qirghizistanda xelqara étno medeniye féstiwali bashlandi

qirghizistan pirézidénti soronbay jeénbékowning qollishi astida 2-séntebir murasim bilen bashlanghan «3-nöwetlik dunya eneniwi tenterbiye musabiqiliri» ichidin orun alghan xelqara étno medeniyet féstiwali bashlandi.

etno kultur festivali1.jpg
etno kultur festivali2.jpg
etno kultur festivali3.jpg

türkiye awazi radiyosi xewiri: issiq köl rayonining bosteri yézisidiki nomad amfi tiyatirida ötküzülgen féstiwalning échilish murasimigha, qirghizistan bash ministiri muhemmedkali abilghaziyéw qatnashti.

u yiltizi köchmen charwichiliqqa tutishidighan xelqlerning étno miraslirini qoghdashni meqset qilghan xelqara étno medeniyet féstiwalining échilish murasimida söz qildi we mundaq dédi:

«xelqara étno medeniyet féstiwali 3-nöwetlik eneniwi tenterbiye musabiqilirining bir tüwrükidur. musabiqiler sayisida yer sharilishiwatqan bu dewirde, étno-medeniyetlerning, dunyadiki köchmen charwichi xelqler we étnograflirining xelqara sewiyede tereqqiy qilishini, omumlishishini we tonitilishini meqset qilimiz.»

u yuqiri téxnika we dunyawi ilmiy muweppeqiyetler otturigha chiqiwatqan künimizde, medeniyetlerning bibahaliqini qoghdashqa mejbur ikenliklirini tekitlidi.

u sözide yene, qirghizistanda ikki kündin buyan dawamlishiwatqan tenterbiye musabiqilirining, dunyada 2018-yildiki eng muhim medeniyet paaliyetliri arisidin orun alghanliqini eskertti we mundaq dédi:

«tenterbiye musabiqiliride, jenubiy amérikaliqlar, wikinglar, mongghullar, xitaylar, erebler, yaponlar we türk tillirida sözlishidighan xelqler bir-birini toluqlaydu. bu musabiqilerning manas dastanining mert qehrimani we dunyagha dangliq yazghuchi chinggiz aytmatowning yurtlirida ötküzülgenlikidin tolimu xushalmiz. méhmanlarning qirghiz xelqi bilen tejribilirini ortaqlishishini, bu yerning buzulmighan tebiiy menziresi we issiq köl bilen peyda bolidighan eng yaxshi xatirilirini memliketlirige apirishini ümid qilimiz.»

u dunya eneniwi tenterbiye musabiqilirining sayisida, qirghizistan xelqining, tupraqlirining, tebiy muhitining, örp-adetliri we milliy alahidiliklirining dunyagha tonilishi üchün eng yaxshi pursetke érishkenliklirini qeyt qildi.

qirghizistan bash ministiri muhemmedkali abilghaziyéwning sözidin kéyin, xelq senetchiliri qedimki türk sazlirining tengkesh qilishida nomur körsetti.

üch kün boyiche her küni kechte nomad anfi tiyatirida ötküzülidighan féstiwalda 350 yerlik we chet ellik senetchi «étno ussul», «étno modél», «étno bazar», «étno öy» we «hékaye, riwayet sözlesh» qatarliq paaliyetler orunlashturulidu.

türkiye hawa yolliri shirkiti, qirghizistan  GSM shirkiti, kanadaning séntérra kanchiliq shirkiti qatarliq shirketler, anadolu agéntliqi we türkiye radiyo-téléwiziye idarisi t r t (TRT) ortaq bolghan bu qétimqi 3-nöwetlik dunya eneniwi tenterbiye musabiqilirining asasliq qollighuchiliri boldi. türk hemkarliq we kordinatsiye agéntliqimu bu musabiqilerge yardem qildi.



مۇناسىۋەتلىك خەۋەرلەر