qizilay jemiyiti idlib bilen lazqiyege qiliwatqan yardemlirini dawamlashturmaqta

türkiye yéqinqi bir ayda süriyening idlib we lazqiye rayonigha 145 aptomobil yémek-ichmek, medeniyet buyumliri, nan, dora we kiyim-kéchek qatarliq insanperwerlik yardemlirini yetküzdi.

qizilay jemiyiti idlib bilen lazqiyege qiliwatqan yardemlirini dawamlashturmaqta

türkiye awazi radiyosi xewiri:  türk qizilay jemiyiti chégra yardemliri bölümining bashliqi xaqan sari süriyede ichki urush bashlanghan 2011-yildin buyan süriye xelqini qollap kéliwatqanliqliriniéytti.

u insanperwerlik yardemliri dairiside, idlib bilen lazqiyege insanperwerlik yardemlirini izchil yetküzüp kéliwatqanliqlirini bildürüp: «idarimiz her qaysi xeyrsöyerlerning qollishi astida, idlib bilen lazqiyediki türkmen téghigha, jebel ekrad rayonigha 30 künde jemiy 145 yük aptomobil insanperwerlik yardimi yetküzdi. buning ichide 960 ming nan, 150 tonna yémek-ichmek, 28 tonna su, 145 ming yürüsh kiyim-kéchek, 305 ming quta dora we her xil tibbiy malzimiler, 900 tonna un, 2400 dane medeniyet buyumliri, 1800 yürüsh taziliq buyumliri bar» dédi.

u rayondiki éhtiyajliq kishilerge dawamliq insanperwerlik yardemlirini yetküzidighanliqini sözlirige qoshumche qildi.



مۇناسىۋەتلىك خەۋەرلەر