қуддус ислам мәдәнийәт пайтәхти болди

исламий маарип, билим вә мәдәнийәт тәшкилати (ISESCO) ниң баш мудири абдуләзиз бин осман тувәйҗи қуддусниң «2019-йиллиқ ислам мәдәнийәт пайтәхти» болушини қарар қилғанлиқини елан қилди.

қуддус ислам мәдәнийәт пайтәхти болди

түркийә авази радийоси хәвири: исламий маарип, билим вә мәдәнийәт тәшкилатиниң баш мудири абдуләзиз бин осман тувәйҗи маракәштә исламий маарип, билим вә мәдәнийәт тәшкилати «2019-йиллиқ ислам дунйаси мирас йили хитабнамиси» ға мунасивәтлик ахбарат елан қилиш йиғинида, тәшкилатниң қуддустики мәдәнийәт мирасиниң қоғдилиши һәққидә исламий вә хәлқаралиқ қоллашни күчәйтиш үчүн кәң даирәлик пирограмма башлиғанлиқлирини билдүрди.

у исламий маарип, билим вә мәдәнийәт тәшкилати тәрипидин әрәб дунйаси нәзиридә, қуддусниң «2019-йиллиқ ислам мәдәнийәт пайтәхти вә ислам мәдәнийити даимий пайтәхти» болушини қарар қилғанлиқини әскәртти.

у йәнә, тәшкилатқа әза дөләтләрниң мунасивәтлик органлирини, кишиләрниң сүркилишләр йүз бериватқан районлардики мирасни қоғдаш аң-сәвийәсини өстүрүш үчүн, лайиһәләр вә мәдәнийәт пирограммилири өткүзүш арқилиқ қуддусниң ислам мәдәнийәт пайтәхти вә ислам мәдәнийити даимий пайтәхти болуш һәрикитини қоллашқа чақирди.

у 2019-йиллиқ ислам мәдәнийәт пайтәхтлирини қуддус билән «қериндаш шәһәр» елан қилиниши вә бу дөләтләрдин мәдәнийәт пайтәхти пирограммилири рамкисида паалийәт өткүзүлидиған бир һәптини қуддусқа беришни тәләп қилди.



مۇناسىۋەتلىك خەۋەرلەر