дунйада роһий кесәлликләр көпәймәктә икән

бир тәтқиқатта көрситилишичә, дунйадики дөләтләрдә роһий кесәлликләрдә ешиш көрүлгән болуп, буниңға қарита кәң даирәлик тәдбир елинмиған әһвалда 2010-2030-йиллири арисида дунйа иқтисадиға болған малийә чиқими 16 тирилийон долларға йетидикән.

дунйада роһий кесәлликләр көпәймәктә икән

түркийә авази радийоси хәвири: писхологийә, хәлқ сағламлиқи вә нерва илми саһәсидә дунйада көзгә көрүнгән мутәхәсисләр билән кесәлләр вә кесәлликтин қоғдаш гуруппилири тәрипидин дунйа роһий кесәлликлири тоғрисида лансет комитети доклати елан қилинди.

 доклатта, роһий кесәлликләр мәсилиси бойичә дунйа миқйасида көпийиватқан киризисниң, кишиләр, җәмийәт вә иқтисадқа нисбәтән узунға созулған зийанларниң келип чиқишиға сәвәб болуши мумкинлики билдүрүлди.

доклатниң баш тәййарлиғучиси вә харвард тиббий мәктипиниң пирофессори викрам пател малийә чиқиминиң бир қисминиң, бивастә сәһийә хизмәтлири, дора вә давалашлардин тәшкил тапидиғанлиқини әскәртти.

у йеқинқи 25 йилда роһий кесәлликләрниң җәмийәттикиләрниң барғансери ешиватқан қерилишиши сәвәбидин көрүнәрлик дәриҗидә ашқанлиқини билдүрди. у мундақ деди:

«әһвал интайин қорқунчлиқ. бирақ, һечқандақ дөләт бу мәсилидә йетәрлик дәриҗидә мәбләғ аҗратмайватиду. кишиләрдә роһий кесәлликтәк башқа кесәлликләр нәзәрдин сақит қилинмиди.»

дунйа сәһийә тәшкилати (WHO) ниң тәхмин қилишичә, дунйада тәхминән 300 милйон адәм чүшкүнлүк, 50 милйон адәм буруқтурумлуқ ичидә йашайдикән. 23 милйон адәм мәҗнунлуқ вә 60 милйон адәм қош қутуплуқ һессийат бузуқлуқи тәсиридә йашайдикән.

доклатниң мушу һәптә әнглийә пайтәити лондонда тунҗи қетим министирлар сәвийәсидә ечилидиған роһий кесәлликләр йиғинидин бурун елан қилиниши диққәт қозғиди.



مۇناسىۋەتلىك خەۋەرلەر