мәшһур фотографчи ара гүләр вапат болди

түркийәдә хәлқара фотографчилиқида нам қазанған мәшһур сәнәтчи ара гүләр давалаш үнүм бәрмәй 90 йешида дохтурханида бу дунйа билән хошлашти.

мәшһур фотографчи ара гүләр вапат болди

түркийә авази радийоси хәвири: мәшһур фотограф мухбири ара гүләр истанбулда давалаш үнүм бәрмәй 90 йешида бу дунйа билән видалашти. дохтурхана башлиқи доктор окан өзчәкәр: «ара гүләр йүрәк вә нәпәс сиқилиш сәвәбидин давалаш астиға елинған иди. әпсус барлиқ тиришчанлиқлиримиз үнүм бәрмәй 17-өктәбир саәт 23:20 өткәндә тиниқи нәпәстин тохтиди» деди.

ара гүләр түркийәдә хәлқара фотографчилиқида йеңилиқ йаритиш бойичә нам қазанған кишиләрниң әң муһим вәкиллириниң бири иди. ара гүләрниң вапат болғанлиқ хәвириниң тарқилиши билән, униң һәвәскарлири дохтурханиға сәл болуп ақти. ара гүләрниң мейити шәнбә (20-өктәбир) күни бәйоғлу үч һора әрмән черкавида йәрликкә қойулидиғанлиқи билдүрүлди.

түркийә җумһур рәиси рәҗәп таййип әрдоған ара гүләрниң вапат болғанлиқи хәвиридин кейин, «ара гүләр музейи» ниң директори чағла сарачқа тәзийә телеграммиси әвәтти вә униң билән телефонда көрүшти.

рәҗәп таййип әрдоған телеграммисида, ара гүләрниң өзиниңму фотографиниму тартқанлиқини, униң қалдуруп кәткән әсәрлири билән хәйрилик билән йад етиилидиғанлиқини؛ мәшһур сәнәткар сүпитидә тонулған устаз ара гүләрниң һәр даим һөрмәт билән әслинидиғанлиқини   тәкитлиди.

ара гүләрниң вапати мунасивити билән, сийасәт дунйасидики нурғун кишиләрму тәзийә телеграммиси әвәтти.

түркийә муавин җумһур рәиси фуат октай иҗтимаий таратқуда тарқатқан тәзийә мәктубида, түркийәниң үч мәниви байлиқидин айрилғанлиқини билдүрди. фуат октай мундақ деди:

«фотографлири билән тарихни һөҗҗәтләштүргән фотограф сәнитиниң мәшһур исми, даңлиқ журналист вә фотограф мухбири ара гүләрни؛ шеирлири билән анадолу хәлқиниң авазиға, түрк әдәбийатиниң <ақ шаһи> ға айланған баһаәттин каракочни؛ түрк сийаситидә муһим хизмәтләрни қилған билим адими пирофессор ойа акгөнәнчни йоқитип қойғанлиқимиздин чоңқур қайғурмақтимиз.»

җумһур рәислик сарийи байанатчиси ибраһим калин: «һәр йешида мол һосуллуқ болған, һайатқа болған йуқири қизғинлиқи билән, җимҗит һалда күнләрчә әҗир қилип, <у пәйт> ни пәмилигән устаз, биздин айрилди» деди.

җумһур рәислик сарийи учур-алақә мәркизиниң башлиқи фаһрәттин алтун фотограф устиси ара гүләрниң истанбул вә анадолуниң көзи, дөләтниң хатириси икәнликини билдүрди.

түркийә әдлийә министири абдулһамит гүл: «роһи һайат болған ара гүләрниң мәнзирә рамкисидин түркийәни вә кишилиримизни көрүш, бизгә һайаҗан беғишлайтти. роһи шад болсун!» деди.

сәһийә министири фаһрәттин коҗа мундақ деди:

«фотограф сәнитиниң мәшһур устази ара гүләрниң вапатидин чоңқур қайғу ичидә хәвәр таптим. мәрһумниң аилисигә, йеқин-йоруқлириға вә сәнәт дунйамизға сәвр тиләймән.»

йеза игилики вә орман министири бәкир пакдәмир: «ара гүләр йашларға үлгә болидиған нурғун катта әсәрләрни қалдуруп, биздин айрилди» деди.

енергийә вә тәбиий байлиқлар министири фатиһ дөнмәз: «аппарати билән сансизлиған заманни мәңгүлүккә игә қилди. аилиси вә барлиқ һәвәскарлириға сәвр тиләймән» деди.

иҗтимаий таратқуда сәвр тиләклирини елан қилған адаләт вә тәрәққийат партийәси (Ak Parti) ниң рәис вәкили нуман куртулмуш: «мәдәнийәт вә сәнәт дунйамизниң чинари болған ара гүләрни йоқаттуқ» деди. партийә байанатчиси өмәр чәликму тәзийә телеграммисини иҗтимаий таратқуда елан қилди вә мундақ деди:

«өмриниң сәрмайисини үнчә-мәрвайитқа айландурди. киши һайатиниң вә дәртлириниң шаһити болған бир дәрвиш биздин айрилди.»



مۇناسىۋەتلىك خەۋەرلەر