dunyada rohiy késellikler köpeymekte iken

bir tetqiqatta körsitilishiche, dunyadiki döletlerde rohiy késelliklerde éshish körülgen bolup, buninggha qarita keng dairelik tedbir élinmighan ehwalda 2010-2030-yilliri arisida dunya iqtisadigha bolghan maliye chiqimi 16 tiriliyon dollargha yétidiken.

dunyada rohiy késellikler köpeymekte iken

türkiye awazi radiyosi xewiri: pisxologiye, xelq saghlamliqi we nérwa ilmi saheside dunyada közge körüngen mutexesisler bilen késeller we késelliktin qoghdash guruppiliri teripidin dunya rohiy késellikliri toghrisida lansét komitéti doklati élan qilindi.

 doklatta, rohiy késellikler mesilisi boyiche dunya miqyasida köpiyiwatqan kirizisning, kishiler, jemiyet we iqtisadqa nisbeten uzungha sozulghan ziyanlarning kélip chiqishigha seweb bolushi mumkinliki bildürüldi.

doklatning bash teyyarlighuchisi we xarward tibbiy mektipining piroféssori wikram patél maliye chiqimining bir qismining, biwaste sehiye xizmetliri, dora we dawalashlardin teshkil tapidighanliqini eskertti.

u yéqinqi 25 yilda rohiy késelliklerning jemiyettikilerning barghanséri éshiwatqan qérilishishi sewebidin körünerlik derijide ashqanliqini bildürdi. u mundaq dédi:

«ehwal intayin qorqunchliq. biraq, héchqandaq dölet bu mesilide yéterlik derijide meblegh ajratmaywatidu. kishilerde rohiy késelliktek bashqa késellikler nezerdin saqit qilinmidi.»

dunya sehiye teshkilati (WHO) ning texmin qilishiche, dunyada texminen 300 milyon adem chüshkünlük, 50 milyon adem buruqturumluq ichide yashaydiken. 23 milyon adem mejnunluq we 60 milyon adem qosh qutupluq héssiyat buzuqluqi tesiride yashaydiken.

doklatning mushu hepte engliye payteiti londonda tunji qétim ministirlar sewiyeside échilidighan rohiy késellikler yighinidin burun élan qilinishi diqqet qozghidi.



مۇناسىۋەتلىك خەۋەرلەر