кордлар исламниң зади немиси? (авазлиқ)

дунйа көзники (13)

кордлар исламниң зади немиси? (авазлиқ)

кордлар исламниң зади немиси?

 

дунйа көзники (13)

«кордлар исламниң зади немиси?»

(пирофессор доктор қудрәт булбул)

түркийә авази радийоси: «дунйаға нәзәр» йәни «дунйа көзники» намлиқ пирограммимизниң бүгүнки санида әнқәрә йилдирим бәйазит университети сийасий пәнләр факултети башлиқи пирофессор доктор қудрәт булбулниң «кордлар исламниң зади немиси?» темилиқ анализини диққитиңларға сунимиз:

ибраһам линколинниң «һәммәйләнни бәзидә, бәзиләрни һәр даим, лекин һәммәйләнни һәммила вақитта алдийалмайсән» дәйдиған мәшһур бир сөзи бар. пикир бурмилаш уйунлири мәлум йәргичә ақиду. амма ашкарилиниш болса, һәқиқәтниң қисмитидур.

ғәрб медийалири п к к/ п й д террорлуқ тәшкилатлирини гойа әркинлик җәңчилиридәк көрситишкә урунмақта. уларниң қаришичә террорлуқ тәшкилати кордларға вәкиллик қилармиш. бу тәшкилатқа қарши күрәш, кордларға қарши күрәш һесаблинамиш. уларниң қилған йаридимиму кордларға қилған йардәммиш. шуңа улар түркийәниң африндики һәрбий һәрикитини гойа кордларға қарши һәрикәттәк көрситишкә бар күчи билән тиришмақта. бу хил җүмлиләрни әпсуски, әлҗәзирәгә охшаш қаналларму ишләтмәктә.

 

кордларға ирқий қирғинчилиқ қилғучилар корд терролуқ тшкилатлиридур

 

әслидә корд хәлқигә әң чоң йаманлиқни қилғанлар вә қиливатқанлар корд террорлуқ тәшкилати болуп, түркийәдә бу тәшкилат түпәйлидин 40 миңдин артуқ инсан қурбан болди. униң үстигә қурбан болғанларниң асаслиқ көп қисми йәнила кордлардур. 

п к к маркисизм вә ленинизм идийәсини шундақла террорлуқ усуллирини қобул қилмиған кордларни тазилаш һәрикити елип бармақта. шуңа түркийәниң шәрқий вә шәрқий җәнубидин милйонлиған киши түркийәниң ғәрбигә, болупму истанбулға көчүп кәтти. бу көчүшләр арқилиқ истанбул түркийәдә корд хәлқи әң көп йашайдиған шәһәргә айланди. п к к террорлуқидин қачқан кишиләрниң ирақ вә сүрийәдики корд районлириға әмәс, бәлки түркләр техиму көп ортақлашқан ички районлириға көчишиниң өзила нурғун һәқиқәтләрни ипадиләп берәләйду.

бүгүнки күндә болса, йәнә шуниңға охшаш ирқий тазилашни п к к ниң сүрийәдики тармиқи болған п й д террорлуқ тәшкилати сүрийәдә елип бармақта. америкиниң йардими билән түркийәниң чеграсидин ақ деңизға қәдәр бир террорлуқ каридори шәкилләндүрүшни нишан қилған п й д, өтмүштә п к к қилғанға охшаш йәрлик корд хәлқини һәмдә өзини қоллимиған йәрлик әрәбләрни вә түркмәнләрни йүртлиридин қоғлап чиқармақта. шу вәҗидинла йүз миңлиған корд хәлқи түркийәгә келип панаһлиқ телимәктә. даештин қачқанлар билән бирликтә бүгүн милйонлиған сүрийә пуқралири түркийәдә йашимақта.

кордлар арисида бу террорлуқ тәшкилатини қоллайдиғанларму бар, әлвәттә. лекин бу қоллашни асас қилип, п к к ни кордларниң вәкили дәп қараш, худди гитлерни барлиқ германийәликләрниң вә муссолинини барлиқ италийәликләрниң вәкили дәп қариған билән охшаш болиду. 

ғәрб ахбаратлири көпинчә «немә үчүн кордларниңму айрим дөлити болмисун?» дәп соришиду. бирақ бу соални сориғучилар «немә үчүн 50 иштаттин тәркип тапқан америкидики охшаш болмиған ирқларға мәнсуп хәлқләрниң өз алдиға айрим дөлити болмисун?» дәп қәтий сорап бақмайду.

худди шуниңдәк оттура шәрқтики пүтүн бөлгүнчи һәрикәтләрни қоллап қуввәтләватқан ғәрб дөләтлири немә үчүн католонийәниң мустәқиллиқ һәрикитини қоллимайду?

бәлки дәл әксичә германийә һеч қандақ террорлуқ паалийитигә арилашмиған туруғлуқ немә католонийә мәстәқиллиқ һәрикитиниң рәһбири чарлес пугдемонти қолға алиду?

әслидики мәсилә һәр бир мәлләтниң айрим дөлити болуши әмәс, «бөл, парчила вә башқур» сийаситидин ибарәттур. худди едмунд бурк фирансийә инқилабини һәқлиқ йосунда тәнқид қилғанда ейтқандәк «йалтирақ терминләрниң немигә хизмәт қиливатқилиқидур»

әсли мәсилә һәр бир милләтниң һәтта һәр бир бәглик, әмирлик вә шәһәрниң бир дөләт болуш мәслиси болидиған болса, буни дийаримиз буниңдин илгириму нурғун қетим тәҗрибә қилип болған. әһли сәлиб уруши җәрйанида оттура шәрқтә нурғун санда бәглик, әмирлик вә шәһәр дөләтлири бар иди. шуниңдәк анадолуму түрк бәгликлири арисида бөлишилгән иди. түркләр, кордлар, әрәбләр өз ичидә нурғун парчиларға бөлүнгән иди. нәтиҗә немә болди? бу парчилиниш түпәйлидин асасән дегүдәк ишғал қилинмиған бирму мусулман йурти қалмиди. мәйли немә сәвәб билән болмисун, парчилиниш бир қетим башлидиму? буниң қәйәргә берип тохтайдиғанлиқи парчилиғучиларниң ирадисигә ташланған болиду. буниңдин йүз йил илгири көп санлиқниң қоллишиға қаримастин, йәнә ғәрбниң тәсири билән әрәбләрниң бир қисми илгирикидәк парчилиниш йолиға маңди. мана әмди 23 әрәб дөлити бар. ирақ, сүрийә вә бәзи парис қолтуқи дөләтлириниң техиму бәк парчилинишиға даир пиланлар сөзлинип йүрмәктә. бу һали билән оттура шәрқ хәлқлири тарихидики әң аҗиз, әң ечинишлиқ дәврлиридин бирини баштин кәчүрмәктә. бу йүз бәргән ичинишлиқ әһваллар очуқ - ашкара оттурида турған вәзийәттә, кордларни өз ичигә алған оттура шәрқ хәлқлири техиму бәк парчилинишни әмәс, пүтүнлишишни, бирлишишни вә ортақлишишни сөзлишиши лазим. 

 

сикуларизм еқимидики кордлар йахши кордларму?

 

ғәрб ахбаратлири п к к террорлуқ тәшкилатини сикуларизм иддийәсидики тәшкилат дәп қарайду, шуңа мәдһийәгә, көңүл бөлүшкә вә йардәмгә лайиқ көриду. ислам қәстән терроризм билән четишлиқ көрситилип, сикуларизмни өзләштүргән кордларни ниҗатлиққа еришкүчиләр қилип көрситиду. сикуларизм худди чоң чаридәк сунилиду. бундақ әһвал бир ойдурма фантазийә сәһниси вә пикир бурмилаш ойунидин башқа нәрсә әмәс. чүнки инсанийәт дуч кәлгән өлүм вә зулумдин ибарәт бу әң чоң икки апәтму 1- вә 2 – дунйа урушида асасән сикуларизм еқимидики дөләтләр вә йаки шу хил идиологийәләр оттурисидики йүз бәргән урушлар түпәйлидин мәйданға кәлгән. емперийалистларға нисбәтән идиологийәсиниң сикуларизм йаки әмәслики муһим әмәс. муһими екиспататсийә қилиш. шуңа ғәрб дөләтлириниң п к к террорлуқ тәшкилатиға йардәм қилиши, қандақтур уларниң сикуларизм иддийәсигә игә икәнлики үчүн әмәс, бәлки техиму бәк суйиестимал қилишқа болидиған һалда икәнликидиндур. униң үстигә өз хәлқиниң җәмийәт, күлтүри вә диний қиммәт қарашлиридин риштиси пүтүнләй үзүлгән, өз хәлқигә йатлиишип қалған, мәйли сикуларизм йаки башқа һәрқандақ еқимдики тәшкилат вә йаки дөләтләр техиму бәк империйалист дөләтләргә тайинишқа хуштар болиду.

 

бу барлиқ бурмилашлар зади немә үчүн қилинмақта?

 

«тарих ибрәт елинмиған тәқдирдә тәкрарлиниду» дәйдиған гәп бар. бүгүн әтиниң түнүгүн болса бүгүнниң әйникидур. тарихқа қарайдиған болсақ, оттура шәрқниң 3 асаслиқ қурғучи амиллиридин бирси болған кордлар, әрәбләр вә түркләр қанчлик бирләшкәнсири шунчлик хатирҗәмликкә еришкән. йәршарий характелиқ актийорларға айлиналиған. қанчилик парчиланғансири шунчилик көз йеши, өлүм вә зулумға дучар болушқан. йәр шари характерлик қараңғу күчләрниң ойунчиқиға айлинип қилишқан. әрәб корд вә түркләрниң бирлики тарихта районимизға қарши елип берилған әһли сәлиб урушлирини тосуп қалалиған. әшу бирлик биләнла ишғалийәт астидики қуддус, корд қомандан салаһиддин әййубиниң қолида қутқузулған вә районда муқимлиқ бәрпа қилинған.

әмдиликтә болса, ғәрбтики бәзи мәркәзләр тарихта даим қилип келиватқан ишлирини йәнә бир қетим синақ қилмақта. әсирләр бойичә бирликтә йашиған вә исламниң байрақдарлиқини қилған оттура шәрқниң қурғучи амиллиридин бирини өз йениға тартишқа урунмақта. бу мәқсәт үчүн кордларни империйалист һуҗумлириниң ойунчиқиға айландурушқа тиришмақта. әһли сәлиб урушлири җәрйанида бу ролни райондики йәрлик хиристийанлар вә әрмәнләрниң бир қисми ойниған болса, әмдилктә исраилийә районни муқимсизлаштуруш үчүн охшаш ролни ойнимақта. тунҗи қетим мусулман хәлқләрни заманивий емперийализм һуҗумлириниң бәзи дөләтләрдики йеңи әһли сәлиб урушлириниң вакаләтчилиригә айландурувелишни ойлашмақта. бу мәқсәт үчүн кордларниң маркист/ лненист бир тәшкилатниң арқисидин меңиши тәләп қилинмақта. буниң үчүн йәнә даешқа қарши уруш қилғанлиқлирини алдинқи пиланға чиқирип, уларни риғбәтләндүрмәктә. бирақ әсли мәқсиди мусулманлар мәһәлисидә тоңгуз гөши сатидиған бир хәлқ топи йаритиштин ибарәттур. елип берилған шунчә бурмилашларға, пикир өзгәртиш қилтақлириға қаримастин, кордларниң асаслиқ көп қисми бу ойунни көрүп йетип қарши турмақта.

ишинимизки, түркләр, кордлар вә әрәбләрдин ибарәт район хәлқиниң миң йиллиқ идраки йәнә ғалип келиду. районимизниң әвладлири империйалист, йеңи әһли сәлип һуҗумлири үчүн әмди ойунчуққа айланмайду.  

һөрмәтлик радийо аңлиғучи қериндашлар! йуқирида йилдирим бәйазит университети сийасий пәнләр факултети башлиқи пирофессор доктор қудрәт булбулниң мәслигә мунасивәтлик анализини диққитиңларға сундуқ. келәр һәптә йәнә охшаш вақитта, йәнә башқа анализлирини диққитиңларға сунимиз. қайта көрүшкичә аман болғайсиләр хәйир хош!!



مۇناسىۋەتلىك خەۋەرلەر