türkiyening térrorizimgha qarshi küreshliri

türkiyening térrorizimgha qarshi küreshliri toghrisida

türkiyening térrorizimgha qarshi küreshliri

türkiyening térrorizimgha qarshi kürishi

türkiye 30 yildin atuqraq waqittin buyan térrorizimgha qarshi qetiylik bilen küresh qiliwatidu. bu jeryanda p  k k térroluq teshkilatining térrorluq hujumliri netijiside minglarche insan jénidin ayrilghandin sirt, maddiy we meniwi bolup nurghun chiqim boldi. yéqinqi mezgillerde türkiye p k k gha qarshi éghir derijide zerbe bérip berdi, p k k bolsa iraq we süriyening qalaymiqan weziyitidin paydilinip türkiyege jeng élan qilmaqta, daéshning bash kötürüp qoshna döletlerge tehdit shekillendürüshimu p k k gha paydiliq purset yaritip berdi. ehwalning bundaq bolushigha qarimay, türkiye armiyesi p k k- p  y d we daésh térrorchilirigha qarshi herbiy heriket qozghap zor ghelbige érishti. süriyediki hakimiyet boshluqi we urush seweblik özlirige arqa sep teminat bazisi we ishenchilik rayon berpa qiliwalghan daésh we p k k térrorchiliri tehdit peyda qilghanliqi sewebidin türkiye chégradin halqighan herbiy heriket qozghashqa mejbur boldi. firat qalqini herbiy herikiti qozghap bir qisim chégra liniyesini daéshtin tazilighan türkiye, zeytun shéxi herbiy herikiti bashlap p k k ning süriyediki chomaqchisi y p g teshkilatigha qaxshatquch zerbilerni berdi.

afrin rayonini uzundin buyan tizgini astida tutup kéliwatqan y p g térrorluq teshkilati türkiyening dölet bixeterlikige tehdit shekillendürüp kéliwatqanidi. amanos taghliri arqiliq türkiyege qoral-yaragh we térrorchi yötkesh orni hésablinidighan afrin rayonidiki y p g térrorchiliri  türkiyege nisbeten xeterlik unsurlar hésablinatti. derweqe, süriyedin türkiyege kirgüzülgen qoral-yaraghlar zeytun shéxi herbiy herikiti jeryanida qolgha chüshürüldi. afrin yene p k k gha adem terbiylesh jehettinmu bazigha aylinip qalghanidi. shundaqla afrindiki y p g térrorchiliri xelqarda tetür teshwiqat élip bérip hem türkiyede hem chet ellerde nurghun shexs we guruhlarni türkiyege qarshi heriket qilishqa küshkürtüp p k k térrorluq teshkilatini teshwiqat jehettinmu qollap kéliwatqanidi. y p g térrorchilirining türkiyening kilis we reyhanli rayonlirigha qaratqan hujumlirida nurghun amma jénidin ayrildi, zeytun shéxi herbiy herikitining ongushluq dawamlishishi türkiyening dölet bixeterlikige paydiliq bolush bilen birge, afrindiki y p g térrorluq teshkilatining tazilinishi we p k k ning türkiyening jenubiy chégralirida iraqtin aq déngizgha tutushidighan térror karidori berpa qilish xiyaliningmu berbat bolushida muhim rol oynaydu.

p k k ning süriyediki gumashtisi bolghan y p g ning süriyediki nopuzi türkiyening dölet bixeterlikige tehdit shekillendürüsh bilen birge, süriyening zémin pütünlikigimu xewp élip kelmekte. derweqe, y p g mu béqinghan k j k teshkilati süriye, iran, iraq we türkiyening zéminliri öz ichige alghan «kürdistan» xiyalidin waz kechkendek emes. afrinda y p g din qayturup élinghan rayonlardiki atalmish yerlik hökümetler we bashqa jaylarda bu menzirini asanla körüwalghili bolidu. y p g tizgini astidiki rayonlarda atalmish shimaliy süriye fédratip rayonini jakarlap saylam ötküzgen.

yene bir tereptin türkiyening zeytun shéxi herbiy herikiti afrinni y p g térrorchiliridin tazilap afrin xelqini térrorchilarning changgilidin qutquzushni meqset qilidu. melumki, afrinda kürt (kord)lerning nopusi nisbeten köp, nurghun kürt y p g ning zulumidin qéchip türkiye, iraq yaki yawropagha qachmaqta. türkiyede y p g din qachqan 300 ming süriyelik kürt yashaydu. afrinda qéchish koyida yürüwatqan kürtlerge y p g ning tosalghu bolghanliqi melum. türkiye süriyeliklerdin teshkil tapqan milliy armiye bilen birlikte afrinni y p g térrorchiliridin tazilap afrindiki xelqni qutquzushni meqset qilidu. türkiyening afrinda tarqatqan teshwiqat warqchiliridiki«afrin afrinliqlargha tewedur» dégen xet türkiyening niyitini körsitip béridu.

türkiye nurghun yolluq seweblerni közde tutup zeytun shéxi herbiy herikitini qozghidi. türkiye süriyeliklerdin teshkil tapqan milliy armiye bilen birlikte afrinni y p g térrorchiliridin qayturup élip hem dölet bixeterlikige tehdit shekillendürüwatqan unsurlarni bir terep qilidu hemde süriyelik kürtlerni  y p g ning zulumidin qutquzidu. daésh türkiye chégraliridin tazilanghandin kéyin, türkiyede daéshchilarning hujumliri körinerlik azaydi, nawada y p g térrorchiliri afrindin tazilanghan ehwalda oxshashla ularning türkiyediki qilmishlirimu aziyidu, hetta tehditliri yoqaydu.

zeytun shéxi herbiy herikiti dolqunsiman tesir peyda qilip p k k – y p g ni süriyening bashqa rayonliridimu passip halgha keltüridu. munbich, haseki, raqqe we deyrzorda térrorluq teshkilatining zulumigha uchrighan yerlik xelqler qarshiliq körsitishke bashlidi. munbichte xelq qozghilang kötürdi, yene térrorluq teshkilatlirigha quchaq achqan amérikigha oxshash döletlermu bu ishning éghir chiqimi bolidighanliqini we dawamlashturushning mumkin bolmaydighanliqini choqum tonup yétidu.



مۇناسىۋەتلىك خەۋەرلەر