daniyede türk sayahetchi chümperde jazasigha uchridi

daniyede sayahette boluwatqan we chümperde tartqan türk sayahetchi yéqinda ijra qilinishqa bashlighan «kiyim - kéchek belgilimisi» ge xilapliq qilish bilen eyiblinip pul jazasigha uchridi.

daniyede türk sayahetchi chümperde jazasigha uchridi

türkiye awazi radiyosi xewiri: gherbiy jutland saqchixanisi teripidin bu heqte élan qilinghan bayanatta eskertilishiche, wiza mudditini uzartish üchün arhus shehiridiki saqchixanigha barghan 48 yashliq türk sayahetchi, yüzining yépiq bolushi we peqet közliriningla ochuq bolushi tüpeyli  «kiyim - kéchek belgilimisi» ge xilapliq qilish bilen eyiblinip ming kron (texminen ming lira» pul jazasigha uchrighan.

pul jazasigha uchrighan chümperdilik ayal terjimanning wasitisi arqiliq saqchi terepke bergen bayanatida, bundaq belgilimining barliqidin xewirining yoqluqini, biraq pul jazasini töleydighanliqini éytqan.

ayalning sayahetchi bolghanliqi üchün pulni derhal tölishi shert bolghanliqtin, türk sayahetchi pul jazasini töligendin kéyin yüzini biraz achqandin kéyin saqchixanidin ayrilghan.

daniyede 1 – awghusttin étibaren ijta qilinishqa bashlighan «kiyim - kéchek belgilimisi» ge xilapliq qilish bilen eyiblinip hazirghiche 3 kishi pul jazasigha uchrighan.

mezkur belgilime dölet orunlirida küchke ige bolup, chayshap we chümperdining sirtida niqab we süniy saqal qatarliqlar bilen yüzini yögesh cheklinidiken.

belgilimige xilapliq qilghan kishiler birinchi qétim ming kron, ikkinchi qétim 2 ming kron, üchinchi qétim 5 ming kron pul jazasigha uchraydiken. belgilimige töt qétimdin artuq xilapliq qilghanlargha her qétimliqi üchün  10 ming krondin pul jazasigha uchraydiken.



مۇناسىۋەتلىك خەۋەرلەر