batilgha qarshi heqning yénida orun élish (awazliq)

türkiyening barliq jameliride bir tutash oqulidighan jume xutbiliri - 02

batilgha qarshi heqning yénida orun élish (awazliq)

batilgha qarshi heqning yénida orun élish

batilgha qarshi heqning yénida orun élish

eziz mumin qérindashlar! jüme küninglar mubarek bolsun!

allah taala yuqiriqi ayette mundaq deydu:

«jakarlighinki, heqiqet keldi, batil yoqaldi. batil heqiqeten yoqulushqa mehkumdur» (süre isra 81 – ayet)

peyghember eleyhissalam hedis – sheripte mundaq deydu:

«i allahim! pütün hemdu - sanalar sangila xastur. sen asman zéminning nurisen. pütün mewjudiyetning yigane igisi we rebbisen. sen heqsen. qilghan wedeng we sözliringmu heq. séning wisalinggha érishishmu heq. jennetmu heq. jehennemmu heq. peyghemberlermu heq. qiyamet bolidighanliqimu heq.

i allahim! ötmüshtiki we kelgüsidiki, mexpiy yaki ashkara pütün gunahlirimni epu qilghin, senla méning ilahim. sendin bashqa héch ilah yoqtur» (buxari, tewhid babi, 35 – hedis)

eziz qérindashlar! peyghember eleyhissalam öz yürtidin héjret qilishqa mejbur bolup, aridin 10 yil ötkende mekkini fethi qilghan idi.  allahning peyghembiri tughup – ösken we intayin sighinghan bu mubarek sheherge uzunghiche sighinish bilen baqti. andin choshqun hayajan bilen beytullahqa yüzlendi. tawap qilip bolghandin kéyin, kebining ichige kirdi we «jakarlighinki, heqiqet keldi, batil yoqaldi. batil heqiqeten yoqulushqa mehkumdur» (süre isra 81 – ayet) dégen ayetni oqup, kebe we etrapini butlardin tazilidi. (buxari, zulum babi 32 – hedis. muslim, jihad we peyghember eleyhissalamning hayati babi, 87 – hedis)

derweqe, allahning ulugh isimliridin birsi «heq»tur. rebbimiz heqning, heqiqetning we adaletning menbesi shundaqla yigane igisidur. u adem eleyhissalamdin tartip muhemmed eleyhissalamgha qeder nurghunlighan peyghemberler arqiliq insanlarni heqni tonushqa dewet qilghan idi. insaniyetning heq bilen batil otturisidiki küreshliri adem eleyhissalamning ikki oghli habil bilen qabildin bashlanghan idi. habil semimiyet we sadaqet bilen heqning yénida orun alghan bolsa, qabil tamaxorluq we körelmesliki bilen batilning yénida orun élishni tallighan idi. shuningdin taki qiyametke qeder habil yaxshilarning we yaxshiliqning ülgisi, qabil bolsa, ötküzgen jinayiti bilen yamanliqning simwoli bolup xatirilengüsi.

eziz qérindashlar! heq؛ tewhid eqidisidur. allahqa iman we sadaqettur. peqet allahqila bende bolushtur. batil bolsa, allahning barliqi we birlikini inkar qilish, uninggha shérik keltürüsh, hawayi- heweslirige qul bolush, allahning san - sanaqsiz németlirige kor we gas boluwélishtin ibarettur.

heq؛ ulugh dinimiz islamning hayat bexsh pirinsipliri we insanni heqiqiy insan qilidighan, dunyani téximu yashashqa layiq halgha keltüridighan güzelliklerning yighindisidur. batil bolsa, ulugh dinimizgha mas kelmeydighan eqide we qarashlardur. islamgha urush achqan pikirler, insanning ghururi we salahiyitige ziyan yetküzüdighan yamanliqlardur.

heq؛ toghra bilen xatani, yaxshi bilen yamanni ayrip béridighan hayatliq rehbirimiz quran kerimdur. peyghember eleyhissalam qaldurghan tengdashsiz ülgilerdur. batil bolsa, peyghember eleyhissalamning sünnetlirini qelb – iddiyelerdin yuyup chiqarmaqchi bolghan heriketlerdur.

heqning yoli؛ peyghemberlerning, shéhitlarning, sadaqet ehlining we ésl möminlerning yolidur. bu yolning menzili ebidiy németlerning makani bolghan jennettur. batil bolsa, inkarchilarning, ghezepke uchrighuchilarning, toghra yoldin chiqqanlarning we iplaslarning yolidur. bu yolning axiri azab we ziyanning makani bolghan jehennemdur. 

eziz qérindashlar!  heqning yolini tutqanlar, zulumgha we naheqchilikke uchrighuchilarning ümidige aylansa, batilda birleshkenlerning asasliq köp qismi zalimning we zulumning sadasi we yantayiqi bolidu. 

heqke qelbini atighanlar, ulugh qimmet qarashlar üchün küresh qilsa, batilning qoynigha özini atqanlar, menpeetni we öz menpeetini üstün tutidu.

heqning ashiqliri yer yüzini güllendürüp téximu yaxshi yashighili bolidighan halgha keltürüshke tirishsa, batilning chaparmenliri pitne – pasat, yalghan, böhtan we buzghunchiliq tirishning koyidila chipiship yurishidu.

heqke egeshkenler dunyagha adalet, tinchliq we xatirjemlik élip kélishning ghémini qilsa, batilning terepdarliri qan we köz yéshi éqitishqa, sheherlerni xarabiliqqa aylandürüshqa, pikir we qelblerge buzghunchiliq sélishqa tirishidu.

istiqlal shairimiz mehmet akif ersoymu töwendiki misraliri bilen heqsöyer qelblerni mundaq teripligen idi:

qanawatqan bir yara körgen haman yürektin puchilinimen

uninggha merhem bolush üchün qamcha hetta toqmaqmu yeymen.

ademge «aldirima! kétip tur!» déyelmeymen, aldiraymen.

yenchiymen, yenchilsemmu, heqni daim yuqiri kötirimen.

démek, eziz qérindashlar! sharait meyli qandaq bolushidin qetiy nezer, batilgha qarshi heqning yénida orun élishni, heqqaniyetning terjimani bolushni dawamlashturayli! bir – birimizge heqni we sewrchanliqni tewsiye qilayli! shuni qetiy untumasliqimiz kérekki, biz heqning xizmitidila bolidikenmiz, allahning rehmiti we nusriti biz bilen birge bolidu. heqni yuqiri körtidighanla bolsaq, batil bizge qetiy ziyan yetküzelmeydu.

xutbimizni peyghember eleyhissalamning yuqiriqi hedis - sheripi bilen axirlashturmaqchimiz: 

«i allahim! pütün hemdu - sanalar sangila xastur. sen asman zéminning nurisen. pütün mewjudiyetning yigane igisi we rebbisen. sen heqsen. qilghan wedeng we sözliringmu heq. séning wisalinggha érishishmu heq. jennetmu heq. jehennemmu heq. peyghembermu heq. qiyamet bolidighanliqimu heq.

i allahim! ötmüshtiki we kelgüsidiki, mexpiy yaki ashkara pütün gunahlirimni epu qilghin, senla méning ilahim. sendin bashqa héch ilah yoqtur» (buxari, tewhid babi, 35 – hedis)

allah hemmizni her daim zalimgha qarshi mezlumning yénida, naheqchilikke qarshi heqqaniyetning yénida turidighan heqiqiy muminlerdin qilsun, amin!!!


خەتكۈچ: jume xutbiliri

مۇناسىۋەتلىك خەۋەرلەر