америкиниң иран ембаргоси вә оттура шәрқниң келәчики

доктор әркин әкрәмниң темиға мунасивәтлик анализи

америкиниң иран ембаргоси вә оттура шәрқниң келәчики

америкиниң иран ембаргоси вә оттура шәрқниң келәчилики

америка иранға қаратқан ембарголириниң тунҗи басқучлиқ қисмини түнүгүн рәсмий  иҗра қилишқа башлиди. иранниң америка доллириға еришишини, дөләт зайомлирини сетишини, алтун вә башқа қиммәтлик кан байлиқлири билән полат-төмүр, алийумин, көмүргә охшаш мәдәнләрниң содисини қилишни, йолучилар айропилани йаки башқа хилдики айропиланларниң запчаслирини импорт  қилишини чәкләйдиған ембарго лайиһәси рәсмий иҗра қилинди. чәт әл ширкәтлириниң иранниң аптомобил саһәсигә киришигә тосалғу болидиған бу ембарголар даирисидә ирандики тоқулған гиләм вә пурчаққа охшаш нәрсиләр америкиға експорт қилиналмайду.

енергийә саһәсиниму өз ичигә алидиған ембарголарниң иккинчи басқучлуқ қисминиң бу йил 5-нойабирда иҗра қилинидиғанлиқи билдүрүлди.

бу ембарголарниң кейинки мәзгилләрдә киризисниң босуғусиға келип қалған иран иқтисадиға еғир зийан елип келидиғанлиқи илгири сүрүлмәктә. мәсилән, иран әмгәк ишлири министири әли рәби ембарголар сәвәблик бир милйон кишиниң ишсиз қалидиғанлиқини билдүрди.

буниңдин сирт, америка һакимийити ембарголарни иран билән сода қилишни давамлаштуруватқан башқа дөләтләрниму өз ичигә алидиған тәриқидә йолға қойидиғанлиқи үчүн, бу ембарголарниң тәсиригә үчинчи бир дөләтму учрайду.

америка пирезиденти доналд трамп түнүгүнки байанатида, америкиниң ембарголарни толуқ иҗра қилидиғанлиқини, иран билән содиси қиливатқанларниң иран билән мунасивитини үзмигән тәқдирдә еғир бәдәлләрни төләйдиғанлиқини ейтти.

америка һөкүмитиниң өз алдиға йолға қойған бу ембарголарға йавропа дөләтлири болуп нурғун дөләт наразилиқ билдүрди.

америка немә үчүн иранға ембарго йүргүзиду? иран билән мунасивити изчил начар болуп келиватқан америка немә үчүн бурун әмәс һазир ембарго йолға қойиду? ембарголар һәм иранға һәмдә түркийәгә охшаш иранға қошна дөләтләргә қандақ зийанларни елип келиши мумкин?

трамп иран билән болған мунасивитини башта кәскинләштүрүп кейинчә сөһбәт өткүзүш үчүн иранға мушундақ муамилә қиливатамду?



مۇناسىۋەتلىك خەۋەرلەر