«t r t world»téléwiziye qanili «émmiy»mukapatigha namzat boldi

«t r t world» (t r t dunya) téléwiziye dunyasining oskari dep atilidighan «émmiy»mupakatlirigha tunji qétim namzat boldi.

«t r t world»téléwiziye qanili «émmiy»mukapatigha namzat boldi

türkiye awazi radiyosi xewiri:türkiyening tunji inglizche xewer qanili hésablinidighan «t r t world» (t r t dunya) téléwiziye dunyasining oskari dep atilidighan «émmiy»mupakatlirigha tunji qétim namzat boldi.

«t r t world»téléwiziye qanilining bildürüshiche, qanalning mukapatqa érishken « qepezning sirtida»namliq köp qisimliq höjjetlik filimining bultur tarqitilishqa bashlighan we otturasherqtiki «adem bedenliri etkeschiliki»ni mezmun qilghan«sükütsiz ölüm»namliq bölümi, «émmiy»mukapatlirining «kündilik xewer türi»ge namzat körsitildi.

«t r t world»téléwiziye qanili bu türde dunya boyiche eng nopuzluq xewer qanalliri teripidin tarqitilghan mukapatliq 7 eser bilen riqabetlishidu.

1-öktebirde niyuyorkta mukapat tarqitip bérish murasimi ötküzülidu.

«sükütsiz ölüm»namliq höjjetlik  filim bultur iyuldimu italiyede ötküzülgen xelqara tetqiqatchi zhurnalistliq mukapatigha érishti. mezkur höjjetlik  filimde ailisige bir parche nan yetküzüp bérish üchün beden ezalirini satqan musapirlar duch kelgen échinishliq ehwallar hem mezlumlarning hemde adem etkeschilirining éghizidin bayan qilinidu.

«t r t world»téléwiziye qanili  burunmu süriyening daéshtin tazilanghan rayonliridiki xelqning turmushini teswirlep höjjetlik filim ishlep chiqqanidi, mezkur filim dubeyde ötküzülgen «ottura sherq axbaratchiliqi mukapatliri»murasimida  «eng munewwer eser»mukapatigha layiq körüldi.


خەتكۈچ: t r t world

مۇناسىۋەتلىك خەۋەرلەر