«тирилиш әртуғрул» телевизийә тийатири америкида

америка қошма иштатлириниң нийу җерсе иштатиниң брунсвик районидики нийу брунсвик ислам мәркизидә қурбан һейт мунасивити билән түркийәдә қойулған «тирилиш әртуғрул» телевизийә тийатири намлиқ тәбрикләш паалийити өткүзүлди.

«тирилиш әртуғрул» телевизийә тийатири америкида

түркийә авази радийоси хәвири: паалийәт даирисидә «тирилиш әртуғрул» телевизийә тийатиридики персонажларни тәқлид қилип, тарихий кийим – кечәкләрни кийгән һалда паалийәткә қатнашқан көп сандики чоң – кичик кишиләр «түрк чедирлири» тәриқисидә лайиһәләнгән үстәлләрдә күтүвелинди.

буниңдин башқа йәнә, мусулман меһманлар үчүн «түрк беги» ниң тәхти һазирланди.

османли империйәси тарихи вә 13 – әсирдики османли бәгликиниң қурғучиси осман бәгниң атиси әртуғрул ғази тонуштурулған қисқа филимниң қойулуши билән башланған паалийәт, « TRT World » тәрипидин һазирланған «тирилиш әртуғрул» телевизийә тийатири тонуштурулған видеониң көрситилиши билән давамлашти.

«тирилиш әртуғрул» телевизийә тийатириға асасән қойулған тийатир ойунидин кейин, «қилич қалқан әтрити» «тирилиш әртуғрул» телевизийә тийатириниң һәммә йахши көридиған музикисиға тәңкәш қилип маһарәт көрсәтти.

«тирилиш әртуғрул» телевизийә тийатиридики персонажларниң кийим – кечәклирини кийгән чоң – кичик кишиләрниң көрсәткән маһарәтлири тамашибинларниң қизғин алқишиға еришти.

паалийәттин кейин меһманларға түрк таамлири, татлиқ – турумлири вә айран екрам қилинди.



مۇناسىۋەتلىك خەۋەرلەر