türkiye bilen amérikining munbich mesiliside kélishishi

jan ajunning témigha munasiwetlik analizi

türkiye bilen amérikining munbich mesiliside kélishishi

türkiye bilen amérikining munbich mesiliside kélishishi

türkiye bilen amérika arisida yéqinqi mezgillerde nurghun mesilide ixtilap yüz bermekte. bolupmu amérikining fethullachi térrorluq teshkilatining herbiy-siyasiy özgirish qozghashqa urunush qilmishidin kéyin pénsilwaniye ishtatida panahliniwatqan fethullah gülenni türkiyege qayturup bermesliki we p k k ning süriyediki gumashtisi bolghan y p g térrorluq teshkilatigha izchil yantayaq bolup ittipaqdéshi élan qilishi türkiye-amérika munasiwetlirige éghir derijide ziyan salmaqta. türkiye térrorizimgha zerbe bérishte yéngiche yol we idiyeni qobul qilip bu dairide firat qalqini we zeytun shéxi herbiy herikiti élip bérish bilen birge, süriye mesilisini hel qilish üchün bashlighan astana söhbetliri dairiside süriyening idlib rayonida 12 közitish nuqtisi qurup chiqti, bu ehwal türkiyening rayondiki nopuzini kücheytti. türkiye zeytun shéxi herbiy herikiti élip bérish arqiliq y p g térrorluq teshkilatini rayondin toluq tazilidi, bu ehwal türkiyening munbich mesiliside téximu aktip heriket qilishigha purset yaritip berdi.

erkin süriye armiyesi munbichni süriyede ichki urush partlap uzun ötmeyla qolgha kirgüzgenidi, lékin 2014-yili daésh munbichni ishghal qiliwaldi. 2016-yili amérika bashchiliqidiki xelqara ittipaqdash qisimliri térrorluq teshkilati y p g ning yadrosini teshkil qilidighan süriye démokratchilar qisimliri bilen hemkarliship munbich rayonigha heriket qozghidi. türkiyening bu ishqa qattiq naraziliq bildürüshige qarita, amérika türkiye hökümitige daésh rayondin tazilanghandin kéyin p y g qoralliq unsurlirining firatning sherqige chékinip chiqidighanliqi we rayongha ereblerni orunlashturush toghrisida wede berdi. amérika mesulliri y p g térrorchilirining munbichtin chékinip chiqqanliqlirini dep kéliwatqan bolsimu, lékin térrorchilar rayondin chékinip chiqmidi. buningdin bashqa, amérika munbich rayonida munbich herbiy kéngishi qurup chiqti, bu herbiy kéngesh emeliyette p y g térrorchilirigha xizmet qilatti. munbich herbiy kéngishi resmiyette musteqil bolsimu, p k k térrorluq teshkilatining munbich rayonigha biwaste teyinligen jemil mezlum we ismail derik munbich herbiy kéngishige qomandanliq qiliwatqanliqi melum. rayonida xewer ishliwatqan nurghun zhurnalist p k k- y p g térrorluq teshkilatining rayondiki mekteplerde idéologiyesi teshwiq qiliwatqanliqini bildürmekte.

munbichning yerlik ahaliliri y p g térrorluq teshkilatidin biaram bolmaqta. türkiyemu y p g térroluq teshkilatining munbich rayonini bashqurushidin biaram boliwatqanliqini küntertipke élip kelmekte. derweqe, munbich rayonidiki y p g zulumidin qachqan minglarche kishi firat qalqini herbiy herikiti netijiside azad qilinghan rayonlargha bérip makanlashmaqta. munbich rayonidiki qebililer we yerlik xelq y p g térrorluq teshkilatining yashlarni mejburiy meshiqqe sélish bilen birge qiyin-qistaq qilishigha naraziliq bildürüp nurghun qétim namayish ötküzdi. mexpiy heriket qilidighan we suyiqestler bilen y p g qoralliq unsurlarning jénini éliwatqan el qiyam herikiti munbichte qurulghanidi. 

zeytun shéxi herbiy herikitidin kéyin türkiye munbich toghruluq bayanat bérip bezi teyyarliqlarni qildi. türkiye mesulliri bilen amérika mesulliri munbich mesilisi üstide muzakire ötküzüshke bashlidi. amérikining sabiq tashqi ishlar ministiri réks tillérsonning türkiye ziyariti dairiside munbich mesilisige chare tépish üchün türkiye-amérika hemkarliq heyiti qurulghanidi. réks tillérson wezipisidin élip tashlanghandin kéyin munbich mesilisi bir mezgil küntertiptin chüshüp qaldi, lékin uzun ötmeyla mayk pompyoning tashqi ishlar ministiri bolushi bilen munbich mesilisi qaytidin küntertipke keldi. türkiye-amérika hemkarliq heyiti munbich mesilisini hel qilish üchün 3 basquchluq pilan tüzüp chiqti. pilan dairiside y p g térrorchilirining munbich rayonidin chékinip chiqidighanliqi, türkiye bilen amérikining munbichta ortaq nazaret merkizi qurup chiqidighanliqi we munbich rayonda yerlik küchler teripidin teshkil tapidighan hakimiyet teshkil qilinidighanliqi bildürüldi.

türkiye bile amérika arisida munbich mesiliside birdeklik hasil qilinishi emeliyette ikki dölet arisidiki sürkilishining pesiyishige paydisi tégidu. lékin munbich mesilisige munasiwetlik bir nechche nuqta ikki dölet arisida békitilgen yol xeritisi we ikki dölet munasiwetlirige duél élan qilish bolidu. yol xeritisi emeliyleshtürülmigen teqdirde yeni  y p g térrorchiliri munbichtin chékinip chiqmighan teqdirde ikki dölet munasiwetliride yéngi kirizis peyda bolidu. mesilen, amérika munbich herbiy kéngishining musteqil organ ikenlikini bildürgen bolsimu, lékin bu organ biwaste qendildiki térroluq teshkilati teripidin bashqurulmaqta. yene bir mesile, y p g térrorchiliri firatning sherqide heriket qilmaqta. türkiye yol xeritisining munbichte ishqa éshishini we y p g térrorluq teshkilatining tizgini astidiki rayonlardimu emeliylishishini arzu qilmaqta. derweqe, y p g térrorluq teshkilatining firatning sherqide heriket qilishi türkiyening dölet bixeterlikige biwaste tehdit élip kelmekte. amérika munbichte emeliyleshtürülgen yol xeritisining firatning sherqidimu emeliylishishge qarshi chiqishi mumkin. bolupmu, sherqiy süriyede y p g térrorluq teshkilati teripidin kontrol qiliniwatqan néfit baziliri nuqtisidin amérika bundaq bir yol xeritisining emeliylishishini arzu qilmasliqi mumkin.

türkiye tashqi ishlar ministiri mewlüt chawushoghlu bilen amérika tashqi ishlar ministiri mayk pompyo munbich mesiliside kéliship ikki dölet munasiwetlirini yaxshilashturushqa purset yaritip bergen bolsimu, lékin yol xeritisini emeliyleshtürüsh mesilisi her ikki dölet üchün büyük sinaq bolup qalidu.


خەتكۈچ: p k k , amérika , türkiye

مۇناسىۋەتلىك خەۋەرلەر