террор апити

террор апити вә дунйаға елип кәлгән тәсирлири

террор апити

террор апити

терроризим инсанийәт тарихидин бери мәвҗут болуп келиватқан илләттур. адәм әләйһиссаламниң оғли қабилниң иниси һабилни өлтүрүши билән башланған террор толиму әпсуски күнимизгичә мәвҗудлуқини давамлаштуруп кәлмәктә.

тунҗи инсанға охшашла қәдимий болған терроризим күнимиздиму пат-пат инсанларниң һайатиға хатимә бәрмәктә. йалта әһдинамиси түрткисидә қурулған һазирқи дунйа тәртипигә 1960-йиллардин башлап инсанлар шиддәтлик билән қарши чиқип кәлмәктә.1968-йилдики мәшһур йашлар һәрикити билән йавропа вә ғәрб дунйасини қаплиған зораванлиқ һадисиси қайтидин дунйаға һөкүмран болуш алдида турмақта.

мусулманлар дунйаси, африқа вә латин америкиғила соланмақчи болған террор күнимиздә күчлүк дөләтләргиму еғир тәһдитләрни елип кәлмәктә.

терроризим асийа, йавропа, латин америка вә мусулманлар дийарлирида һәтта баш министирларниму һуҗум нишани қилип кәлди. мәсилән, демократик конго җумһурийити баш министири патрик лумунба, чили баш министири салвадор алленде, италийә баш министири алдо моро, ливийә баш министири сәйид һарири қатарлиқ шәхсләр терроризимниң қурбиға айланди.

күнимиздики әң хәтәрлик  хәлқара террорлуқ тәшкилати болған вә каттибеши америкиниң пенсиланийа иштатида йашаватқан фәтһуллаһчи террорлуқ тәшкилати 2016-йили 15-ийулда түркийәниң җумһур рәисигә суйиқәст қилишқа урунди.

фәтһуллаһчи террорлуқ тәшкилатиға әза террорчилар 16- F типлиқ уруш айропиланлири, тикучарлар, танкилар вә зәмибрәкләр билән бултур 15-ийул кечиси хәлқниң көп қисминиң авазиға еришип җумһур рәиси болған рәҗәп таййип әрдоғанни тутқун қилип қәтл қилишқа урунушти. түрк хәлқи бу террорчиларниң вәһшийанә қилмишлириға қаримай, йүзләчәр шеһит вә миңларчә ғази бериш арқилиқ бәдәнлирини җумһур рәиси әрдоғанға қалқан қилди вә өлүмгә писәнтму қилмай җумһур рәисини генерал вә офестирларниң кийимлирини кийивалған террорчиларға тапшуруп бәрмиди. түркийә мушундақ хәтәрлик бир террорлуқ һуҗумиға дуч кәлгән болсиму, лекин иттипақдашлири болған йавропа дөләтлири узунғичә сүкүт қилип турувалди.лекин әнглийә буниңдин мустәснадур, русийә пирезиденти виладимир путиндин кейин фәтһуллаһчи террорлуқ тәшкилатиға әза һәрбий форма кийивалған террорчиларниң қәтлиам вә һәрбий-сийасий өзгириш қозғашқа урунуш қилмишиға наразилиқ билдүргән йеганә дөләт әнглийә болди.

ғәлитә болған шуки, фәтһуллаһчи террорлуқ тәшкилати әзалири уруш айропиланлири, тикучарлар вә танкилар билән түрк хәлқини қәтл қилған кечидә америкилиқ генерал майк филайинниң һәрбий форма кийивалған бу терроррчиларға салам бериши кишини һәқиқәтән ойландуриду. һәтта әйни чағдики америка пирезиденти барак обамаму түрк хәлқиниң фәтһуллаһчи террорчиларни мәғлуп қилишиға һәйран қалғаниди. 

әпсуслинарлиқи шуки, шималий атлантик әһди тәшкилати-нато тәшкилатниң әң садиқ вә әң күчлүк иттипақдашлиридин болған түркийәдики бу террорлуқ һуҗумиға күнләр өткәндин кейин аран инкас қайтурди.

түркийә җумһурийитиниң җумһур рәиси рәҗәп таййип әрдоған фәтһуллаһчи террорлуқ тәшкилати әзалириниң өзини қәтл қилишқа урунушидин йиллар илгири, терроризимға очоқтин очуқ қарши чиқип һәр қайси дөләтләрниң дөләт вә һөкүмәт башлиқлирини терроризимға қаршилиқ көрситишкә чақирип келивататти. толиму әпсуски, түркийәму спидә болған ғәрб дунйаси болуп нурғун күчлүк дөләт әрдоғанниң чақириқиға пассип муамилә қилди,кишини әң ечиндуридиғини болса түркийәдә миңларчә генерал, офестир, сақчи, әскәр қәтл қилған террорчилар  түркийәниң иттипақдеши болған ғәрб дөләтлиридин панаһлиқ тиләшти. түрк әскәрлирини, сақчилирини, хәлқини өлтүргән бу террорчилар нато әзалири дөләтләрдә бималал вә хатирҗәм йашимақта. берлин қатарлиқ йавропа иттипақи әзаси болған дөләтләрниң пайтәхтлиридә қоли қанға минәлгән террорчилар хатирҗәм кезип йүрмәктә, һәтта йавропа иттипақиға әза бир қисим дөләтләр нурғун бигунаһ кишиниң җениға замин болған бир қисим террорчиларға дипломатик паспорт тарқитип бәргәнлики тоғрулуқ хәвәрләр таратқуларда елан қилинмақта.

җумһур рәис рәҗәп таййип әрдоғанниң йавропа дөләтлиридә хатирҗәм һәрикәт қилип келиватқан бу террорчи унсурларниң һаман бир күни бешиға балайи-апәт елип келидиғанлиқини давамлиқ күнтәртипкә елип келиватқан болсиму, нурғун йавропа дөләтлири буниңға қулақ салмиди. лекин йавропадики сийасий күчләр кари болмай келиватқан террор апити йавропа хәлқигә чоңқур тәсир көрсәтмәктә.

әпсуски техи йеқиндила париж, берлин, бирйуссел, лондон қатарлиқ шәһәрләр террор апитиниң қурбаниға айланди, нөвәттә йавропалиқлар нөвәт қайси шәһәргә кәлгәнду, дегән әндишә ичидә йашимақта, бу әндишә йавропалиқларниң соғуққанлиқ билән һәрикәт қилиштин бәкрәк һессйат билән һәрикәт қилишиға сәвәб болмақта. мәсилән, техи йеқинда италийәниң торино шәһиридә өткүзүлгән путбол мусабиқисидә туйуқсиз тарқалған бомба хәвири сәвәбидин мәйданға кәлгән җиддийчиликтә 1500дин артуқ киши дәссилип йариланди.

терроризимниң қурбаниға айланған йавропа террорчилар билән мунасивитини үзүшниң орниға башқиларни әйиблмәктә. мәсилән, 350 америкилиқни қәтл қилған террорлуқ тәшкилатиниң мәлум бир каттибеши асийа, африқа вә латин америка қитәлириниң бирисидә йашиған болса иди, әҗәба америка буниңға қандақ инкас қайтурған болатти. толиму әпсуски, охшаш җинайәт садир қилған бир террорчи нөвәттә америкида йашимақта йаки белгийә бойичә әң нопузлуқ бир карханчини қәтл қилған бир қатил африқиға қачқан болса иди, бу дөләт ғәрб дөләтлири тәрипидин ишғал қилинған болмамти? түркийә бойичә әң нопузлуқ бир карханичини қәтл қилған террорчи 20йилдин буйан белгийәдә йашимақта.

америка контроллуқидики хәлқара  хәвпсизлик йардәм қисми афғанистан усамә бин ладиннни өткүзүп бәрмигәнлики үчүн бу дөләткә һәрбий һәрикәт қозғимидиму?

ундақта миңларчә түрк пуқрасини қәтл қилған терррорчилар һазир берлинда йашаватқан болса буни қандақ чүшиниш мумкин?

қачан «мениң террорчим йахши, сениң начар»дегән идийәдин ваз кәчкәндә андин террор апитини йоқ қилалаймиз. болмиса пүткүл дунйа бу апәтниң изтирапида йашашни давамлаштуриду.



مۇناسىۋەتلىك خەۋەرلەر