erdoghan we yildirim ertughrul ghazini xatirilesh paaliyetliri munasiwiti bilen télégramma tarqatti

jumhur reis rejep tayyip erdoghan we türkiye büyük millet mejlisi bashliqi binali yildirim ertughrul ghazini xatirilesh paaliyetliri munasiwiti bilen télégramma tarqatti.

binali yildirim sogut.jpg
binali yildirim sogut.jpg

türkiye awazi radiyosi xewiri: jumhur reis rejep tayyip erdoghan, sög(gh)üt erughrul ghazini xatirilesh paaliyetliri munasiwiti bilen télégramma tarqitip, birlik we barawerlikning ehmiyitini tekitligen halda, «ertughrul ghazining kürishi millitimizning birlik we qérindash bolghan chéghida némilerni qilalaydighanliqining eng konkért we roshen misalidur» dégenlerni qeyt qildi.

sewrchanliq bilen nishanlirimizgha qarap ilgirilewatimiz dégen erdoghan, sözini dawamlashturup, «bu zéminlarda ertughrul ghazi ulini salghan, millitimiz esirlerdin buyan pütün küchi bilen asrap bügünlerge élip kelgen amanetni, allahning izni bilen, bizdin kéyinki ewladlargha téximu yaxshi shekilde tapshurup bérish iradimiz qetiydur» dégenlerni sözlirige ilawe qildi.

türkiye büyük millet mejlisi bashliqi binali yildirimmu, 737 – nöwetlik ertughrul ghazini xatirilesh paaliyetliri dairiside söz qilip, «dost – düshmen hemme shuni yaxshi bilsunki, pulimiz, iqtisadimiz üstidin qilinghan hujumlar, pilanlanghan oyunlar choqum bozulidu» dédi.

u yene, «bizni parchilimaqchi, bir – birimizge qarshi chiqarmaqchi, arimizgha pitne uruqini chachmaqchi bolghanlar bar. iqtisadiy, ijtimaiy, siyasiy seweblerni bahane qilghuchi xainlar, bizni ajizlitish üchün, qolliridin kelgenni qilishmaqta. tashqi küchlerning buyruqi astidiki bölgünchi we fethullahchi xainlarning nishanimu oxshashtur. néme qilishsa qilishsun, türkiyeni qollirigha alalmaydu» dédi.


خەتكۈچ: türkiye , ghazi , ertughrul , yildirim , erdoghan

مۇناسىۋەتلىك خەۋەرلەر