beshir jemiyiti idlibqa insanperwerlik yardimi qilishqa teyyar ikenlikini bildürdi

beshir jemiyiti yéqinqi künlerde süriyening idlib shehiride yür bergen weqelerdin kéyin peyda bolush éhtimali bolghan insanperwerlik yardem éhtiyajini qamdash üchün teyyar ikenlikini élan qildi.

beshir jemiyiti idlibqa insanperwerlik yardimi qilishqa teyyar ikenlikini bildürdi

türkiye awazi radiyosi xewiri: beshir jemiyiti idlibta yüz bérish éhtimali bolghan kirizisqa qarshi teyyar ikenlikini élan qildi. jemiyetning  bu heqtiki bayanatida, reyhanli bilen kilistiki künige 200 ming nan yéqip pishuralaydighan tonurlarni, yene kilis bilen jerablustiki 30 ming kishige yimek-ichmek béreleydighan ashxaniliri bilen idlibte otturigha chiqish éhtimali bolghan köchke teyyar qilinghanliqi eskertildi.

beshir jemiyitining bash mudiri fatih sariyar bu heqte mundaq dédi:

«süriyede bir qanche yildin buyan dawamlishiwatqan insanliq tiragédiyesi, bizni chongqur qayghugha salmaqta. beshir jemiyiti bolush süpitimiz bilen, süriyediki ichki urushning deslepki yilliridin tartipla urushning ziyankeshlikige uchrighan bigunah süriyelik qérindashlirimizgha izchil yardem qiliwatimiz. rayonda perez qiliniwatqan köch dolquni tesiride bixeter jaylarda panahlanmaqchi bolghan qérindashlirimiz üchün zörür insanperwerlik yardemlerni qilishqa teyyarmiz.»

bayanatta, jemiyetning idlibning eriha we etarip rayonliridiki insanperwerlik nuqtilirida, yémek-ichmek, kiyim-kéchek, taziliq we medeniyet buyumlirini tarqatqanliqi, idlib etrapidiki lagérlarda her küni 30 ming nan we éhtiyajqa asasen yémek-ichmek, kiyim-kéchek, ediyal, ichimlik su we yéqilghu yardemlirini dawamlashturuwatqanliqi eskertildi.

bayanatta yene, b d t doklatliri bilen türkiyening tekshürüshliri netijiside, yüz bérish éhtimali bolghan idlib herbiy heriketlirining 3.5 milyon kishini musapirgha aylandurush mumkinchilikining texmin qilinghanliqi qeyt qilindi.


خەتكۈچ: köch , idlib , beshir jemiyiti , tiragédiye , nan

مۇناسىۋەتلىك خەۋەرلەر