kordlar islamning zadi némisi? (awazliq)

dunya közniki (13)

kordlar islamning zadi némisi? (awazliq)

kordlar islamning zadi némisi?

 

dunya közniki (13)

«kordlar islamning zadi némisi?»

(piroféssor doktor qudret bulbul)

türkiye awazi radiyosi: «dunyagha nezer» yeni «dunya közniki» namliq pirogrammimizning bügünki sanida enqere yildirim beyazit uniwérsitéti siyasiy penler fakultéti bashliqi piroféssor doktor qudret bulbulning «kordlar islamning zadi némisi?» témiliq analizini diqqitinglargha sunimiz:

ibraham linkolinning «hemmeylenni bezide, bezilerni her daim, lékin hemmeylenni hemmila waqitta aldiyalmaysen» deydighan meshhur bir sözi bar. pikir burmilash uyunliri melum yergiche aqidu. amma ashkarilinish bolsa, heqiqetning qismitidur.

gherb médiyaliri p k k/ p y d térrorluq teshkilatlirini goya erkinlik jengchiliridek körsitishke urunmaqta. ularning qarishiche térrorluq teshkilati kordlargha wekillik qilarmish. bu teshkilatqa qarshi küresh, kordlargha qarshi küresh hésablinamish. ularning qilghan yaridimimu kordlargha qilghan yardemmish. shunga ular türkiyening afrindiki herbiy herikitini goya kordlargha qarshi herikettek körsitishke bar küchi bilen tirishmaqta. bu xil jümlilerni epsuski, eljezirege oxshash qanallarmu ishletmekte.

 

kordlargha irqiy qirghinchiliq qilghuchilar kord térroluq tshkilatliridur

 

eslide kord xelqige eng chong yamanliqni qilghanlar we qiliwatqanlar kord térrorluq teshkilati bolup, türkiyede bu teshkilat tüpeylidin 40 mingdin artuq insan qurban boldi. uning üstige qurban bolghanlarning asasliq köp qismi yenila kordlardur. 

p k k markisizm we léninizm idiyesini shundaqla térrorluq usullirini qobul qilmighan kordlarni tazilash herikiti élip barmaqta. shunga türkiyening sherqiy we sherqiy jenubidin milyonlighan kishi türkiyening gherbige, bolupmu istanbulgha köchüp ketti. bu köchüshler arqiliq istanbul türkiyede kord xelqi eng köp yashaydighan sheherge aylandi. p k k térrorluqidin qachqan kishilerning iraq we süriyediki kord rayonlirigha emes, belki türkler téximu köp ortaqlashqan ichki rayonlirigha köchishining özila nurghun heqiqetlerni ipadilep béreleydu.

bügünki künde bolsa, yene shuninggha oxshash irqiy tazilashni p k k ning süriyediki tarmiqi bolghan p y d térrorluq teshkilati süriyede élip barmaqta. amérikining yardimi bilen türkiyening chégrasidin aq déngizgha qeder bir térrorluq karidori shekillendürüshni nishan qilghan p y d, ötmüshte p k k qilghangha oxshash yerlik kord xelqini hemde özini qollimighan yerlik ereblerni we türkmenlerni yürtliridin qoghlap chiqarmaqta. shu wejidinla yüz minglighan kord xelqi türkiyege kélip panahliq télimekte. daéshtin qachqanlar bilen birlikte bügün milyonlighan süriye puqraliri türkiyede yashimaqta.

kordlar arisida bu térrorluq teshkilatini qollaydighanlarmu bar, elwette. lékin bu qollashni asas qilip, p k k ni kordlarning wekili dep qarash, xuddi gitlérni barliq gérmaniyeliklerning we mussolinini barliq italiyeliklerning wekili dep qarighan bilen oxshash bolidu. 

gherb axbaratliri köpinche «néme üchün kordlarningmu ayrim döliti bolmisun?» dep sorishidu. biraq bu soalni sorighuchilar «néme üchün 50 ishtattin terkip tapqan amérikidiki oxshash bolmighan irqlargha mensup xelqlerning öz aldigha ayrim döliti bolmisun?» dep qetiy sorap baqmaydu.

xuddi shuningdek ottura sherqtiki pütün bölgünchi heriketlerni qollap quwwetlewatqan gherb döletliri néme üchün katoloniyening musteqilliq herikitini qollimaydu?

belki del eksiche gérmaniye héch qandaq térrorluq paaliyitige arilashmighan turughluq néme katoloniye mesteqilliq herikitining rehbiri charlés pugdémonti qolgha alidu?

eslidiki mesile her bir melletning ayrim döliti bolushi emes, «böl, parchila we bashqur» siyasitidin ibarettur. xuddi édmund burk firansiye inqilabini heqliq yosunda tenqid qilghanda éytqandek «yaltiraq términlerning némige xizmet qiliwatqiliqidur»

esli mesile her bir milletning hetta her bir beglik, emirlik we sheherning bir dölet bolush meslisi bolidighan bolsa, buni diyarimiz buningdin ilgirimu nurghun qétim tejribe qilip bolghan. ehli selib urushi jeryanida ottura sherqte nurghun sanda beglik, emirlik we sheher döletliri bar idi. shuningdek anadolumu türk beglikliri arisida bölishilgen idi. türkler, kordlar, erebler öz ichide nurghun parchilargha bölüngen idi. netije néme boldi? bu parchilinish tüpeylidin asasen dégüdek ishghal qilinmighan birmu musulman yurti qalmidi. meyli néme seweb bilen bolmisun, parchilinish bir qétim bashlidimu? buning qeyerge bérip toxtaydighanliqi parchilighuchilarning iradisige tashlanghan bolidu. buningdin yüz yil ilgiri köp sanliqning qollishigha qarimastin, yene gherbning tesiri bilen ereblerning bir qismi ilgirikidek parchilinish yoligha mangdi. mana emdi 23 ereb döliti bar. iraq, süriye we bezi paris qoltuqi döletlirining téximu bek parchilinishigha dair pilanlar sözlinip yürmekte. bu hali bilen ottura sherq xelqliri tarixidiki eng ajiz, eng échinishliq dewrliridin birini bashtin kechürmekte. bu yüz bergen ichinishliq ehwallar ochuq - ashkara otturida turghan weziyette, kordlarni öz ichige alghan ottura sherq xelqliri téximu bek parchilinishni emes, pütünlishishni, birlishishni we ortaqlishishni sözlishishi lazim. 

 

sikularizm éqimidiki kordlar yaxshi kordlarmu?

 

gherb axbaratliri p k k térrorluq teshkilatini sikularizm iddiyesidiki teshkilat dep qaraydu, shunga medhiyege, köngül bölüshke we yardemge layiq köridu. islam qesten térrorizm bilen chétishliq körsitilip, sikularizmni özleshtürgen kordlarni nijatliqqa érishküchiler qilip körsitidu. sikularizm xuddi chong charidek sunilidu. bundaq ehwal bir oydurma fantaziye sehnisi we pikir burmilash oyunidin bashqa nerse emes. chünki insaniyet duch kelgen ölüm we zulumdin ibaret bu eng chong ikki apetmu 1- we 2 – dunya urushida asasen sikularizm éqimidiki döletler we yaki shu xil idiologiyeler otturisidiki yüz bergen urushlar tüpeylidin meydangha kelgen. émpériyalistlargha nisbeten idiologiyesining sikularizm yaki emesliki muhim emes. muhimi ékispatatsiye qilish. shunga gherb döletlirining p k k térrorluq teshkilatigha yardem qilishi, qandaqtur ularning sikularizm iddiyesige ige ikenliki üchün emes, belki téximu bek suyiéstimal qilishqa bolidighan halda ikenlikidindur. uning üstige öz xelqining jemiyet, kültüri we diniy qimmet qarashliridin rishtisi pütünley üzülgen, öz xelqige yatliiship qalghan, meyli sikularizm yaki bashqa herqandaq éqimdiki teshkilat we yaki döletler téximu bek impériyalist döletlerge tayinishqa xushtar bolidu.

 

bu barliq burmilashlar zadi néme üchün qilinmaqta?

 

«tarix ibret élinmighan teqdirde tekrarlinidu» deydighan gep bar. bügün etining tünügün bolsa bügünning eynikidur. tarixqa qaraydighan bolsaq, ottura sherqning 3 asasliq qurghuchi amilliridin birsi bolghan kordlar, erebler we türkler qanchlik birleshkensiri shunchlik xatirjemlikke érishken. yershariy xaraktéliq aktiyorlargha aylinalighan. qanchilik parchilanghansiri shunchilik köz yéshi, ölüm we zulumgha duchar bolushqan. yer shari xaraktérlik qarangghu küchlerning oyunchiqigha aylinip qilishqan. ereb kord we türklerning birliki tarixta rayonimizgha qarshi élip bérilghan ehli selib urushlirini tosup qalalighan. eshu birlik bilenla ishghaliyet astidiki quddus, kord qomandan salahiddin eyyubining qolida qutquzulghan we rayonda muqimliq berpa qilinghan.

emdilikte bolsa, gherbtiki bezi merkezler tarixta daim qilip kéliwatqan ishlirini yene bir qétim sinaq qilmaqta. esirler boyiche birlikte yashighan we islamning bayraqdarliqini qilghan ottura sherqning qurghuchi amilliridin birini öz yénigha tartishqa urunmaqta. bu meqset üchün kordlarni impériyalist hujumlirining oyunchiqigha aylandurushqa tirishmaqta. ehli selib urushliri jeryanida bu rolni rayondiki yerlik xiristiyanlar we ermenlerning bir qismi oynighan bolsa, emdilkte israiliye rayonni muqimsizlashturush üchün oxshash rolni oynimaqta. tunji qétim musulman xelqlerni zamaniwiy émpériyalizm hujumlirining bezi döletlerdiki yéngi ehli selib urushlirining wakaletchilirige aylanduruwélishni oylashmaqta. bu meqset üchün kordlarning markist/ lnénist bir teshkilatning arqisidin méngishi telep qilinmaqta. buning üchün yene daéshqa qarshi urush qilghanliqlirini aldinqi pilangha chiqirip, ularni righbetlendürmekte. biraq esli meqsidi musulmanlar meheliside tongguz göshi satidighan bir xelq topi yaritishtin ibarettur. élip bérilghan shunche burmilashlargha, pikir özgertish qiltaqlirigha qarimastin, kordlarning asasliq köp qismi bu oyunni körüp yétip qarshi turmaqta.

ishinimizki, türkler, kordlar we ereblerdin ibaret rayon xelqining ming yilliq idraki yene ghalip kélidu. rayonimizning ewladliri impériyalist, yéngi ehli selip hujumliri üchün emdi oyunchuqqa aylanmaydu.  

hörmetlik radiyo anglighuchi qérindashlar! yuqirida yildirim beyazit uniwérsitéti siyasiy penler fakultéti bashliqi piroféssor doktor qudret bulbulning meslige munasiwetlik analizini diqqitinglargha sunduq. kéler hepte yene oxshash waqitta, yene bashqa analizlirini diqqitinglargha sunimiz. qayta körüshkiche aman bolghaysiler xeyir xosh!!


خەتكۈچ: dunya közniki

مۇناسىۋەتلىك خەۋەرلەر