injilizm؛ tengrini qiyametke zorlash we insaniyetni halaketke

dunya közniki (32)

injilizm؛ tengrini qiyametke zorlash we insaniyetni halaketke

injilizm؛ tengrini qiyametke zorlash we insaniyetni halaketke

dunya közniki (32)

«injilizm؛ tengrini qiyametke zorlash we insaniyetni halaketke»

(piroféssor doktor qudret bulbul)

türkiye awazi radiyosi: «dunyagha nezer» yeni «dunya közniki» namliq pirogrammimizning bügünki sanida enqere yildirim beyazit uniwérsitéti siyasiy penler fakultéti bashliqi piroféssor doktor qudret bulbulning «injilizm؛ tengrini qiyametke zorlash we insaniyetni halaketke» témiliq analizinidiqqitinglargha sunimiz:

yéqinqi mezgillerdin buyan türkiye siyasitide, fethullahchi térrorluq teshklatining qaldurup ketket halaketlik tesirliri sewebidin intayin qoyuq bir shekilde döletler ara munasiwetlerni talash tartish qilmaqtimiz. köpinche hallarda özimiz yashawatqan döletlerdiki amillarni peqetla özimizge tewe dep oylap qalimiz we epsuslinimiz. amérikining rahip birunson sewebidin türkiyege émbargo yürgüzüsh qarari élishi bu ehwallarning undaq emeslikini yene bir qétim namayan qilip berdi.

türkiye xelqi 15iyuldin kéyinki özlirige qaritilghan eyibleshlerdin ilgiri onlighan yillardin béri türkiyede misyonérliq paaliyiti élip barghan rahip birunsonning mewjutluqinimu bilmeytti. p k k gha we fethullahchi térrorluq teshkilatigha yardem qilish bilen eyiblengen birunsonning nazaretke élinishi sewebidin amérikining türkiyege émbargo yüzgüzüsh qarari élishi, amérikidiki din dölet munasiwetliri üstide oylinip béqishimizgha yol achti.  amérika teripidin diniy erkinlik nuqtisidin qaralghanda bu weqe amérikidiki din dölet munasiwetlirige qaytidin qarap chiqishimizni zorur qilmaqta. chunki qaidilirini we bashqa döletlerning musteqilliqini közge ilmaydighan bayanatlirini bashqa yol bilen chüshünelishimiz mumkin emes.

her qandaq bir dölette din dölet munatsiwetlirining maslashqan bolishi asasen tenqid qilinidighan ehwal emes. eksiche bu ehwal diniy erkinlik nuqtisidin intayin ijabiyliqqa ige. yawropadiki jallatlardin we diniy neyrangwazlardin qachqanlar qurup chiqqan amérika qoshma ishtatlirining xelqi bolush süpiti bilen taki yéqinqi mezgillerge qeder amérika diniy erkinlikler eng yaxshi özini ipade qilalaydighan dölet dep qarilip kelgen idi. din dölet munasiwetlirining maslashqan bolushidin bashqa yene, bir döletning din döliti bolushimu tenqid qilinidighan ehwal bolmasliqi mumkin. oxshashmasliqlargha mötidil qaraydighan, din köp sanliq asasida izahlinidighan bir dinning döliti erkinlikler we kishilik hoquq nuqtiisdin mesile tughdurmasliqimu mumkin. hetta bundaq ehwal döletlerning émpiriyalizmgha yüzlinishige tosalghu bolishimu mumkin. din eng küchlük tesirge ige bolghan osmanli dölet tüzimi bu ehwallarning konkért misali bolalaydu.

esli qarshi chiqishqa kéreklik bolghini dinlerning döletler bilen eqelliy heq hoquq we erkinlikler nuqtisidin maslishishchan bir munasiwet qurghan bolushi emes, belki bir döletning melum bir dinni özining émpiriyaliést menpeetliri üchün wastige aylanduriwélishidur. shuningdek bir dinningmu melum bir döletni we pirinsipni özining émpiriyaliést menpeetliri üchün wastige aylanduruwilishimu qarshi chiqishqa tégishlik ehwal elwette.

din - dölet munasiwetlirining salahiyiti nuqtisidin bir din döliti hésablinidighan israiliyeni yaki bir dölet diniy hésablinidighan siyonizmni misal élishqa bolidu. esirlerdin buyan birlikte yashap kelgen musulmanlar, xiristiyanlar we yehudiylar israiliye hökümitide birlikte yashiyalmaydighan halgha kélip qaldi.

*** **** ****** ****** ******

emdi qaytidin amérikigha nezer salidighan bolsaq, injilizmchi rahip birunsonning we türkiyege émbargo yürgüzülishi üchün pütün küchini ishqa sélishqa tirishwatqan amérika muawin pirézidénti mayk pénsning oxshash étiqadliqlar ikenliki tilgha élinmaqta. amérika xelqi arisida, siyaset saheside we biyukratsiyeside injilizmning intayin küchlük tesiri barliqi, amérikada 90 milyon injilizm éqimidikilerning barliqi, sabiq pirézidéntlardin régan we oghul boshningmu injilizm éqimigha eza ikenlikliri melum. shunga birunson weqesining türkiye bilen munasiwetlik emes, belki amérika we injilizm bilen munaswetlik ikenliki namayan bolmaqta.

undaqta injilizm zadi néme? 

bu heqte birinchi bolup sözlinish kéreklik bolghini, injilizmning ortodokis yaki katalok emes, belki protéstantliq ichidiki bir diniy éqim, mezhep yaki teriqet ikenlidur. bular 19esirde özini ayan qilishqa bashlighan idi. injilizm lughat menisi boyiche, «muqeddes kitabqa yüzlinish» dégenni bildüridu. bu yerdiki muqeddes kitabtin meqset, peqet xiristiyanlar üchün muqeddes hésablinidighan injilla emes, öz nöwitide yene yehudiylar üchünmu muqeddes hésablinidighan qedimiy ehidlerni körsitidu. yéngidin shekillengen bu pirotéstant éqimining izahlishiche, dunyaning axirida xiristiyanliq pütün dunyagha hakim bolidu. andin kéyin qiyamet qopidu. biraq bu ehwal tebiiy éqishigha qoyup bérilgende uzun waqit élishi mumkin. shunga injilizm éqimidikilerning qarishiche, süret tizlandurulishi lazim.

bashqa xiristiyanlarni bulardin ayrip turidighan eng körinerlik amil, yehudiylarning tallanghan millet ikenlikige we ulargha wede qilinghan zéminda ularning heqqi barliqigha shundaqla bu zéminni qolgha keltüreleshi üchün xiristiyanlarning ulargha choqum yardem qilishi kéreklikige ishinish eqidisidur.

mushu hepte türkiye awazi radiyosining «cheshme jahan» namliq pirogrammisigha qatnashqan dotsént doktor orjan güngürning bildürüshiche, injilizmning pütün dunyagha hakim bolushi üchün 7 basquch bilen süret tizlandurulishi kérek iken. 

1- basquchta yehhudiylarning pelestin zéminigha qaytishi ishqa ashurulidu. hazir bu basquch asasen dégüdek emeliyleshti.

2 - basquchta türkiyeningmu bir qismini öz ichige alghan shekilde büyük israiliye döliti qurup chiqilidu. amérikining ottura sherqte israiliyeni shertsiz qollap - quwwetlishi we pütün dunyaning qarshi chiqishigha shundaqla b d t da asasen dégüdek yalghuz qélishigha qarimastin quddusni israiliyening paytexti dep étirap qilishining sewebi heqqide beziler injilizimning amérika siyasitidiki tesiri dep baha bermekte.

3 - basquchta injilning muddiasi pütün dunyagha yetküzülidu. rahip birunson her halda 10 yildin köprek waqittin buyan bu meqset üchün türkiyede turiwatqan bolushi mumkin. lékin yalghuz türkiyela emes, belki asasliqi musulman döletlerni öz ichige alghan nurghunlighan döletlerde injilizm éqimigha tewe misyonérlarning jiddiy xizmetlerni qiliwatqanliqi, bolupmu afriqida milyonlighan insanni xiristiyanlashturghanliqi melum.

4 - basquch 7 yil dawamlishidu we halaket dewri bashlinidu.

5 - basquchta hezreti iysa qayta dunyagha kélidu.

6 - basquchta injilizim éqimidikilerning rehberlikide armégédon urushi yüz béridu. dunyada yaxshilar bilen yamanlar intayin halaketlik bir dunya urushigha kiridu hemde yaxshilar ghelibe qilidu. axirida injilizm éqimidikilerning hakimiyiti ishqa ashidighan bolghachqa bu urushning baldurraq yüz bérishi üchün israiliye döliti téximu chongaytilishi lazim.

7basquchta pütün dunyagha xiritisyanliq hakim bolidu we qiyamet qayim bolidu.

körülginige oxshash injilizm 6 basquchqiche siyonizmning meqsetliri bilen tamamen mashlashmaqtidur. bu wejidin injilizim éqimidikiler «siyonist xiristiyanlar» depmu atalmaqta.

*** * *** ** ****** ****

19esirde yehudiyliqmu xuddi islam we xiristiyaliqqa oxshash eneniwiy shekilde ishinilidighan normal ilahiy dinlarning birsi hésablinatti.  téodor hérlz qatarliq siyonist yehudiylar aldi bilen yehudiyliqni özgertip tashlidi. shunga bügünki künde siyonist yehudiyliqqa qarshi chiqidighan nurghunlighan yehudiylarmu mewjut.

türkiyede we islam döletliride yéqinqi mezgillerde siyonizm bilen maslishishchan bir islam yaritish tirishchanliqi körsitiwatqanliqi melum. «dinlar ara diyalog» dégendek términler, islamni asas qilmighan azghun éniqlimilar we emeliy heriketler bu urunushlarni körsitip bermekte. bu xil guruppilarmu injilizm éqimidikilerge oxshash israiliyening yehudiylar üchün wede qilinghan zémini barliqini tilgha élishmaqta.

xiristiyanliqning ichidin siyonizm bilen maslishalaydighan bir eqidining özligidin shekillengen bolush éhtimali bar dep qarash, diniy oxshimasliqlar we tarixiy tuqunushlar sewebidin mumkin emestek körinidu. bu özgertishlerning siyonislarning tirishchanliqi ikenliki heqqidiki gumanlarmu intayin küchlük bir shekilde otturida turuptu. siyonist xiristyanlargha (injilizm éqmikidikilerge) qarshi chiqqan nurghunlighan xiristiyanlarmu bar.  katoliklar papasining quddusning paytext élan qilinishigha qarshi chiqish pozitsiyede bolghanliqi melum.  shuningdek ortodokislarmu injilizm éqimidikiler bilen oxshash qarashta emes. hetta bezide israiliyening zulmigha qarshi musulmanlarni qollaydighan pozitsiye tutmaqta.

der heqiqet, tengrini qiyametke zorlash insanning qolidin kélidighan ish emes. lékin insaniyetni halaketke soriyeleydighanliqi éniq.  dinlarning ginlirini özgertip, barliq insaniyetni halaketke ittirmekchi bolghan siyonizm bilen munasiwetlik her türlük urunushlarning hemmige qarshi chiqish lazim. bumu génliri özgermigen musulmanlar, xiristiyanlar we yehudiylar shundaqla yer yüzidiki tinchliqperwer barliq insanlarning hemkarlishishi bilen mumkin bolghusi.   

   hörmetlik radiyo anglighuchi qérindashlar! yuqirida yildirim beyazit uniwérsitéti siyasiy penler fakultéti bashliqi piroféssor doktor qudret bulbulning meslige munasiwetlik analizini diqqitinglargha sunduq. kéler hepte yene oxshash waqitta, yene bashqa analizlirini diqqitinglargha sunimiz. qayta körüshkiche aman bolghaysiler xeyir xosh!!

 


خەتكۈچ: dunya közniki

مۇناسىۋەتلىك خەۋەرلەر