«биринчи дунйа сода уруши»

доктор әркин әкрәмниң темиға мунасивәтлик анализи

«биринчи дунйа сода уруши»

«биринчи дунйа сода уруши»

америка һакимийити әтә хитайдин импорт қилинидиған 34 милйард долларлиқ мәһсулатларға қошумчә таможна беҗи бәлгилимиси йолға қойушқа тәййарланмақта. хитай ташқи ишлар министирлиқи «һечким сода урушини халимайду»дәп байанат бәргән болса, хитай сода министирлиқи «америка өзи болуп пүткүл дунйани от тиқмақта»дәп байанат бәрди.

америка пирезиденти доналд трамп һакимийити чиқарған бу бәлгилимә әтә йолға қойулиду, трамп хитай һөкүмити бәлгилимигә қарши тәдбир көргән тәқдирдә, сода саһәсидики киризисни техиму кәскинләштүридиғанлиқини билдүрүп, хитай мәһсулатлириға 450 милйардлиқ доллар қиммитидә қошумчә таможна беҗи йолға қойулидиғанлиқини ейтип хитайға тәһдит салғаниди.  

хитай даирилири «тунҗи оқни өзлири атмайдиғанлиқини»билдүрүп байанат бәргән болсиму,  хитай мәсуллири америка һөкүмити хитай мәһсулатлириға қошумчә таможна беҗи йолға қойған тәқдирдә қарап турмайдиғанлиқлирини уқтурди.

һәптилик мухбирларни күтүвелиш йиғинида хитай сода минстирлиқи байанатчиси гав фең, америкиниң таможна баҗлириниң хитайдики чәт әл ширкәтлири болуп барлиқ хәлқаралиқ ширкәтләргә зийан беридиғанлиқини әскәртип: америка сода урушини әвҗигә чиқиришниң койида йүрүватиду, бизниң уруш қилғумиз йоқ, бирақ дөләт вә хәлқимизниң мәнпәәтини қоғдаш үчүн урушқа қилиштин башқа чаримиз йоқ, деди.

иқтисадшунаслар сода урушиниң мал баһасини өстүрүветидиғанлиқини, сода урушида һәммидин бәк истемалчиларниң зийанға учрайдиғанлиқини билдүрмәктә. 

қандақ болуп бу икки дөләт мунасивити сода җәһәттә «уруш»сәвийәсигә берип йәтти? бу әһвални хәлқара мунасивәтләр нуқтисидин қандақ чүшиниш мумкин? иқтисадий җәһәттин күчлүк болған бу икки дөләт арисидики сода уруши хәлқарада қандақ тәсирләрни пәйда қилиду? биринчи дунйа сода уруши башлидиму?



مۇناسىۋەتلىك خەۋەرلەر