инҗилизм؛ тәңрини қийамәткә зорлаш вә инсанийәтни һалакәткә

дунйа көзники (32)

инҗилизм؛ тәңрини қийамәткә зорлаш вә инсанийәтни һалакәткә

инҗилизм؛ тәңрини қийамәткә зорлаш вә инсанийәтни һалакәткә

дунйа көзники (32)

«инҗилизм؛ тәңрини қийамәткә зорлаш вә инсанийәтни һалакәткә»

(пирофессор доктор қудрәт булбул)

түркийә авази радийоси: «дунйаға нәзәр» йәни «дунйа көзники» намлиқ пирограммимизниң бүгүнки санида әнқәрә йилдирим бәйазит университети сийасий пәнләр факултети башлиқи пирофессор доктор қудрәт булбулниң «инҗилизм؛ тәңрини қийамәткә зорлаш вә инсанийәтни һалакәткә» темилиқ анализинидиққитиңларға сунимиз:

йеқинқи мәзгилләрдин буйан түркийә сийаситидә, фәтһуллаһчи террорлуқ тәшклатиниң қалдуруп кәткәт һалакәтлик тәсирлири сәвәбидин интайин қойуқ бир шәкилдә дөләтләр ара мунасивәтләрни талаш тартиш қилмақтимиз. көпинчә һалларда өзимиз йашаватқан дөләтләрдики амилларни пәқәтла өзимизгә тәвә дәп ойлап қалимиз вә әпсуслинимиз. америкиниң раһип бирунсон сәвәбидин түркийәгә ембарго йүргүзүш қарари елиши бу әһвалларниң ундақ әмәсликини йәнә бир қетим намайан қилип бәрди.

түркийә хәлқи 15ийулдин кейинки өзлиригә қаритилған әйибләшләрдин илгири онлиған йиллардин бери түркийәдә мисйонерлиқ паалийити елип барған раһип бирунсонниң мәвҗутлуқиниму билмәйтти. п к к ға вә фәтһуллаһчи террорлуқ тәшкилатиға йардәм қилиш билән әйибләнгән бирунсонниң назарәткә елиниши сәвәбидин америкиниң түркийәгә ембарго йүзгүзүш қарари елиши, америкидики дин дөләт мунасивәтлири үстидә ойлинип беқишимизға йол ачти.  америка тәрипидин диний әркинлик нуқтисидин қаралғанда бу вәқә америкидики дин дөләт мунасивәтлиригә қайтидин қарап чиқишимизни зорур қилмақта. чунки қаидилирини вә башқа дөләтләрниң мустәқиллиқини көзгә илмайдиған байанатлирини башқа йол билән чүшүнәлишимиз мумкин әмәс.

һәр қандақ бир дөләттә дин дөләт мунатсивәтлириниң маслашқан болиши асасән тәнқид қилинидиған әһвал әмәс. әксичә бу әһвал диний әркинлик нуқтисидин интайин иҗабийлиққа игә. йавропадики җаллатлардин вә диний нәйраңвазлардин қачқанлар қуруп чиққан америка қошма иштатлириниң хәлқи болуш сүпити билән таки йеқинқи мәзгилләргә қәдәр америка диний әркинликләр әң йахши өзини ипадә қилалайдиған дөләт дәп қарилип кәлгән иди. дин дөләт мунасивәтлириниң маслашқан болушидин башқа йәнә, бир дөләтниң дин дөлити болушиму тәнқид қилинидиған әһвал болмаслиқи мумкин. охшашмаслиқларға мөтидил қарайдиған, дин көп санлиқ асасида изаһлинидиған бир динниң дөлити әркинликләр вә кишилик һоқуқ нуқтиисдин мәсилә туғдурмаслиқиму мумкин. һәтта бундақ әһвал дөләтләрниң емпирийализмға йүзлинишигә тосалғу болишиму мумкин. дин әң күчлүк тәсиргә игә болған османли дөләт түзими бу әһвалларниң конкерт мисали болалайду.

әсли қарши чиқишқа керәклик болғини динләрниң дөләтләр билән әқәллий һәқ һоқуқ вә әркинликләр нуқтисидин маслишишчан бир мунасивәт қурған болуши әмәс, бәлки бир дөләтниң мәлум бир динни өзиниң емпирийалиест мәнпәәтлири үчүн вастигә айландуривелишидур. шуниңдәк бир динниңму мәлум бир дөләтни вә пиринсипни өзиниң емпирийалиест мәнпәәтлири үчүн вастигә айландурувилишиму қарши чиқишқа тегишлик әһвал әлвәттә.

дин - дөләт мунасивәтлириниң салаһийити нуқтисидин бир дин дөлити һесаблинидиған исраилийәни йаки бир дөләт диний һесаблинидиған сийонизмни мисал елишқа болиду. әсирләрдин буйан бирликтә йашап кәлгән мусулманлар, хиристийанлар вә йәһудийлар исраилийә һөкүмитидә бирликтә йашийалмайдиған һалға келип қалди.

*** **** ****** ****** ******

әмди қайтидин америкиға нәзәр салидиған болсақ, инҗилизмчи раһип бирунсонниң вә түркийәгә ембарго йүргүзүлиши үчүн пүтүн күчини ишқа селишқа тиришватқан америка муавин пирезиденти майк пенсниң охшаш етиқадлиқлар икәнлики тилға елинмақта. америка хәлқи арисида, сийасәт саһәсидә вә бийукратсийәсидә инҗилизмниң интайин күчлүк тәсири барлиқи, америкада 90 милйон инҗилизм еқимидикиләрниң барлиқи, сабиқ пирезидентлардин реган вә оғул бошниңму инҗилизм еқимиға әза икәнликлири мәлум. шуңа бирунсон вәқәсиниң түркийә билән мунасивәтлик әмәс, бәлки америка вә инҗилизм билән мунасвәтлик икәнлики намайан болмақта.

ундақта инҗилизм зади немә? 

бу һәқтә биринчи болуп сөзлиниш керәклик болғини, инҗилизмниң ортодокис йаки каталок әмәс, бәлки протестантлиқ ичидики бир диний еқим, мәзһәп йаки тәриқәт икәнлидур. булар 19әсирдә өзини айан қилишқа башлиған иди. инҗилизм луғат мәниси бойичә, «муқәддәс китабқа йүзлиниш» дегәнни билдүриду. бу йәрдики муқәддәс китабтин мәқсәт, пәқәт хиристийанлар үчүн муқәддәс һесаблинидиған инҗилла әмәс, өз нөвитидә йәнә йәһудийлар үчүнму муқәддәс һесаблинидиған қәдимий әһидләрни көрситиду. йеңидин шәкилләнгән бу пиротестант еқиминиң изаһлишичә, дунйаниң ахирида хиристийанлиқ пүтүн дунйаға һаким болиду. андин кейин қийамәт қопиду. бирақ бу әһвал тәбиий еқишиға қойуп берилгәндә узун вақит елиши мумкин. шуңа инҗилизм еқимидикиләрниң қаришичә, сүрәт тизландурулиши лазим.

башқа хиристийанларни булардин айрип туридиған әң көринәрлик амил, йәһудийларниң талланған милләт икәнликигә вә уларға вәдә қилинған земинда уларниң һәққи барлиқиға шундақла бу земинни қолға кәлтүрәләши үчүн хиристийанларниң уларға чоқум йардәм қилиши керәкликигә ишиниш әқидисидур.

мушу һәптә түркийә авази радийосиниң «чәшмә җаһан» намлиқ пирограммисиға қатнашқан дотсент доктор орҗан гүнгүрниң билдүрүшичә, инҗилизмниң пүтүн дунйаға һаким болуши үчүн 7 басқуч билән сүрәт тизландурулиши керәк икән. 

1- басқучта йәһһудийларниң пәләстин земиниға қайтиши ишқа ашурулиду. һазир бу басқуч асасән дегүдәк әмәлийләшти.

2 - басқучта түркийәниңму бир қисмини өз ичигә алған шәкилдә бүйүк исраилийә дөлити қуруп чиқилиду. америкиниң оттура шәрқтә исраилийәни шәртсиз қоллап - қуввәтлиши вә пүтүн дунйаниң қарши чиқишиға шундақла б д т да асасән дегүдәк йалғуз қелишиға қаримастин қуддусни исраилийәниң пайтәхти дәп етирап қилишиниң сәвәби һәққидә бәзиләр инҗилизимниң америка сийаситидики тәсири дәп баһа бәрмәктә.

3 - басқучта инҗилниң муддиаси пүтүн дунйаға йәткүзүлиду. раһип бирунсон һәр һалда 10 йилдин көпрәк вақиттин буйан бу мәқсәт үчүн түркийәдә туриватқан болуши мумкин. лекин йалғуз түркийәла әмәс, бәлки асаслиқи мусулман дөләтләрни өз ичигә алған нурғунлиған дөләтләрдә инҗилизм еқимиға тәвә мисйонерларниң җиддий хизмәтләрни қиливатқанлиқи, болупму африқида милйонлиған инсанни хиристийанлаштурғанлиқи мәлум.

4 - басқуч 7 йил давамлишиду вә һалакәт дәври башлиниду.

5 - басқучта һәзрәти ийса қайта дунйаға келиду.

6 - басқучта инҗилизим еқимидикиләрниң рәһбәрликидә армегедон уруши йүз бериду. дунйада йахшилар билән йаманлар интайин һалакәтлик бир дунйа урушиға кириду һәмдә йахшилар ғәлибә қилиду. ахирида инҗилизм еқимидикиләрниң һакимийити ишқа ашидиған болғачқа бу урушниң балдуррақ йүз бериши үчүн исраилийә дөлити техиму чоңайтилиши лазим.

7басқучта пүтүн дунйаға хиритисйанлиқ һаким болиду вә қийамәт қайим болиду.

көрүлгинигә охшаш инҗилизм 6 басқучқичә сийонизмниң мәқсәтлири билән тамамән машлашмақтидур. бу вәҗидин инҗилизим еқимидикиләр «сийонист хиристийанлар» дәпму аталмақта.

*** * *** ** ****** ****

19әсирдә йәһудийлиқму худди ислам вә хиристийалиққа охшаш әнәнивий шәкилдә ишинилидиған нормал илаһий динларниң бирси һесаблинатти.  теодор һерлз қатарлиқ сийонист йәһудийлар алди билән йәһудийлиқни өзгәртип ташлиди. шуңа бүгүнки күндә сийонист йәһудийлиққа қарши чиқидиған нурғунлиған йәһудийларму мәвҗут.

түркийәдә вә ислам дөләтлиридә йеқинқи мәзгилләрдә сийонизм билән маслишишчан бир ислам йаритиш тиришчанлиқи көрситиватқанлиқи мәлум. «динлар ара дийалог» дегәндәк терминләр, исламни асас қилмиған азғун ениқлимилар вә әмәлий һәрикәтләр бу урунушларни көрситип бәрмәктә. бу хил гуруппиларму инҗилизм еқимидикиләргә охшаш исраилийәниң йәһудийлар үчүн вәдә қилинған земини барлиқини тилға елишмақта.

хиристийанлиқниң ичидин сийонизм билән маслишалайдиған бир әқидиниң өзлигидин шәкилләнгән болуш еһтимали бар дәп қараш, диний охшимаслиқлар вә тарихий туқунушлар сәвәбидин мумкин әмәстәк көриниду. бу өзгәртишләрниң сийонисларниң тиришчанлиқи икәнлики һәққидики гуманларму интайин күчлүк бир шәкилдә оттурида турупту. сийонист хиристйанларға (инҗилизм еқмикидикиләргә) қарши чиққан нурғунлиған хиристийанларму бар.  католиклар папасиниң қуддусниң пайтәхт елан қилинишиға қарши чиқиш позитсийәдә болғанлиқи мәлум.  шуниңдәк ортодокисларму инҗилизм еқимидикиләр билән охшаш қарашта әмәс. һәтта бәзидә исраилийәниң зулмиға қарши мусулманларни қоллайдиған позитсийә тутмақта.

дәр һәқиқәт, тәңрини қийамәткә зорлаш инсанниң қолидин келидиған иш әмәс. лекин инсанийәтни һалакәткә сорийәләйдиғанлиқи ениқ.  динларниң гинлирини өзгәртип, барлиқ инсанийәтни һалакәткә иттирмәкчи болған сийонизм билән мунасивәтлик һәр түрлүк урунушларниң һәммигә қарши чиқиш лазим. буму генлири өзгәрмигән мусулманлар, хиристийанлар вә йәһудийлар шундақла йәр йүзидики тинчлиқпәрвәр барлиқ инсанларниң һәмкарлишиши билән мумкин болғуси.   

   һөрмәтлик радийо аңлиғучи қериндашлар! йуқирида йилдирим бәйазит университети сийасий пәнләр факултети башлиқи пирофессор доктор қудрәт булбулниң мәслигә мунасивәтлик анализини диққитиңларға сундуқ. келәр һәптә йәнә охшаш вақитта, йәнә башқа анализлирини диққитиңларға сунимиз. қайта көрүшкичә аман болғайсиләр хәйир хош!!

 



مۇناسىۋەتلىك خەۋەرلەر