«chaghdash yipek yoli ortaq sayahet layihesi tereqqiyatning wastisidur»
türkiy tillirida sözlishidighan döletler birliki (türk kéngishi)bash katipi baghdad amréyéw chaghdash yipek yoli ortaq sayahet layihesining tereqqiyatning wastisi ikenlikini bildürdi.
türkiye awazi radiyosi xewiri: türkiy tillirida sözlishidighan döletler birliki (türk kéngishi)bash katipi baghdad amréyéw, chaghdash yipek yoli ortaq sayahet layihesining sayahetchilik saheside tashlanghan qedem bolupla qalmastin, tereqqiyat layihesi we öz-ara tejribe ortaqlishishta muhim waste ikenlikini eskertti.
amréyéw qazaqistanning paytexti astanada «birlik yolida»namliq yipek yoli döletliri xelqara sayahetchilik munbirining échilish murasimida söz qilip, türk kéngishining chaghdash yipek yoli ortaq sayahet layihesining türk kéngishige eza döletlerning sayahetchilik sahesidiki hemkarliqining asasini teshkil qilidighanliqini bildürdi.
teshkilatqa tewe döletlerning pirézidéntlirining mezkur sayahet layihesining riqabet küchini ashurushta alaqidar orunlargha yolyuruq bergenliklirini eslitip ötken amréyéw, mezkur layiheni téximu jelp qilarliq haletke keltürüsh üchün türk hawa yolliri (awiatsiye)shirkiti bilen astana hawa yolliri (awiatsiye)shirkitining qollishigha éhtiyaj barliqini éytti.
amréyéw mundaq dédi: «chaghdash yipek yoli sayahet layihesi noqul sayahetchilik saheside tashlanghan qedem bolupla qalmastin tereqqiyat layihesi we öz-ara tejribe almashturushta muhim wastidur.»
qazaqistan memliketlik sayahet shirkiti teripidin ötküzülgen munberge türkiye, özbékistan, qazaqistan, rusiye, xitay, engliye, gérmaniye, ruminiye we ispaniye qatarliq döletlerdin nurghun sayahet mutexesisi we méhman ishtirak qildi.
sayahetchilik mulazimetlirini bazargha sélish, intérnét arqiliq sayahet mulazimetlirini tonushturush, sayahetchi we awiatsiye tiransporti, sayahetchilik we qatnash sahililirigha téximu köp meblegh sélish we yipek yoli döletliri arisida öz-ara menpeet yetküzidighan tor shekillendürüsh qatarliq mesililer kéngesh qilinidighan munber ete axirlishidu.
