түркийәниң терроризимға қарши күрәшлири

түркийәниң терроризимға қарши күрәшлири тоғрисида

түркийәниң терроризимға қарши күрәшлири

түркийәниң терроризимға қарши күриши

түркийә 30 йилдин атуқрақ вақиттин буйан терроризимға қарши қәтийлик билән күрәш қиливатиду. бу җәрйанда п  к к терролуқ тәшкилатиниң террорлуқ һуҗумлири нәтиҗисидә миңларчә инсан җенидин айрилғандин сирт, маддий вә мәниви болуп нурғун чиқим болди. йеқинқи мәзгилләрдә түркийә п к к ға қарши еғир дәриҗидә зәрбә берип бәрди, п к к болса ирақ вә сүрийәниң қалаймиқан вәзийитидин пайдилинип түркийәгә җәң елан қилмақта, даешниң баш көтүрүп қошна дөләтләргә тәһдит шәкилләндүрүшиму п к к ға пайдилиқ пурсәт йаритип бәрди. әһвалниң бундақ болушиға қаримай, түркийә армийәси п к к- п  й д вә даеш террорчилириға қарши һәрбий һәрикәт қозғап зор ғәлбигә еришти. сүрийәдики һакимийәт бошлуқи вә уруш сәвәблик өзлиригә арқа сәп тәминат базиси вә ишәнчилик район бәрпа қиливалған даеш вә п к к террорчилири тәһдит пәйда қилғанлиқи сәвәбидин түркийә чеградин һалқиған һәрбий һәрикәт қозғашқа мәҗбур болди. фират қалқини һәрбий һәрикити қозғап бир қисим чегра линийәсини даештин тазилиған түркийә, зәйтун шехи һәрбий һәрикити башлап п к к ниң сүрийәдики чомақчиси й п г тәшкилатиға қахшатқуч зәрбиләрни бәрди.

африн районини узундин буйан тизгини астида тутуп келиватқан й п г террорлуқ тәшкилати түркийәниң дөләт бихәтәрликигә тәһдит шәкилләндүрүп келиватқаниди. аманос тағлири арқилиқ түркийәгә қорал-йарағ вә террорчи йөткәш орни һесаблинидиған африн районидики й п г террорчилири  түркийәгә нисбәтән хәтәрлик унсурлар һесаблинатти. дәрвәқә, сүрийәдин түркийәгә киргүзүлгән қорал-йарағлар зәйтун шехи һәрбий һәрикити җәрйанида қолға чүшүрүлди. африн йәнә п к к ға адәм тәрбийләш җәһәттинму базиға айлинип қалғаниди. шундақла африндики й п г террорчилири хәлқарда тәтүр тәшвиқат елип берип һәм түркийәдә һәм чәт әлләрдә нурғун шәхс вә гуруһларни түркийәгә қарши һәрикәт қилишқа күшкүртүп п к к террорлуқ тәшкилатини тәшвиқат җәһәттинму қоллап келиватқаниди. й п г террорчилириниң түркийәниң килис вә рәйһанли районлириға қаратқан һуҗумлирида нурғун амма җенидин айрилди, зәйтун шехи һәрбий һәрикитиниң оңушлуқ давамлишиши түркийәниң дөләт бихәтәрликигә пайдилиқ болуш билән биргә, африндики й п г террорлуқ тәшкилатиниң тазилиниши вә п к к ниң түркийәниң җәнубий чегралирида ирақтин ақ деңизға тутушидиған террор каридори бәрпа қилиш хийалиниңму бәрбат болушида муһим рол ойнайду.

п к к ниң сүрийәдики гумаштиси болған й п г ниң сүрийәдики нопузи түркийәниң дөләт бихәтәрликигә тәһдит шәкилләндүрүш билән биргә, сүрийәниң земин пүтүнликигиму хәвп елип кәлмәктә. дәрвәқә, й п г му беқинған к җ к тәшкилати сүрийә, иран, ирақ вә түркийәниң земинлири өз ичигә алған «күрдистан» хийалидин ваз кәчкәндәк әмәс. афринда й п г дин қайтуруп елинған районлардики аталмиш йәрлик һөкүмәтләр вә башқа җайларда бу мәнзирини асанла көрүвалғили болиду. й п г тизгини астидики районларда аталмиш шималий сүрийә федратип районини җакарлап сайлам өткүзгән.

йәнә бир тәрәптин түркийәниң зәйтун шехи һәрбий һәрикити афринни й п г террорчилиридин тазилап африн хәлқини террорчиларниң чаңгилидин қутқузушни мәқсәт қилиду. мәлумки, афринда күрт (корд)ләрниң нопуси нисбәтән көп, нурғун күрт й п г ниң зулумидин қечип түркийә, ирақ йаки йавропаға қачмақта. түркийәдә й п г дин қачқан 300 миң сүрийәлик күрт йашайду. афринда қечиш койида йүрүватқан күртләргә й п г ниң тосалғу болғанлиқи мәлум. түркийә сүрийәликләрдин тәшкил тапқан миллий армийә билән бирликтә афринни й п г террорчилиридин тазилап африндики хәлқни қутқузушни мәқсәт қилиду. түркийәниң афринда тарқатқан тәшвиқат варқчилиридики«африн афринлиқларға тәвәдур» дегән хәт түркийәниң нийитини көрситип бериду.

түркийә нурғун йоллуқ сәвәбләрни көздә тутуп зәйтун шехи һәрбий һәрикитини қозғиди. түркийә сүрийәликләрдин тәшкил тапқан миллий армийә билән бирликтә афринни й п г террорчилиридин қайтуруп елип һәм дөләт бихәтәрликигә тәһдит шәкилләндүрүватқан унсурларни бир тәрәп қилиду һәмдә сүрийәлик күртләрни  й п г ниң зулумидин қутқузиду. даеш түркийә чегралиридин тазиланғандин кейин, түркийәдә даешчиларниң һуҗумлири көринәрлик азайди, навада й п г террорчилири африндин тазиланған әһвалда охшашла уларниң түркийәдики қилмишлириму азийиду, һәтта тәһдитлири йоқайду.

зәйтун шехи һәрбий һәрикити долқунсиман тәсир пәйда қилип п к к – й п г ни сүрийәниң башқа районлиридиму пассип һалға кәлтүриду. мунбич, һасәки, раққә вә дәйрзорда террорлуқ тәшкилатиниң зулумиға учриған йәрлик хәлқләр қаршилиқ көрситишкә башлиди. мунбичтә хәлқ қозғилаң көтүрди, йәнә террорлуқ тәшкилатлириға қучақ ачқан америкиға охшаш дөләтләрму бу ишниң еғир чиқими болидиғанлиқини вә давамлаштурушниң мумкин болмайдиғанлиқини чоқум тонуп йетиду.



مۇناسىۋەتلىك خەۋەرلەر