәп таййип әрдоған билән рәсимгә чүшүштин илгири өмрә ибадитини ада қилиш үчүн мәккигә барғанда чүшкән рәсимлирини иҗтимаий таратқуларда ортақлишиши сәвәбидинму еғир һақарәт вә һуҗумларға дучар болғаниди.

мәсут өзил сүкүтини бузуп байанат беришкә мәҗбур болди. әслидә мәсут өзилниң зор җасарәт билән твиттер адресида инглизчә елан қилған байанати германийәдә ирқчилиқ вә ислам әндишиси һадисилириниң қайси сәвийәгә берип йәткәнликини көрситип бериду. мәсут өзил мундақ йазди: «ғәлибә қилғанда германийәлик болимән, уттуруп қойғанда көчмән...»мәсут өзил бу қетими  байанати билән мусулманларниң иккинчи муһәммәд әлиси болғаниди. германийә болупму германийә путбол федратсийәсини қаттиқ тәнқид қилған мәсут өзил, германийәдә йашаватқан түрк вә мусулманларниң қәлб садисиға тәрҗима болди.

мәсут өзил байанатида германийәдики ирқчлиқ, тәңсиз муамилә вә қош бислиқ өлчәмләрни тәнқид қилип, өзиниң һәм түркийә үчүн һәмдә германийә үчүн соқуп туридиған қәлбиниң барлиқини тәкитлиди. мәсут өзилниң җумһур рәис рәҗәп таййип әрдоған билән чүшкән рәсимгә адаққичә игә чиқиши вә германийә үчүн қолға кәлтүргән зор утуқлириниң әксичә ирқчи һуҗумларға дуч келишини дадиллиқ билән тилға елиши әмәлийәттә германийәдә йашаватқан түркләрниң һес-туйғулирини ашкарилап берәтти. германийәдә йашаватқан түркләр иҗтимаий таратқуларда мәсут өзилни қәһриман елан қилишти.

мәсут өзилниң байанати германийәдики түркләр вә мусулманларниң қәлб садалирини йаңритип уларниң һес-туйғулириға вәкиллик қилған болсиму, немә үчүн бир путболчи вә парламент әзасиниң түрк вә мусулманларниң һес-туйғулириға вәкиллик қилалмаслиқи кишини ойландуриду. германийә парламентидики  түрк парламент әзалири вә германийәдики сийасий партийәләрниң түрк вә мусулманларға  толуқ вәкиллик қилалмаслиқи вә уларниң дәрдигә болалмаслиқи германийәгә нисбәтән чоң мәсилиләрдин бири һесаблиниду. бир тәрәптин германийәдә ирқчилиқ вә ислам әндишиси һадислириниң баш көтүрүши йәнә бир тәрәптин германийәдики түркләр вә мусулманларға вәкиллик қилидиған бирму парламент әзаси болмаслиқи кишини һәқиқәтән әпсусландуриду.

германийәдики бу зитлиқ сәвәбидин германийәдә йашаватқан түркләр вә мусулманларниң һәқ-һоқуқлирини қоғдаш вә уларға ишәнч бериш үчүн түркийә германийәдә актип сийасәт йолға қойуши керәк. түркийә германийә җәмийитидә нопузини һес қилдуруп германийәдики түркләр вә мусулманлар үчүн хизмәт қилса германийәдики түркләр вә мусулманлар җасарәтлиниду вә аччиқ һәқиқәтләрни дадиллиқ билән җакарлийалайдиған миңларчә мәсут өзил чиқиду. түркийә германийәдә актип сийасәт йолға қойалмиған тәқдирдә, германийәдики түркләр вә мусулманлар ирқчилиқ вә ислам әндишиси йамрап кәткән германийә җәмийитидә йашашқа мәҗбур болиду.



مۇناسىۋەتلىك خەۋەرلەر