qizilay jemiyiti ghezzediki doxturxanilargha dora yardem qildi

türk qizilay jemiyiti heyiti 8.5 tonna dora yardimini yetküzüsh üchün beyt hanun chégra éghizidin ötüp muhasire astidiki ghezzege yétip keldi.

qizilay jemiyiti ghezzediki doxturxanilargha dora yardem qildi

türkiye awazi radiyosi xewiri: türk qizilay jemiyitining bashliqi kerem kinik bu heqte bayanat élan qilip, tünügün (2-dékabir) nablustin ghezzege 8.5 tonna dora yetküzgenliklirini bildürdi. u: «pelestinge yardem yetküzüshimizning ghayisi, aldi bilen, bu rayonda barghanséri chongiyiwatqan sehiye jehettiki éhtiyajlarni aziraq bolsimu qandurushtur. biz ghezzede birlikte her xil layihelerni emelge ashuruwatqan el emel yétim-yisirlar merkizinimu ziyaret qilduq» dédi.

u el emel yétim-yisirlar merkizide turidighanlargha, yémek-ichmek we kiyim-kéchek yardemlirini qilghanliqlirini, kona binalarni yéngilash, qoghdash astida turuwatqan yétim-yisirlar sani bilen ulargha sunulghan xizmetlerning süpitini ashurush qatarliq yardemler arqiliq, el emel yétim-yisirlar merkizini dawamliq qollaydighanliqlirini qeyt qildi.

u pelestin qizilay jemiyiti üchün séliwatqan tebiiy apet we yük toshush merkizining qurulushini neq meydanda tekshürüp-tetqiq qilghanliqlirini bildürdi. u: «ghezzediki qisqa ziyaritimizde türk qizilay jemiyiti qilalaydighan yardemlerni bayqap, yardemlerni yetküzüsh üchün munasiwetlik organlar bilen körüshimiz» dédi.

türkiyedin ewetilgen we kéreklik ruxsetlerni élish jeryanida, ishghal astidiki iyordan deryasining gherbiy qirghiqining nablus shehiride pelestin qizilay jemiyitining iskilatigha bésip qoyulghan dorilarni basqan aptomobillar ghezzege bérish üchün yolgha chiqqan idi.

bu dorilarning rayondiki doxturxanilarning eng az dégende alte ayliq éhtiyajini qamdiyalaydighanliqi bildürülmekte.



مۇناسىۋەتلىك خەۋەرلەر