tramp-putin uchrishishi némidin dérek béridu?

doktor erkin ekrem ependining témigha munasiwetlik analizi

tramp-putin uchrishishi némidin dérek béridu?

tramp-putin uchrishishi némidin dérek béridu?

amérika pirézidénti donald tramp bilen rusiye pirézidénti wiladimir putin finlandiyening paytexti xélsinkide ikki saet ayrim körüshkendin kéyin qoshma axbarat élan qilish yighini ötküzdi. bildürülüshiche, ikki rehber körüshüshte iran we süriye bolup nurghun mesililer üstide muzakire ötküzgen, xelqaraning diqqiti  dunya boyiche ikki chong qudretlik döletning ikki rehbirining uchrishishigha merkezleshti we uchrishishta qaysi témilarning muzakire qilinghanliqi qiziq nuqtigha aylandi. ikki rehberning uchrishishi we muzakire qilinghan témilar toghrisida her xil xewerler, qarashlar we inkaslar peyda boldi, ikki rehberning uchrishishigha yuqiri baha bergenlerdin bashqa, tenqidligenlermu boldi, körüshüshte putinning aktip orungha ötüp trampning passip orungha chüshüp qalghanliqi, körüshüshning ghalibining putin ikenliki toghrisida analizlar élip bérilmaqta. mesilen, shiwétsiye dairliri ikki rehberning xelqaradiki muhim mesililer üstide muzakire ötküzmgenlikini bildürüp tenqildi.   qoshma axbarat élan qilish yighinida donald tramp 2016-yili amérika pirézidéntliq saylamlirigha rusiyening arilashqanliqi toghrisida peyda bolghan qarashlarning asassiz ikenlikini, rusiyening undaq ish qilmighanliqini éytti. trampning bayanati amérikida küchlük naraziliq peyda qildi, hetta bezi shexs we qatlamlar trampni «weten xaini»dep teripleshti. tramp amérikigha qaytip kelgendin kéyin xélsindiki bergen bayanatlirini qayturuwélishqa mejbur boldi.

ikki rehberning körüshüshning arqa körünüshi néme? ikki chong döletning  rehbirining uchrishishini qandaq chüshinish mumkin? putin-tramp arisida ikki dölet arisidiki munasiwetlerdin sirt bashqa qaysi mesililer muzakire qilindi? putin-tramp uchrishishi kütülgen yerdin chiqtimu? bu qétimqi uchrishishtin kéyin amérika-rusiye arisidiki sürkilish pesiyemdu? ikki chong döletning körüshüshidin biaram bolghan döletler bar? ikki rehberning uchrishishi xelqara qandaq netijilerni peyda qilishi mumkin?



مۇناسىۋەتلىك خەۋەرلەر