yaponiye melikisi akiko mikasanomiya enqereni ziyaret qildi

yaponiye melikisi akiko mikasanomiyaning türkiye büyük millet mejlisi (parlaménti) bashliqi binali yildirim we tashqi ishlar ministiri mewlüt chawushoghlu bilen körüshkenliki bildürüldi.

akiko miksanomiya-cavusoglu.jpg
akiko miksanomiya-tirnak bayraklar.jpg

türkiye awazi radiyosi xewiri: yaponiye melikisi akiko mikasanomiya türkiye büyük millet mejlisi bashliqi binali yildirim bilen körüshti. körüshüsh axbaratqa yépiq shekilde emelge ashti.

yaponiye melikisi akiko mikasanomiya türkiye tashqi ishlar ministiri mewlüt chawushoghlu bilenmu körüshti.

körüshüshte, melike akiko mikasanomiyaning qol tirnaqlirigha chüshürülgen türkiye we yaponiye bayraqliri alahide diqqet tartti. muxbirlar kaméra bilen körünüsh éliwalghandin kéyin, körüshüsh axbaratqa yépiq shekilde emelge ashti.

yaponiye melikisi akiko mikasanomiya tashqi ishlar ministiri mewlüt chawushoghlu bilen körüshüshtin burun bezi jaylarni ziyaret qilghan idi.

melike akiko mikasanomiya enqere ziyaritini atatürk xatire sariyini ékskursiye qilish bilen bashlap, jumhuriyetning qurghuchisi atatürkning qebrisige gülchembirek qoydi we sükütte turdi. andin xatire depterge béghishlima yazdi.

melike akiko mikasanomiya enqerediki uchrishishliridin burun, kirshehiri kaman nahiyesi kalehöyüktiki qedimki sheher qéziliwatqan jayni, yaponiye anadolu arxéologiye inistitutini, yaponiye baghchisini we kalehöyük arxéologiye muzéyini ziyaret qildi.

yaponiye melikisi akiko mikasanomiyaning türkiyediki ziyariti 14-séntebirgiche dawamlishidu.



مۇناسىۋەتلىك خەۋەرلەر