бәшир җәмийити идлибқа инсанпәрвәрлик йардими қилишқа тәййар икәнликини билдүрди

бәшир җәмийити йеқинқи күнләрдә сүрийәниң идлиб шәһиридә йүр бәргән вәқәләрдин кейин пәйда болуш еһтимали болған инсанпәрвәрлик йардәм еһтийаҗини қамдаш үчүн тәййар икәнликини елан қилди.

бәшир җәмийити идлибқа инсанпәрвәрлик йардими қилишқа тәййар икәнликини билдүрди

түркийә авази радийоси хәвири: бәшир җәмийити идлибта йүз бериш еһтимали болған киризисқа қарши тәййар икәнликини елан қилди. җәмийәтниң  бу һәқтики байанатида, рәйһанли билән килистики күнигә 200 миң нан йеқип пишуралайдиған тонурларни, йәнә килис билән җәраблустики 30 миң кишигә йимәк-ичмәк берәләйдиған ашханилири билән идлибтә оттуриға чиқиш еһтимали болған көчкә тәййар қилинғанлиқи әскәртилди.

бәшир җәмийитиниң баш мудири фатиһ сарийар бу һәқтә мундақ деди:

«сүрийәдә бир қанчә йилдин буйан давамлишиватқан инсанлиқ тирагедийәси, бизни чоңқур қайғуға салмақта. бәшир җәмийити болуш сүпитимиз билән, сүрийәдики ички урушниң дәсләпки йиллиридин тартипла урушниң зийанкәшликигә учриған бигунаһ сүрийәлик қериндашлиримизға изчил йардәм қиливатимиз. районда пәрәз қилиниватқан көч долқуни тәсиридә бихәтәр җайларда панаһланмақчи болған қериндашлиримиз үчүн зөрүр инсанпәрвәрлик йардәмләрни қилишқа тәййармиз.»

байанатта, җәмийәтниң идлибниң әриһа вә әтарип районлиридики инсанпәрвәрлик нуқтилирида, йемәк-ичмәк, кийим-кечәк, тазилиқ вә мәдәнийәт буйумлирини тарқатқанлиқи, идлиб әтрапидики лагерларда һәр күни 30 миң нан вә еһтийаҗқа асасән йемәк-ичмәк, кийим-кечәк, әдийал, ичимлик су вә йеқилғу йардәмлирини давамлаштуруватқанлиқи әскәртилди.

байанатта йәнә, б д т доклатлири билән түркийәниң тәкшүрүшлири нәтиҗисидә, йүз бериш еһтимали болған идлиб һәрбий һәрикәтлириниң 3.5 милйон кишини мусапирға айландуруш мумкинчиликиниң тәхмин қилинғанлиқи қәйт қилинди.



مۇناسىۋەتلىك خەۋەرلەر