pelestin mesilisi we irqiy qirghinchiliq

doktor erkin ekremning témigha munasiwetlik analizi

pelestin mesilisi we irqiy qirghinchiliq

pelestin mesilisi we irqiy qirghinchiliq

amérikining tél awiwdiki elchixanisini quddusqa yötkesh qararigha pelestin xelqi naraziliq bildürüp keng kölemlik namayish ötküzdi. israiliye eskerliri namayish ötküzgen pelestinliklerni qanliq basturdi, israiliyening bu wehshiy qetliamida 60 din artuq pelestinlik öldi, 2770din artuq pelestinlik yarilandi. bu qetliamgha jumhur reis rejep tayyip erdoghan bolup hökümet we öktichiler qattiq naraziliq bildürdi. jumhur reis rejep tayyip erdoghan israiliyening bu qetliamini irqiy qirghinchiliq , israiliyeni  bolsa térror döliti dep atidi. israiliyening bu wehshiy qilmishigha türkiyede hökümet mesulliri naraziliq bildürgendin sirt, her qaysi ammiwi teshkilatlarmu keng kölemlik namayish ötküzdi. b d t, islam hemkarliq teshkilati, ereb elliri ittipaqi we afriqa elliri ittipaqi bolup xelqaraliq teshkilatlarmu israiliyege naraziliq bildürüp, derhal qetliamgha xatime bérishke chaqirdi. lékin israiliyening bu qilmishigha naraziliq bildürüsh uyaqta tursun israiliyeni qollighan döletlermu boldi. bezi döletler héchqandaq inkas qayturmay süküt qilip turuwaldi. israiliye hökümiti xelqaraning naraziliqigha pisentmu qilmay pelestin xelqini qirghin qilishni dawamlashturmaqta.

birleshken döletler teshkilati, xelqara jinayiy ishlar mehkimisi, insan heqliri teshkilati, islam hemkarliq teshkilati qatarliq teshkilatlar néme üchün israiliyening bu wehshiy qilmishigha emeliy chare qollinalmaydu? yaki israiliye néme üchün xelqara qanungha zit halda pelestinliklerni qirghin qildu? israiliyening  pelestinge qaratqan bu siyasitining dini,  tarixiy , iqtisadiy we ijtimaiy sewebliri néme?



مۇناسىۋەتلىك خەۋەرلەر