түркийә дийанәт вәхпи сүрийә хәлқигә йәткүзүлгән йардәмләр тоғрисида байанат елан қилди

түркийә дийанәт вәхпи өткән йили (2018) сүрийәдә ички урушниң зийанкәшликигә учриған хәлққә 316 йүк аптомобили инсанпәрвәрлик йардимини тарқатти.

түркийә дийанәт вәхпи сүрийә хәлқигә йәткүзүлгән йардәмләр тоғрисида байанат елан қилди

түркийә авази радийоси хәвири: түркийә дийанәт вәхпи сүрийәдә террорлуқтин тазиланған фират қалқини вә зәйтун шехи һәрбий һәрикити районлириға һәмдә идлибтики хәлққә йәткүзгән инсанпәрвәрлик йардәмлири һәққидә йазма байанат елан қилди.

түркийә дийанәт вәхпиниң йазма байанатида, йуқирида исми тилға елинған районларда йардәм паалийәтлири үчүн бәш ишхана ечилғанлиқи, түркийәдин әвәтилгән 310 йүк аптомобили билән бу ишханилар арқилиқ турмуш буйумлириниң тарқитип берилгәнлики қәйт қилинди.

байанаттики мәлуматларда көрситилишичә, түркийә дийанәт вәхпи өткән йили районда 120 миң нан тарқатқан. һәләбниң азез наһийәсидә йурт-маканлиридин мәҗбурий айрилған кишиләр панаһланған лагерларда һәр күни 15 миң нан тарқитилған. ички урушларда бузғунчилиққа учриған 160 җамә ремонт қилинип, 2018-йилниң ичидә ибадәткә ечилған. 268 җамәниң ремонти вә асираш ишлирини ахирлаштурған. буниңдин башқа, һәр хил паалийәтләр арқилиқ ички уруш бойичә җәмий 1866 инсанпәрвәрлик йардәмлири бесилған йүк аптомобилини хәлққә йәткүзгән.



مۇناسىۋەتلىك خەۋەرلەر