yupitérning yéngi resimliri tarqaldi
yupitérni tekshürgen juno (Juno) alem üskünisi gaz sharining qutub rayoni üstidin tartqan fotograflar tarqitildi.
türkiye awazi radiyosi xewiri: b b s (BBC) ning xewirige asaslanghanda, üsküne kamérasi junokam (JunoCam) bilen tartilghan fotograflarda yupitérning qutub rayonliridiki quyunlarni éniq körgili bolidu.
junokamni layiheligüchilerdin biri bolghan arizonadiki pilanéta bilimliri inistitutining tetqiqatchisi doktor kandis hansén, kaméra tartqan xam we ish qoshulghandin kéyinki fotograflarni, amérika géofizika birleshmisining yighinda körsetti.
tetqiqatchi hansén: «üsküne qutublar üstidin tunji qétim ötkende yupitérda héchqachan körülüp baqmighan bir jayni közitiwatqanliqimizni bilettuq. ghayet zor quyunlarning qanuniyetlik heriketlirini körüsh, biz oylap baqmighan ish boldi. buni adettin tashqiri ish dep oyliduq» dédi.
yupitérning öz oqini bir qétim aylinishigha 53 kün kétidu. quyash sistémisidiki eng chong pilanétaning qandaq peyda bolghanliqini chüshendürüp béridighan tetqiqat netijilirining otturigha chiqishi kütülmekte.
fotograflarning yupitérning magénit we tartish küchi xeritilirining sizilishigha, pilanétaning némilerdin tüzülgenlikini tetqiq qilishqa paydiliq bolidighanliqi qeyt qilinmaqta.
