amérikining iran émbargosi we ottura sherqning kélechiki

doktor erkin ekremning témigha munasiwetlik analizi

amérikining iran émbargosi we ottura sherqning kélechiki

amérikining iran émbargosi we ottura sherqning kélechiliki

amérika irangha qaratqan émbargolirining tunji basquchliq qismini tünügün resmiy  ijra qilishqa bashlidi. iranning amérika dollirigha érishishini, dölet zayomlirini sétishini, altun we bashqa qimmetlik kan bayliqliri bilen polat-tömür, aliyumin, kömürge oxshash medenlerning sodisini qilishni, yoluchilar ayropilani yaki bashqa xildiki ayropilanlarning zapchaslirini import  qilishini chekleydighan émbargo layihesi resmiy ijra qilindi. chet el shirketlirining iranning aptomobil sahesige kirishige tosalghu bolidighan bu émbargolar dairiside irandiki toqulghan gilem we purchaqqa oxshash nersiler amérikigha éksport qilinalmaydu.

énérgiye sahesinimu öz ichige alidighan émbargolarning ikkinchi basquchluq qismining bu yil 5-noyabirda ijra qilinidighanliqi bildürüldi.

bu émbargolarning kéyinki mezgillerde kirizisning bosughusigha kélip qalghan iran iqtisadigha éghir ziyan élip kélidighanliqi ilgiri sürülmekte. mesilen, iran emgek ishliri ministiri eli rebi émbargolar seweblik bir milyon kishining ishsiz qalidighanliqini bildürdi.

buningdin sirt, amérika hakimiyiti émbargolarni iran bilen soda qilishni dawamlashturuwatqan bashqa döletlernimu öz ichige alidighan teriqide yolgha qoyidighanliqi üchün, bu émbargolarning tesirige üchinchi bir döletmu uchraydu.

amérika pirézidénti donald tramp tünügünki bayanatida, amérikining émbargolarni toluq ijra qilidighanliqini, iran bilen sodisi qiliwatqanlarning iran bilen munasiwitini üzmigen teqdirde éghir bedellerni töleydighanliqini éytti.

amérika hökümitining öz aldigha yolgha qoyghan bu émbargolargha yawropa döletliri bolup nurghun dölet naraziliq bildürdi.

amérika néme üchün irangha émbargo yürgüzidu? iran bilen munasiwiti izchil nachar bolup kéliwatqan amérika néme üchün burun emes hazir émbargo yolgha qoyidu? émbargolar hem irangha hemde türkiyege oxshash irangha qoshna döletlerge qandaq ziyanlarni élip kélishi mumkin?

tramp iran bilen bolghan munasiwitini bashta keskinleshtürüp kéyinche söhbet ötküzüsh üchün irangha mushundaq muamile qiliwatamdu?


خەتكۈچ: türkiye , iran , amérika , émbargo

مۇناسىۋەتلىك خەۋەرلەر