quran we sünnetning otturisida tepriqe chiqarmaqchi bolghanlargha diqqet!! (awazliq)

türkiyening barliq jameliride bir tutash oqulidighan jume xutbiliri/ 06 - 2018

quran we sünnetning otturisida tepriqe chiqarmaqchi bolghanlargha diqqet!! (awazliq)

quran we sünnetning otturisida tepriqe chiqarmaqchi bolghanlargha diqqet!!

eziz mumin qérindashlar! jüme küninglar mubarek bolsun!

allah taala yuqiriqi ayette mundaq deydu:

«i möminler! allah we uning peyghembiri silerni hayatliq bexish itidighan nersige chaqirsa, choqum u chaqiriqini qobul qilinglar, bilip qoyunglarki, allah kishi bilen uning qelbi ottursigha kiridu. siler allahning dergahigha yighilisiler» (süre enfal 24ayet)

peyghember eleyhissalam hedis  sheripte mundaq deydu:

«silerge ikki nerse qaldurimen. ulargha mehkem ésilidighanla bolsanglar, yolunglardin qetiy ézip ketmeysiler. bular allahning kitabi we peyghembrining sünnidur» (muetta, teqdir babi 3- hedis)

eziz qériindashlar! bügünimizning we etimizning, dunyamizning we axiritimizning bextiyarliqini berpa qilidighan rehbirimiz qurani kerimning birinchi bolup, emeliy hayat bilen uchrishidighan, chüshünülidighan  we emeliy ijra qilinidighan yéri sünnettur. shunga biz 14 esirdin béri roshen dinimiz bolghan islamni del mana bu ikki tüp asasiy menbedin öginip kelmektimiz.

quran kerim bizge allahqa iman éytish bilen birge peyghemberge iman éytishnimu buyriydu. allahqa itaet qilishni buyrush bilen teng peyghemberge itaet qilishimiz kéreklikinimu telep qilidu. chünki ulugh kitabimizni bizge telim bergen kishi del peyghembirimizdur. mana bu eqide asasida quran peyghembirimizning ülgilik roli bilen emeliy turmush sheklige we mizanigha aylanghan idi. quranning nuri we peyghembirimizning tengdashsiz ülgilik roli bilen emeliy hayatini retke salghan kishiler tughra yoldin adiship qalmaydu.

eziz mömin qérindashlar! mewjutluq ghayimizning kitabi bolghan quran kerim allahqa iman éytishni we peqet uningghila bende bolushni buyrighan. shunga hayati boyiche allahtin bashqa héch kiishning aldida boyun egmigen, herqandaq sharaitta izziti we sheripige layiq qetiy meydanda ching turghan peyghembirimiz bolsa, heqiqiy imanning qandaq bolidighanliqini we her qaysi sahelerde  qandaq emeliylishidighanliqini sünnetliri bilen bizge körsitip qoyghan.

quran kerim imanimizni térik tutidighan we bizni allahqa yéqinlashturidighan ibadetlerde bolishimizni buyrighan bolup, bu ibadetlerning tepsilatini, mesilen namazni qandaq qilishimiz kéreklikini, rozini qandaq tutidighanliqimizni, zakatni qandaq béridighanliqimizni, hejni qaysi shekilde ada qilidighanliqimizni, jumlidin rebbimizge qandaq telepke layiq ibadet qilidighanliqimizni bolsa, peyghembirimiz bizge emeliy shekilde ögetken.

quran kerim yaxshiliqqa buyrup, yamanliqqa qarshi chiqishni, heq we heqqetni qollashni, ishenchlik adem bolushni, méhri  shepqetlik we aliy exlaqliq bolushni boyrighan bolsa, bu ésil xisletlerning hemmini qandaq emeliyleshtürgende yaxshi bir mömin bolghili bolidighanliqini, peyghembirimiz özining emeliy sünnetliri arqiliq telim bergen.

eziz qérindashlar! tarix shahidki, biz musulmanlar her daim ulugh kitabimizgha chin yürektin baghlanduq. peyghember eleyhissalamgha bolghan muhebbitimiz chongqurlashti. quran kerimning hemmige hozur bexish étidighan sözlirini we peyghember eleyhissalamning sünnetlirini toghra chüshünüp, toghra ijra qilish arqiliq pütün insaniyetke ülgilik bir ümmet bolduq. biraq biz bu uzulmes rishtimizni we muhebbitimizni emeliyetimizde ispatliyalmaydighan bolup qalghan, quran we peyghember eleyhissalamning bizdin telep qilghan ilim – irpan, irade we jasarettin uzaqlishishishqa bashlighan kündin tartip, küch qudritimizni yoqutup qoyushqa bashliduq we ajizlashtuq. quran kerim we hedis sheripler bizni ige qilmaqchi bolghan ruh we ghayini nezerdin saqit qilip, sel qarashqa bashlighandin tartip, jahalet azghila domiliduq.

emdilikte ümmet bolush süpitimiz bilen biz duch kéliwatqan her türlük azab we qéyinchiliqlardin qutulup, qaytidin insaniyetke xatirjemlik, tinchliq we medeniyet teqdim qilalaydighan bir ümmet bolalishimizning birla yoli bar. u bolsimu, ulugh kitabimizning iman éytquchiliri we söyümlük peyghembirimizning ümmiti bolush süpitimiz bilen qurangha we peyghember eleyhissalamning sünnetlirige mehkem ésilishtin ibarettur.

dinimizni toghra öginip, toghra ijra qilish jehette bu ikki asasliq menbedin qetiy ayrilmasliqtin ibarettur. quran we hedis - sheriplerning arisida musape peyda qilip, bu eng muqeddes bayliqlirimizni suyiéstimal qilish arqiliq küch toplash we nep undurushning koyida yorgenlerge qarshi segek bolushimiz we diqqet qilishimizdin ibarettur.

allahning axiriqi kitabi bilen peyghember eleyhissalamning sünniti otturisida tepriqchiliq peyda qilmastin, turmushqa bu ikki penjiridin teng qaraydighan, dinigha we millitige wapadarliq bilen mehkem baghlanghan ewladlarni yétishtürüsh üchün emgek singdürüshtin ibarettur.

eziz qérindashlar! perzentlirimizni quran we sünnettin teng ozuq alghan imaniy tuyghu bilen, ibadetke hirismen we exlaq éngigha ige qilip yétishturush hemmimizning bash tartip bolalmas wezipimizdur. ewladlirimizni yaxshi bir mömin qilip terbiyelesh hemmimizning ghayisi bolishi lazim. töwende bu ghayige hesse qoshudighan yene bir engüshterni silerge xatirlitip ötmekchimiz.

silergimu melumki quran kerim, peyghember eleyhissalamning terjzmihali we nuqtiliq diniy bilimler mekteplirimizde tallash xaraktérlik ders süpitide ötülmekte. shunga pezentlirimizning bu derslerni tallishi üchün kéreklik sezgürlük bilen ish tutayli! rebbimizning amaniti bolghan yürek parilirimizni allahning raziliqi üchün yashaydighan ewladlar qilip yétishtürüshning üstimizdiki eng muhim wezipimiz ikenlikini qetiy untumayli!

allah perzentlirimizni ata - anisigha xeyrilik, dini, milliti we pütün insaniyetke paydiliq ewladlardin qilip bersun amin!!!  

 


خەتكۈچ: jume xutbiliri

مۇناسىۋەتلىك خەۋەرلەر