süriyede chong küchlerning nopuz talishish kürishi

tetqiqatchi jan ajunning témigha munasiwetlik analizi

süriyede chong küchlerning nopuz talishish kürishi

süriyede chong küchlerning nopuz talishish kürishi

süriyede rayonluq we xelqaraliq küchlerning kürishi süriyediki ichki urushtin bekrek gewdilik bolmaqta. esed hakimiyitining 2011-yili xelqning arzu-teleplirini ret qilip süriyeni démokratiyeleshtürüshning ornigha süriyeni urush patqiqigha sörep kirishi sewebidin süriye rayonluq we xelqaraliq küchlerning nopuz talishish sehnisige aylinip qaldi. urush meydanigha aylinip ketken süriye bir tereptin ichki urush we térrorluq hujumlirigha sehne boliwatqan bolsa, yene bir tereptin döletler arisidiki nopuz talishish kürishi we «shaykilar»arisidiki toqunushqa sehne bolmaqta. rusiye, amérika, engliye we firansiyege oxshash chong küchlerdin sirt iran, seudi erebistan, qatar, israiliyege oxshash rayonluq küchlermu süriyede nopuz tikleshke tirishmaqta.

xelqaradiki chong küchler bilen rayonluq küchler süriyede tesir dairisi yaritish we nopuzini kücheytish üchün shaykilardin paydilanmaqta. rusiye esed hakimiyitini herbiy, diplomatiye we siyasiy jehettin izchil qollap kelmekte, iranmu esed bilen bir septin orun almaqta. rusiye hawa we quruqluq armiyelirige tewe qisimlardin sirt, rusiyelik nurghun «maashliq»eskermu süriyede «wezipe»ötimekte. iran bolsa esedni maddiy we meniwi jehettin qollash bilenla boldi qilmay, adem küchi bilenmu teminlimekte. iran süriyede hizbullah, afghan fatimiyyun qoralliq unsurliri, iraqliq nujeba herikiti we pakistanliq zeynebiyyun qoralliq unsurliridin paydilanmaqta. iran bu unsurlardin sirt xelq muhapizet qoralliq qisimliri nami astida nurghun süriyeliknimu ishqa salmaqta. iran süriyede chet ellik «shaykilar»din sirt, özining inqilab muhapizetchi qisimlirinimu jengge salmaqta. rusiye bilen iranning yene süriyening nurghun shehiride herbiy baziliri we ayrodurumliri bar.

süriyede iran we rusiyedin sirt amérika, firansiye we engliye eskerlirimu «wezipe»ötimekte. gherb lagéri teripidin teshkil qilinghan bu küchler daéshqa zerbe bérishni bahane qilip p y g térrorchilirigha yantayaq bolmaqta. térrorluq teshkilati p y g bashchilida qurulghan süriye démokratchi küchliri bilen süriyening gherbiy shimalidiki munbichtin sherqiy jenubtiki ebu kemalghiche sozulghan liniyeni kontrol qilmaqta. amérika bilen firansiyening bu jaylarda 25ge yéqin herbiy bazisi bar. shundaqla engliye bilen amérikining süriyening jenubidiki telef rayonida jemiy 2 herbiy bazisi mewjut. bu rayonda magawir el sawra qoralliq unsurliri bilen birlikte heriket qilmaqta. deslep süriye öktichilirini qollighan seudi erebistan, nöwette  térrorluq teshkilati y p g bashchiliqidiki süriye démokratchi küchlirini qollimaqta. seudi erebistan bashchiliqidiki ereb döletlirining süriye démokratchi küchliri teripidin kontrol qilinghan jaylargha esker ewetkenliki toghrisida xewerler tarqalmaqta.

süriyede yene türkiye eskerlirimu wezipe ötimekte. türkiye idlibtiki toqunushsiz rayonlarni kontrol qilish meqsitide 9 közitish bazisi qurup chiqti. bu rayonlarda jemiy 12 közitish bazisi qurup chiqish pilanlanmaqta. türkiye yene firat qalqini we zeytun shéxi herbiy heriketliri qozghap daésh we p y g térrorchiliridin tazilanghan rayonlarda esker turghuzmaqta. süriye xelqige nisbeten bixeter haletke kelgen afrin, eziz, el-bab we jerablus rayonlirining amanliqini türkiye alahide heriket qisimliri teripidin terbiyelengen süriye saqchi teshkilati xadimliri qoghdimaqta. süriye saqchi teshkilati süriye öktichiliri teripidin qurulghan bolup xelqara teripidin étirap qilinidu we süriye waqitliq hökümitige qaraydu. shundaqla süriyede qurulghan milliy armiyemu süriye waqitliq hökümitige qarashliqtur. qatar bolsa «qatar kirizisi»din ilgiri süriye öktichilirini qollighan idi, biraq kéyinche muhasire astida qalghan qatarning süriyediki nopuz dairisi tariyip ketti.

süriyede israiliyemu özining menpeetining koyida yürmekte. israiliye 1967-yili süriyediki golan töpilikini ishghal qiliwélip xelqara qanungha xilapliq qilghanidi. 2011-yili süriyede ichki urush partilghandin kéyin israiliye golan töpilikidiki nopuzini téximu kücheytti. iranning süriyede shaykilirini köpeytip küchlük nopuzgha érishiwélishidin biaram bolghan israiliye, pat-pat süriyediki iran we hizbullahqa tewe bazilarni bombardiman qilmaqta.

esed hakimiyiti 2011-yili xelqining arzu-teleplirini qandurushning ornigha ret qilip süriyeni urush patiqigha sörep kirishi sewebidin süriye xelqara we rayondiki chong döletlerning nopuz talishish sehnisige aylinip qaldi. igilik hoquqidin ayrilip qalghan süriye emeliyette bir nechche rayongha parchilinip ketti. lékin süriyediki urushni noqul xelqara we rayondiki chong döletlerning nopuz talishish kürishi nuqtisidin tehlil qilish yüzekilik bolidu. chünki süriyede hélihem ichki urush dawamlashmaqta.


خەتكۈچ: amérika , türkiye , israiliye , süriye

مۇناسىۋەتلىك خەۋەرلەر