allahning raziliqigha érishishni xalamsiz? (awazliq)

türkiyening barliq jameliride bir tutash oqulidighan jume xutbiliri/ 27 - 2018

allahning raziliqigha érishishni xalamsiz? (awazliq)

allahning raziliqigha érishishni xalamsiz?

 

eziz mumin qérindashlar! jüme küninglar mubarek bolsun!

allah taala quran kerimde mundaq deydu:

eziz qérindashlar! peyghember eleyhissalam bir küni eshabiliri bilen söhbet ötküzüwatatti. «bügün qaysinglar roza tuttunglar?» dep soridi. hezriti ebu bekir reziyellahu enhu «men» dep jawab berdi. andin peyghember eleyhissam yene, «bügün qaysinglar bir qérindishinglarning jinazisige qétildinglar? bügün qaysinglar bir kembeghelning qorsiqini toyghuzup qoydunglar? bügün qaysinglar bir késelni yoqlidinglar?» dep ayrim ayrim soridi.

hezriti ebu bekir reziyellahu enhu bu suallarning hemmisige «men» dep jawap qoyturdi. peyghember eleyhissalam: «kim bu güzel emellerni qilghan bolsa, u choqum jennetke kiridu» dep sahabisige jawab bérish arqiliq goya pütün ümmetke bir xoshxewer bergen idi. (muslim, sahabilerning peziliti babi, 12hedis)

eziz qérindashlar! yaritilish sewebimiz hemmidin bek allah taalani layiqida tonush, uninggha chin yürektin baghlinish, uning buyruqi we cheklimilirige riaye qilishtin ibarettur. mewjotluqimizning ghayisi imanni we salih emellerni, yaxshiliq we güzel exlaqni hayatimizgha hakim qilishtur. buning yoli bolsa, quran we sünnetke semimiy bir shekilde emel qilishtin ötidu. chünki quran we sünnet hayatliq sepirimizning eng saghlam, eng ishenchlik, eng asasliq yol bashlighuchisidur.  bu seperning menzilide bolsa, allahning rizasigha érishken bendilirige bir lutfi we mukapati hésablinidighan jenniti bolidu.

bizni jennetke élip baridighan hidayet yolining tunji qedimide iman kélidu. allahning barliqigha we birlikige iman éytqanlarla jennet kiridu. iman asaslirigha chin qelbidin mehkem baghlanghanlar ebediy németlerge sazawer bolidu. bizning wezipimiz axiriqi tiniqimizgha qeder imanimizgha sadiq bolush we rebbimizge bergen bendichilik wedimizge wapa qilish, imanimiz we söz emellirimizde emeliy ispatlash hemde güzel emellirimizni janlandurushtin ibarettur.  chünki allah quran kerimde mundaq deydu: 

shübhisizki, iman éytqan, salih emellerni qilghanlar barghu?! ene shular yartilmishlarning eng xeyrilikidur. allahning dergahida ularning mukapati astidin östenglar éqip turidighan, ichide ular menggu qalidighan eden jennetliridur. allah ulardin razi, ularmu allahtin razi bolidu. mana bu mukapat rebbidin qorqaydighanlargha xastur» (süre beyyine 7we 8ayet)

eziz qérindashlar! jennetke tutushidighan yolning 2qedimi salih emeldur. biz allahning raziliqigha érishturishini ümit qilghan salih emellirimizning yeni, güzel pozitsiyelirimizning, toghra we menilik tashlighan qedemlirimizning chéki bolmaydu. bendichilik éngimiz bilen qilghan her bir xeyrilik sözimiz, insan bolush sheripige layiq her bir güzel herikitimiz, allahning raziliqini meqset qilghan her bir niyitimiz salih emeldur. biz peqet semimiyettin ayrilmisaqla boldi. allahning raziliqini bashqa birer arzu yaki ghayige qurban qiliwetmisekla boldi.

shuningdek ibadetlirimizning her biri birdin salih emel hésablinidu. bizni jennetke élip baridighanmu ibadet, öz nöwitde yene bizni yaxshi xaraktérge ige qilidighanmu yene ibadettur. namizimiz bizni gunah we nachar ishlardin tosidu. rozimiz tilimizni yaman sözlerdin, qolimiz, zihnimiz we könglimizni yamanliqtin qoghdaydu. hejjimiz allahqa bolghan teslimiyitimizni we ümmet éngimizni mustehkemleydu. zakatimiz, sediqimiz we qurbanliqimiz bizge dunya németlirining quligha aylinip qalmasliqimiz kéreklikini eskertidu. 

eziz mömin qérindashlar! imanni kamaletke yetküzidighan we möminni jennetke élip baridighan eng ünümlük yol bolsa, güzel exlaqtur. mömin ata anisigha, ayaligha, ewladlirigha xulum - qoshna, uruq tughqanlirigha jümlidin barliq janliqlargha köyüm - shepqet bilen muamile qilidu. qoli we tili bilen héch kishige ziyan yetküzmeydu. etrapidikilerge ishench béridu. allah buyrighan shekilde top toghra bolidu. toghra yoldin qetiy ayrilmaydu. ziyan kélidighanliqini bilsimu yalghan sözlimeydu. wedisige wapa qilidu. békar, paydisiz ishlar bilen ömrini israp qilmaydu. jennet yolining yoluchisi hayatining her bir lehziside we her bir qilghan ishida allahning rizasini közleydu.

eziz qérindashlar! bu ulugh jümeni nijatliqimizgha we jennet ehli bolishimizgha wesile qilip bersun. biz hemmimiz bügün öz - özimidin hésab sorayli!

allahning amaniti bolghan ömrimizni qaysi yolda tügitiwatimiz?

méngiwatqan yolimiz bizni jennete yetküzidighan yolmu yaki jennettin uzaqlashturidighan yolmu?

turmush sheklimiz arqiliq özimizni jennetke yetküzidighan bir köwrük siliwatamdimiz yaki jennet bilen arimizgha tam séliwatamdimiz?

söz we emellirimiz semimiylikke ülge boluwatamdu yaki qilghan emellirimizni riya we köz köz qilish bilen békar qilip yüriwatamduq?

dégen bu soalarni bir - birlep özimizdin sorap baqayli!

eziz qérindashlar! xutbimizni söyümlük peyghembirimizning munu hedisi sheripi bilen axirilashturmaqchimiz:

«siler manga 6 ish heqqide kapalet bersenglar, menmu silerge jennetning kapalitini bérey؛ söz qilghanda toghra söz qilinglar. wede qilghanda emel qilinglar. silerge bir nerse amanet qilinghanda uninggha riaye qilinglar we sezgürlikinglarni qoghdanglar. közliringlarni haramdin saqlanglar. qolliringlar yamanliqtin uzaq tutunglar» (ibni henbel, 5jild 323hedis)  


خەتكۈچ: jume xutbiliri

مۇناسىۋەتلىك خەۋەرلەر