данийәдә түрк сайаһәтчи чүмпәрдә җазасиға учриди

данийәдә сайаһәттә болуватқан вә чүмпәрдә тартқан түрк сайаһәтчи йеқинда иҗра қилинишқа башлиған «кийим - кечәк бәлгилимиси» гә хилаплиқ қилиш билән әйиблинип пул җазасиға учриди.

данийәдә түрк сайаһәтчи чүмпәрдә җазасиға учриди

түркийә авази радийоси хәвири: ғәрбий җутланд сақчиханиси тәрипидин бу һәқтә елан қилинған байанатта әскәртилишичә, виза муддитини узартиш үчүн арһус шәһиридики сақчиханиға барған 48 йашлиқ түрк сайаһәтчи, йүзиниң йепиқ болуши вә пәқәт көзлириниңла очуқ болуши түпәйли  «кийим - кечәк бәлгилимиси» гә хилаплиқ қилиш билән әйиблинип миң крон (тәхминән миң лира» пул җазасиға учриған.

пул җазасиға учриған чүмпәрдилик айал тәрҗиманниң васитиси арқилиқ сақчи тәрәпкә бәргән байанатида, бундақ бәлгилиминиң барлиқидин хәвириниң йоқлуқини, бирақ пул җазасини төләйдиғанлиқини ейтқан.

айалниң сайаһәтчи болғанлиқи үчүн пулни дәрһал төлиши шәрт болғанлиқтин, түрк сайаһәтчи пул җазасини төлигәндин кейин йүзини бираз ачқандин кейин сақчиханидин айрилған.

данийәдә 1 – авғусттин етибарән иҗта қилинишқа башлиған «кийим - кечәк бәлгилимиси» гә хилаплиқ қилиш билән әйиблинип һазирғичә 3 киши пул җазасиға учриған.

мәзкур бәлгилимә дөләт орунлирида күчкә игә болуп, чайшап вә чүмпәрдиниң сиртида ниқаб вә сүний сақал қатарлиқлар билән йүзини йөгәш чәклинидикән.

бәлгилимигә хилаплиқ қилған кишиләр биринчи қетим миң крон, иккинчи қетим 2 миң крон, үчинчи қетим 5 миң крон пул җазасиға учрайдикән. бәлгилимигә төт қетимдин артуқ хилаплиқ қилғанларға һәр қетимлиқи үчүн  10 миң крондин пул җазасиға учрайдикән.



مۇناسىۋەتلىك خەۋەرلەر