йахшилиқ؛ қанчә ортақлашқансири шунчә көпийиду(авазлиқ)

түркийәниң барлиқ җамәлиридә бир туташ оқулидиған җумә хутбилири/14 - 2018

йахшилиқ؛ қанчә ортақлашқансири шунчә көпийиду(авазлиқ)

йахшилиқ؛ қанчә ортақлашқансири шунчә көпийиду

 

әзиз мумин қериндашлар! җүмә күниңлар мубарәк болсун!

аллаһ таала йуқириқи айәттә мундақ дәйду:

«йахшилиқ билән йаманлиқ охшаш болмайду. йаманлиқни әң гүзәл бир шәкилдә йахшилиқ билән йоқатқин. шу чағда көрүсәнки, саңа адавәт сақлиған киши худди (йеқин) қизғин дост болуп қалиду»[1]

һәдис шәриптә пәйғәмбәр әләйһиссалам мундақ дәйду:

«йахшилиқ гүзәл әхлақтур. йаманлиқ болса, виҗданни биарам қилидиған вә инсанларниң белип қилишини халимайдиған бир иштур»[2]

әзиз мөмин қериндашлар! йахшилиқ йаритилишимизниң асаслиқ ғайисидур. инсанни йаратқан, униңға немәтләрни ата қилған, қоғдап мудапиә қилған вә рәһмитиниң иллиқ қойниға алған рәббимиз қайсимизниң техиму йахши ишларни қилидиғанлиқимизни синаш үчүн һайатлиқ вә маматлиқни қисмәт қилған болуп, әслидә биз йашават бу һайат бир йахшилиқ сәпиридур. инсан бу дунйаға иман ейтиш вә йахши әмәлләрни қилиш үчүн кәлгән бир йолучидур. инсан бу дунйада йахши, хәйрилик вә пайдилиқ ишларни қилиш, тоғра вә гүзәл позитсийәләрни оттуриға қойуш үчүн мәвҗуттур. йаманлиқ, хата, йиргинишлик вә зийанлиқ ишлардин қечиш һәмдә бу қилмишларниң алдини елиш әң әқәллий вәзиписидур.

йахшилиқ؛ иман вә пүтүн ибадәтләр бизни ериштурмәчки болған хисләт болуп, у инсанни инсан қилидиған байлиқлиримизниң җуғланмисидур. йахши бәндә, йахши бир әвлад, йахши бир ата, йахши бир ана, йахши бир қошна, йахши бир дост, қисқиси йахши бир инсан болуш, динимиз биздә көрүшни арзу қилған әң муһим алаһидиликләрдур.

йахшилиқ әслидә бир иман вә ислам дәвитидур. бәзидә гүзәл әхлақ- пәзиләт, бәзидә хәйри - еһсан, бәзидә сәдиқә - закаттур.  йахшилиқ؛ бәзидә тәббәсумлуқ бағриға бесиш, бәзидә татлиқ сөз, күлгин чирайдур. йахшилиқ؛ өзиму йахши болуш вә йахшилар билән биргә болуш һәмдә йахшилиқни кәң қанат йайдуруш тиришчанлиқи, җүмлидин ибадәтниң йүксәк мақамидур.

әзиз қериндашлар! йахшилиқ؛ йалғузға дост, чарчиғанға тайанч, ғирипқа панаһҗай болуштур. панаһланғучиларни бағриға бесиш, йетимниң бешини селаш, йашанғанларниң қолидин тутуш, бәдәл тама қилмастин, беғишлаш, күч- қуввитини, тәҗрибисини, мал мүлкини, сөйгүси вә көйүмчанлиқини дунйалиқ һеч нәрсә күтмәстин ортақлишиштур. 

йахшилиқ؛ инсап, пидикарлиқ, адаләт вә шәпқәттур. зулумға учриғучиларниң йенида, залимға қарши туруштур.

йахшилиқ؛ дуа теләк вә саламдур. азаблиқ мәзгилләрдә аминлар үчүн ечилған бир җуп қол, йаки дәрәхт текиш вә йаки ач қалған һайванларни тойғузуш, хошнисиниң өйигә киргүзгән бир қача тамақ шундақла йол сориғанға йол көрситиштур. 

ислам мәдәнийити хәйирилик вә йахшилиқ һәрикитини әсирләргичә йашнатқан бу мәқсәт үчүн нурғунлиған вәқипләрни бәрпа қилған иди. миллитимиз қурған вәқипләр арқилиқ мәзлумларға панаһҗай, муһаҗирларға әнсар болған иди.

әзиз мөмин қериндашлар! әң ичинишлиқ тәрипи бүгүнки күндә йахшилиқ, күнтәртиптин йаманлиқчиликму орун алалмайватиду. йаманлиқ؛ күн өткәнсири дунйамизни чирмап кәтмәктә. адәм әвладлири күнсири виҗдан, адаләт вә көйүм шәпқәткә охшаш улуғвар әңгүштәрлирини йоқутуп қоймақта.

бундақ бир дунйаға йахшилиқни һаким қилиш вә йаманлиққа тосалғу болуш һәммизниң нишани болуши лазим. чүнки қолимиз билән йаки тилимиз билән вәйаки қәлбимиз билән йаманлиқни тосуп қилишқа тиришиш иманимизниң асаслиқ тәқәзасидур. шуни унтуп қалмаслиқимиз керәкки, қуран кәримдики, «йахшилиқ, йаманлиқини йоқ қилиду»[3] дегән һөкүмни нәзәрдин сақит қилидиған болсақ, һәр бир йахшилиқниң орнини бир йаманлиқ игиләп кетиду.

әзиз қериндашлар қени әмисә келиңлар, бу мубарәк җүмә күнидә рәббимизгә йелинип дуа қилайли!

и рәббимиз! бизләрни қәлблиримиз арисиға йахшилиқ вә көйүм шәпқәт көврүки қуралайдиған бәхтийар бәндилириңдин қилғин!

и рәббимиз! бизләргә һәм дунйада вә ахирәттә йахшилиқларни ата қилғин вә бизни җәһәннәм азабидин қутқазғин![4]

и рәббимиз! һесаб күнидә бизни, анимизни, дадимизни вә пүтүн мөминләрни мәғпирәт қилғин, амин[5] !!!!   

 


[1]- сүрә фуссиләт, 134айәт

[2] - муслим, йахшилиқ баби, 14һәдис

[3]- сүрә һуд, 114айәт

[4] - сүрә бәқәрә, 201айәт

[5] - сүрә ибраһим, 41айәт



مۇناسىۋەتلىك خەۋەرلەر