yaxshiliq؛ qanche ortaqlashqansiri shunche köpiyidu(awazliq)

türkiyening barliq jameliride bir tutash oqulidighan jume xutbiliri/14 - 2018

yaxshiliq؛ qanche ortaqlashqansiri shunche köpiyidu(awazliq)

yaxshiliq؛ qanche ortaqlashqansiri shunche köpiyidu

 

eziz mumin qérindashlar! jüme küninglar mubarek bolsun!

allah taala yuqiriqi ayette mundaq deydu:

«yaxshiliq bilen yamanliq oxshash bolmaydu. yamanliqni eng güzel bir shekilde yaxshiliq bilen yoqatqin. shu chaghda körüsenki, sanga adawet saqlighan kishi xuddi (yéqin) qizghin dost bolup qalidu»[1]

hedis sheripte peyghember eleyhissalam mundaq deydu:

«yaxshiliq güzel exlaqtur. yamanliq bolsa, wijdanni biaram qilidighan we insanlarning bélip qilishini xalimaydighan bir ishtur»[2]

eziz mömin qérindashlar! yaxshiliq yaritilishimizning asasliq ghayisidur. insanni yaratqan, uninggha németlerni ata qilghan, qoghdap mudapie qilghan we rehmitining illiq qoynigha alghan rebbimiz qaysimizning téximu yaxshi ishlarni qilidighanliqimizni sinash üchün hayatliq we mamatliqni qismet qilghan bolup, eslide biz yashawat bu hayat bir yaxshiliq sepiridur. insan bu dunyagha iman éytish we yaxshi emellerni qilish üchün kelgen bir yoluchidur. insan bu dunyada yaxshi, xeyrilik we paydiliq ishlarni qilish, toghra we güzel pozitsiyelerni otturigha qoyush üchün mewjuttur. yamanliq, xata, yirginishlik we ziyanliq ishlardin qéchish hemde bu qilmishlarning aldini élish eng eqelliy wezipisidur.

yaxshiliq؛ iman we pütün ibadetler bizni érishturmechki bolghan xislet bolup, u insanni insan qilidighan bayliqlirimizning jughlanmisidur. yaxshi bende, yaxshi bir ewlad, yaxshi bir ata, yaxshi bir ana, yaxshi bir qoshna, yaxshi bir dost, qisqisi yaxshi bir insan bolush, dinimiz bizde körüshni arzu qilghan eng muhim alahidiliklerdur.

yaxshiliq eslide bir iman we islam dewitidur. bezide güzel exlaq- pezilet, bezide xeyri - éhsan, bezide sediqe - zakattur.  yaxshiliq؛ bezide tebbesumluq baghrigha bésish, bezide tatliq söz, külgin chiraydur. yaxshiliq؛ özimu yaxshi bolush we yaxshilar bilen birge bolush hemde yaxshiliqni keng qanat yaydurush tirishchanliqi, jümlidin ibadetning yüksek maqamidur.

eziz qérindashlar! yaxshiliq؛ yalghuzgha dost, charchighangha tayanch, ghiripqa panahjay bolushtur. panahlanghuchilarni baghrigha bésish, yétimning béshini sélash, yashanghanlarning qolidin tutush, bedel tama qilmastin, béghishlash, küch- quwwitini, tejribisini, mal mülkini, söygüsi we köyümchanliqini dunyaliq héch nerse kütmestin ortaqlishishtur. 

yaxshiliq؛ insap, pidikarliq, adalet we shepqettur. zulumgha uchrighuchilarning yénida, zalimgha qarshi turushtur.

yaxshiliq؛ dua télek we salamdur. azabliq mezgillerde aminlar üchün échilghan bir jup qol, yaki derext tékish we yaki ach qalghan haywanlarni toyghuzush, xoshnisining öyige kirgüzgen bir qacha tamaq shundaqla yol sorighangha yol körsitishtur. 

islam medeniyiti xeyirilik we yaxshiliq herikitini esirlergiche yashnatqan bu meqset üchün nurghunlighan weqiplerni berpa qilghan idi. millitimiz qurghan weqipler arqiliq mezlumlargha panahjay, muhajirlargha ensar bolghan idi.

eziz mömin qérindashlar! eng ichinishliq teripi bügünki künde yaxshiliq, küntertiptin yamanliqchilikmu orun alalmaywatidu. yamanliq؛ kün ötkensiri dunyamizni chirmap ketmekte. adem ewladliri künsiri wijdan, adalet we köyüm shepqetke oxshash ulughwar enggüshterlirini yoqutup qoymaqta.

bundaq bir dunyagha yaxshiliqni hakim qilish we yamanliqqa tosalghu bolush hemmizning nishani bolushi lazim. chünki qolimiz bilen yaki tilimiz bilen weyaki qelbimiz bilen yamanliqni tosup qilishqa tirishish imanimizning asasliq teqezasidur. shuni untup qalmasliqimiz kérekki, quran kerimdiki, «yaxshiliq, yamanliqini yoq qilidu»[3] dégen hökümni nezerdin saqit qilidighan bolsaq, her bir yaxshiliqning ornini bir yamanliq igilep kétidu.

eziz qérindashlar qéni emise kélinglar, bu mubarek jüme künide rebbimizge yélinip dua qilayli!

i rebbimiz! bizlerni qelblirimiz arisigha yaxshiliq we köyüm shepqet köwrüki quralaydighan bextiyar bendiliringdin qilghin!

i rebbimiz! bizlerge hem dunyada we axirette yaxshiliqlarni ata qilghin we bizni jehennem azabidin qutqazghin![4]

i rebbimiz! hésab künide bizni, animizni, dadimizni we pütün möminlerni meghpiret qilghin, amin[5] !!!!   

 


[1]- süre fussilet, 134ayet

[2] - muslim, yaxshiliq babi, 14hedis

[3]- süre hud, 114ayet

[4] - süre beqere, 201ayet

[5] - süre ibrahim, 41ayet


خەتكۈچ: jume xutbiliri

مۇناسىۋەتلىك خەۋەرلەر