қуран вә сүннәтниң оттурисида тәприқә чиқармақчи болғанларға диққәт!! (авазлиқ)

түркийәниң барлиқ җамәлиридә бир туташ оқулидиған җумә хутбилири/ 06 - 2018

қуран вә сүннәтниң оттурисида тәприқә чиқармақчи болғанларға диққәт!! (авазлиқ)

қуран вә сүннәтниң оттурисида тәприқә чиқармақчи болғанларға диққәт!!

әзиз мумин қериндашлар! җүмә күниңлар мубарәк болсун!

аллаһ таала йуқириқи айәттә мундақ дәйду:

«и мөминләр! аллаһ вә униң пәйғәмбири силәрни һайатлиқ бәхиш итидиған нәрсигә чақирса, чоқум у чақириқини қобул қилиңлар, билип қойуңларки, аллаһ киши билән униң қәлби оттурсиға кириду. силәр аллаһниң дәргаһиға йиғилисиләр» (сүрә әнфал 24айәт)

пәйғәмбәр әләйһиссалам һәдис  шәриптә мундақ дәйду:

«силәргә икки нәрсә қалдуримән. уларға мәһкәм есилидиғанла болсаңлар, йолуңлардин қәтий езип кәтмәйсиләр. булар аллаһниң китаби вә пәйғәмбриниң сүннидур» (муәтта, тәқдир баби 3- һәдис)

әзиз қерииндашлар! бүгүнимизниң вә әтимизниң, дунйамизниң вә ахиритимизниң бәхтийарлиқини бәрпа қилидиған рәһбиримиз қурани кәримниң биринчи болуп, әмәлий һайат билән учришидиған, чүшүнүлидиған  вә әмәлий иҗра қилинидиған йери сүннәттур. шуңа биз 14 әсирдин бери рошән динимиз болған исламни дәл мана бу икки түп асасий мәнбәдин өгинип кәлмәктимиз.

қуран кәрим бизгә аллаһқа иман ейтиш билән биргә пәйғәмбәргә иман ейтишниму буйрийду. аллаһқа итаәт қилишни буйруш билән тәң пәйғәмбәргә итаәт қилишимиз керәкликиниму тәләп қилиду. чүнки улуғ китабимизни бизгә тәлим бәргән киши дәл пәйғәмбиримиздур. мана бу әқидә асасида қуран пәйғәмбиримизниң үлгилик роли билән әмәлий турмуш шәклигә вә мизаниға айланған иди. қуранниң нури вә пәйғәмбиримизниң тәңдашсиз үлгилик роли билән әмәлий һайатини рәткә салған кишиләр туғра йолдин адишип қалмайду.

әзиз мөмин қериндашлар! мәвҗутлуқ ғайимизниң китаби болған қуран кәрим аллаһқа иман ейтишни вә пәқәт униңғила бәндә болушни буйриған. шуңа һайати бойичә аллаһтин башқа һеч киишниң алдида бойун әгмигән, һәрқандақ шараитта иззити вә шәрипигә лайиқ қәтий мәйданда чиң турған пәйғәмбиримиз болса, һәқиқий иманниң қандақ болидиғанлиқини вә һәр қайси саһәләрдә  қандақ әмәлийлишидиғанлиқини сүннәтлири билән бизгә көрситип қойған.

қуран кәрим иманимизни терик тутидиған вә бизни аллаһқа йеқинлаштуридиған ибадәтләрдә болишимизни буйриған болуп, бу ибадәтләрниң тәпсилатини, мәсилән намазни қандақ қилишимиз керәкликини, розини қандақ тутидиғанлиқимизни, закатни қандақ беридиғанлиқимизни, һәҗни қайси шәкилдә ада қилидиғанлиқимизни, җумлидин рәббимизгә қандақ тәләпкә лайиқ ибадәт қилидиғанлиқимизни болса, пәйғәмбиримиз бизгә әмәлий шәкилдә өгәткән.

қуран кәрим йахшилиққа буйруп, йаманлиққа қарши чиқишни, һәқ вә һәққәтни қоллашни, ишәнчлик адәм болушни, меһри  шәпқәтлик вә алий әхлақлиқ болушни бойриған болса, бу есил хисләтләрниң һәммини қандақ әмәлийләштүргәндә йахши бир мөмин болғили болидиғанлиқини, пәйғәмбиримиз өзиниң әмәлий сүннәтлири арқилиқ тәлим бәргән.

әзиз қериндашлар! тарих шаһидки, биз мусулманлар һәр даим улуғ китабимизға чин йүрәктин бағландуқ. пәйғәмбәр әләйһиссаламға болған муһәббитимиз чоңқурлашти. қуран кәримниң һәммигә һозур бәхиш етидиған сөзлирини вә пәйғәмбәр әләйһиссаламниң сүннәтлирини тоғра чүшүнүп, тоғра иҗра қилиш арқилиқ пүтүн инсанийәткә үлгилик бир үммәт болдуқ. бирақ биз бу узулмәс риштимизни вә муһәббитимизни әмәлийәтимиздә испатлийалмайдиған болуп қалған, қуран вә пәйғәмбәр әләйһиссаламниң биздин тәләп қилған илим – ирпан, ирадә вә җасарәттин узақлишишишқа башлиған күндин тартип, күч қудритимизни йоқутуп қойушқа башлидуқ вә аҗизлаштуқ. қуран кәрим вә һәдис шәрипләр бизни игә қилмақчи болған руһ вә ғайини нәзәрдин сақит қилип, сәл қарашқа башлиғандин тартип, җаһаләт азғила домилидуқ.

әмдиликтә үммәт болуш сүпитимиз билән биз дуч келиватқан һәр түрлүк азаб вә қейинчилиқлардин қутулуп, қайтидин инсанийәткә хатирҗәмлик, тинчлиқ вә мәдәнийәт тәқдим қилалайдиған бир үммәт болалишимизниң бирла йоли бар. у болсиму, улуғ китабимизниң иман ейтқучилири вә сөйүмлүк пәйғәмбиримизниң үммити болуш сүпитимиз билән қуранға вә пәйғәмбәр әләйһиссаламниң сүннәтлиригә мәһкәм есилиштин ибарәттур.

динимизни тоғра өгинип, тоғра иҗра қилиш җәһәттә бу икки асаслиқ мәнбәдин қәтий айрилмаслиқтин ибарәттур. қуран вә һәдис - шәрипләрниң арисида мусапә пәйда қилип, бу әң муқәддәс байлиқлиримизни суйиестимал қилиш арқилиқ күч топлаш вә нәп ундурушниң койида йоргәнләргә қарши сәгәк болушимиз вә диққәт қилишимиздин ибарәттур.

аллаһниң ахириқи китаби билән пәйғәмбәр әләйһиссаламниң сүннити оттурисида тәприқчилиқ пәйда қилмастин, турмушқа бу икки пәнҗиридин тәң қарайдиған, диниға вә миллитигә вападарлиқ билән мәһкәм бағланған әвладларни йетиштүрүш үчүн әмгәк сиңдүрүштин ибарәттур.

әзиз қериндашлар! пәрзәнтлиримизни қуран вә сүннәттин тәң озуқ алған иманий туйғу билән, ибадәткә һирисмән вә әхлақ еңиға игә қилип йетиштуруш һәммимизниң баш тартип болалмас вәзипимиздур. әвладлиримизни йахши бир мөмин қилип тәрбийәләш һәммимизниң ғайиси болиши лазим. төвәндә бу ғайигә һәссә қошудиған йәнә бир әнгүштәрни силәргә хатирлитип өтмәкчимиз.

силәргиму мәлумки қуран кәрим, пәйғәмбәр әләйһиссаламниң тәрҗзмиһали вә нуқтилиқ диний билимләр мәктәплиримиздә таллаш характерлик дәрс сүпитидә өтүлмәктә. шуңа пәзәнтлиримизниң бу дәрсләрни таллиши үчүн керәклик сәзгүрлүк билән иш тутайли! рәббимизниң аманити болған йүрәк парилиримизни аллаһниң разилиқи үчүн йашайдиған әвладлар қилип йетиштүрүшниң үстимиздики әң муһим вәзипимиз икәнликини қәтий унтумайли!

аллаһ пәрзәнтлиримизни ата - анисиға хәйрилик, дини, миллити вә пүтүн инсанийәткә пайдилиқ әвладлардин қилип бәрсун амин!!!  

 



مۇناسىۋەتلىك خەۋەرلەر