түркийә билән америка оттурисидики виза киризиси һәл боламду?

доктор әркин әкрәм әпәндиниң темиға мунасивәтлик анализи

түркийә билән америка оттурисидики виза киризиси һәл боламду?

түркийә билән америка оттурисидики виза киризиси һәл боламду?

бу йил 8-өктәбирдә америкиниң түркийәдики әлчиси   фәтһуллаһчи террорлуқ тәшкилати үстидә елип бериливатқан қануний тәкшүрүш хизмити даирисидә америкиниң истанбулда турушлуқ консолханисида ишләйдиған мәтин топузниң, үстидә дило турғузулуп тәкшүрүливатқан бир қисим сабиқ сақчи вә әдлийә мәсуллири билән мунасивити барлиқи ениқланғандин кейин, гумандар мәтин топузниң истанбул җумһурийәт баш тәптиш идариси тәрипидин «асасий қанунлуқ түзүмни ағдуруветишкә урунуш, җасуслуқ қилиш, түркийә җумһурийити һөкүмитини ағдуруветишкә урунуш»қатарлиқ җинайий қилмишлар билән әйиблинп тутулуши сәвәбидин түркийә пуқралириға көчмән болмиған виза мулазимәтлирини тохтитип қойғанлиқини  билдүрди.

америкиниң түркийәдики барлиқ дипломатик вакаләтханлирида көчмән болмиған виза мулазимәтлирини тохтитип қойғанлиқини җакарлишиға қарита, түркийәниң вашингитонда турушлуқ әлчиханисиму «америкидики барлиқ вакаләтханилиримизда америка пуқралириға виза биҗириш тохтитип қойулди»дәп байанат елан қилди. түркийә бу қарарни, америка даирилириниң, түркийәдә турушлуқ америкиниң барлиқ дипломатик орунлиридики көчмән әмәсләргә виза биҗирип беришни тохтитип қойғанлиқини елан қилишидин кейин, охшаш усулда инкас қайтуруш пиринсипиға асасән чиқарди.

виза киризиси қандақ әһвалда йүз бериду? бу әһвални дөләтләр оттурисидики дипломатик мунасивәтләр нуқтисидин қандақ чүшиниш мумкин?  нато еттипақдеши болған түркийә-америка мунасивити қандақ болуп бу сәвийәгә кәлди?  иран, хитай вә шималий корейәни  рәқиб һесаблайдиған америка виза ембаргосини бу дөләтләргә әмәс  немә үчүн нато иттипақдеши болған түркийәгә йолға қойиду?

икки дөләт оттурисида йүз бәргән виза киризиси америкиниң истанбул консолханисида ишләйдиған мәтин топузниң тутқун қилиниши сәвәбидинла оттуриға чиқтиму? йаки башқа сәвәбләр барму? башқа сәвәбләр болса улар қайсилар? бу киризис түркийә билән америкиниң башқа саһә лиридики мунасивәтлиригә тәсир көрситәмду? һәммидин муһими бу киризис һәл боламду? һәл болса қайси хил усулда һәл болиду?



مۇناسىۋەتلىك خەۋەرلەر