қизилай җәмийити идлиб билән лазқийәгә қиливатқан йардәмлирини давамлаштурмақта

түркийә йеқинқи бир айда сүрийәниң идлиб вә лазқийә райониға 145 аптомобил йемәк-ичмәк, мәдәнийәт буйумлири, нан, дора вә кийим-кечәк қатарлиқ инсанпәрвәрлик йардәмлирини йәткүзди.

қизилай җәмийити идлиб билән лазқийәгә қиливатқан йардәмлирини давамлаштурмақта

түркийә авази радийоси хәвири:  түрк қизилай җәмийити чегра йардәмлири бөлүминиң башлиқи хақан сари сүрийәдә ички уруш башланған 2011-йилдин буйан сүрийә хәлқини қоллап келиватқанлиқлириниейтти.

у инсанпәрвәрлик йардәмлири даирисидә, идлиб билән лазқийәгә инсанпәрвәрлик йардәмлирини изчил йәткүзүп келиватқанлиқлирини билдүрүп: «идаримиз һәр қайси хәйрсөйәрләрниң қоллиши астида, идлиб билән лазқийәдики түркмән теғиға, җәбәл әкрад райониға 30 күндә җәмий 145 йүк аптомобил инсанпәрвәрлик йардими йәткүзди. буниң ичидә 960 миң нан, 150 тонна йемәк-ичмәк, 28 тонна су, 145 миң йүрүш кийим-кечәк, 305 миң қута дора вә һәр хил тиббий малзимиләр, 900 тонна ун, 2400 данә мәдәнийәт буйумлири, 1800 йүрүш тазилиқ буйумлири бар» деди.

у райондики еһтийаҗлиқ кишиләргә давамлиқ инсанпәрвәрлик йардәмлирини йәткүзидиғанлиқини сөзлиригә қошумчә қилди.



مۇناسىۋەتلىك خەۋەرلەر