тика кәркүктики османли базирини ремонт қилиду

түркийәниң бағдадта турушлуқ баш әлчиси фатиһ йилдиз түркмәнләр зич йоплишип олтурақлашқан кәркүктә от кәткән османли базирида тәкшүрүшләрдә болди.

тика кәркүктики османли базирини ремонт қилиду

түркийә авази радийоси хәвири: баш әлчи фатиһ йилдиз кәркүктә ирақ түркмән фирунтиниң башлиқи әршәт салиһи вә фирунтниң башқа мәсуллири тәрипидин қизғин қарши елинди.

баш әлчи фатиһ йилдиз җүмә намазини османли йадикари болған нәқишлиқ мунар җамәсидә оқуди вә үч күн бурун от кәткән үсти йепиқ османли базирида тәкшүрүшләрдә болди. у бу йәрдә сода-тиҗарәтчиләр билән көрүшүп, түркийәниң түрк һәмкарлиқ вә кординатсийә агентлиқи-тика (TİKA) арқилиқ базар қурулушини қайта ремонт қилиш ишлирини башлайдиғанлиқини билдүрди.

у базарниң бурунқи вақтиға қайтип келиши үчүн қолидин келидиған барлиқ тиришчанлиқлирини көрситидиғанлиқлирини қәйт қилди.

баш әлчи фатиһ йилдиз кәркүк валийси ракам җубури билән көрүшкәндин кейин, сода-тиҗарәтчиләрниң вәкиллири, шәһәрдики түркмән сийасий һәрикити вә иҗтимаий тәшкилатларниң рәһбәрлири билән көрүшиду. у кәркүктики бир күнлүк зийаритини ахирлаштурғандин кейин, түркмәнләр зич олтурақлашқан тузхумартониму зийарәт қилиду.



مۇناسىۋەتلىك خەۋەرلەر