térror apiti

térror apiti we dunyagha élip kelgen tesirliri

térror apiti

térror apiti

térrorizim insaniyet tarixidin béri mewjut bolup kéliwatqan illettur. adem eleyhissalamning oghli qabilning inisi habilni öltürüshi bilen bashlanghan térror tolimu epsuski künimizgiche mewjudluqini dawamlashturup kelmekte.

tunji insangha oxshashla qedimiy bolghan térrorizim künimizdimu pat-pat insanlarning hayatigha xatime bermekte. yalta ehdinamisi türtkiside qurulghan hazirqi dunya tertipige 1960-yillardin bashlap insanlar shiddetlik bilen qarshi chiqip kelmekte.1968-yildiki meshhur yashlar herikiti bilen yawropa we gherb dunyasini qaplighan zorawanliq hadisisi qaytidin dunyagha hökümran bolush aldida turmaqta.

musulmanlar dunyasi, afriqa we latin amérikighila solanmaqchi bolghan térror künimizde küchlük döletlergimu éghir tehditlerni élip kelmekte.

térrorizim asiya, yawropa, latin amérika we musulmanlar diyarlirida hetta bash ministirlarnimu hujum nishani qilip keldi. mesilen, démokratik kongo jumhuriyiti bash ministiri patrik lumunba, chili bash ministiri salwador alléndé, italiye bash ministiri aldo moro, liwiye bash ministiri seyid hariri qatarliq shexsler térrorizimning qurbigha aylandi.

künimizdiki eng xeterlik  xelqara térrorluq teshkilati bolghan we kattibéshi amérikining pénsilaniya ishtatida yashawatqan fethullahchi térrorluq teshkilati 2016-yili 15-iyulda türkiyening jumhur reisige suyiqest qilishqa urundi.

fethullahchi térrorluq teshkilatigha eza térrorchilar 16- F tipliq urush ayropilanliri, tikucharlar, tankilar we zemibrekler bilen bultur 15-iyul kéchisi xelqning köp qismining awazigha ériship jumhur reisi bolghan rejep tayyip erdoghanni tutqun qilip qetl qilishqa urunushti. türk xelqi bu térrorchilarning wehshiyane qilmishlirigha qarimay, yüzlecher shéhit we minglarche ghazi bérish arqiliq bedenlirini jumhur reisi erdoghangha qalqan qildi we ölümge pisentmu qilmay jumhur reisini général we oféstirlarning kiyimlirini kiyiwalghan térrorchilargha tapshurup bermidi. türkiye mushundaq xeterlik bir térrorluq hujumigha duch kelgen bolsimu, lékin ittipaqdashliri bolghan yawropa döletliri uzunghiche süküt qilip turuwaldi.lékin engliye buningdin mustesnadur, rusiye pirézidénti wiladimir putindin kéyin fethullahchi térrorluq teshkilatigha eza herbiy forma kiyiwalghan térrorchilarning qetliam we herbiy-siyasiy özgirish qozghashqa urunush qilmishigha naraziliq bildürgen yégane dölet engliye boldi.

ghelite bolghan shuki, fethullahchi térrorluq teshkilati ezaliri urush ayropilanliri, tikucharlar we tankilar bilen türk xelqini qetl qilghan kéchide amérikiliq général mayk filayinning herbiy forma kiyiwalghan bu térrorrchilargha salam bérishi kishini heqiqeten oylanduridu. hetta eyni chaghdiki amérika pirézidénti barak obamamu türk xelqining fethullahchi térrorchilarni meghlup qilishigha heyran qalghanidi. 

epsuslinarliqi shuki, shimaliy atlantik ehdi teshkilati-nato teshkilatning eng sadiq we eng küchlük ittipaqdashliridin bolghan türkiyediki bu térrorluq hujumigha künler ötkendin kéyin aran inkas qayturdi.

türkiye jumhuriyitining jumhur reisi rejep tayyip erdoghan fethullahchi térrorluq teshkilati ezalirining özini qetl qilishqa urunushidin yillar ilgiri, térrorizimgha ochoqtin ochuq qarshi chiqip her qaysi döletlerning dölet we hökümet bashliqlirini térrorizimgha qarshiliq körsitishke chaqirip kéliwatatti. tolimu epsuski, türkiyemu spide bolghan gherb dunyasi bolup nurghun küchlük dölet erdoghanning chaqiriqigha passip muamile qildi,kishini eng échinduridighini bolsa türkiyede minglarche général, oféstir, saqchi, esker qetl qilghan térrorchilar  türkiyening ittipaqdéshi bolghan gherb döletliridin panahliq tileshti. türk eskerlirini, saqchilirini, xelqini öltürgen bu térrorchilar nato ezaliri döletlerde bimalal we xatirjem yashimaqta. bérlin qatarliq yawropa ittipaqi ezasi bolghan döletlerning paytextliride qoli qangha minelgen térrorchilar xatirjem kézip yürmekte, hetta yawropa ittipaqigha eza bir qisim döletler nurghun bigunah kishining jénigha zamin bolghan bir qisim térrorchilargha diplomatik pasport tarqitip bergenliki toghruluq xewerler taratqularda élan qilinmaqta.

jumhur reis rejep tayyip erdoghanning yawropa döletliride xatirjem heriket qilip kéliwatqan bu térrorchi unsurlarning haman bir küni béshigha balayi-apet élip kélidighanliqini dawamliq küntertipke élip kéliwatqan bolsimu, nurghun yawropa döletliri buninggha qulaq salmidi. lékin yawropadiki siyasiy küchler kari bolmay kéliwatqan térror apiti yawropa xelqige chongqur tesir körsetmekte.

epsuski téxi yéqindila parizh, bérlin, biryussél, london qatarliq sheherler térror apitining qurbanigha aylandi, nöwette yawropaliqlar nöwet qaysi sheherge kelgendu, dégen endishe ichide yashimaqta, bu endishe yawropaliqlarning soghuqqanliq bilen heriket qilishtin bekrek héssyat bilen heriket qilishigha seweb bolmaqta. mesilen, téxi yéqinda italiyening torino shehiride ötküzülgen putbol musabiqiside tuyuqsiz tarqalghan bomba xewiri sewebidin meydangha kelgen jiddiychilikte 1500din artuq kishi dessilip yarilandi.

térrorizimning qurbanigha aylanghan yawropa térrorchilar bilen munasiwitini üzüshning ornigha bashqilarni eyiblmekte. mesilen, 350 amérikiliqni qetl qilghan térrorluq teshkilatining melum bir kattibéshi asiya, afriqa we latin amérika qitelirining biriside yashighan bolsa idi, ejeba amérika buninggha qandaq inkas qayturghan bolatti. tolimu epsuski, oxshash jinayet sadir qilghan bir térrorchi nöwette amérikida yashimaqta yaki bélgiye boyiche eng nopuzluq bir karxanchini qetl qilghan bir qatil afriqigha qachqan bolsa idi, bu dölet gherb döletliri teripidin ishghal qilinghan bolmamti? türkiye boyiche eng nopuzluq bir karxanichini qetl qilghan térrorchi 20yildin buyan bélgiyede yashimaqta.

amérika kontrolluqidiki xelqara  xewpsizlik yardem qismi afghanistan usame bin ladinnni ötküzüp bermigenliki üchün bu döletke herbiy heriket qozghimidimu?

undaqta minglarche türk puqrasini qetl qilghan térrrorchilar hazir bérlinda yashawatqan bolsa buni qandaq chüshinish mumkin?

qachan «méning térrorchim yaxshi, séning nachar»dégen idiyedin waz kechkende andin térror apitini yoq qilalaymiz. bolmisa pütkül dunya bu apetning iztirapida yashashni dawamlashturidu.



مۇناسىۋەتلىك خەۋەرلەر