«т р т ворлд»телевизийә қанили «еммий»мукапатиға намзат болди

«т р т ворлд» (т р т дунйа) телевизийә дунйасиниң оскари дәп атилидиған «еммий»мупакатлириға тунҗи қетим намзат болди.

«т р т ворлд»телевизийә қанили «еммий»мукапатиға намзат болди

түркийә авази радийоси хәвири:түркийәниң тунҗи инглизчә хәвәр қанили һесаблинидиған «т р т ворлд» (т р т дунйа) телевизийә дунйасиниң оскари дәп атилидиған «еммий»мупакатлириға тунҗи қетим намзат болди.

«т р т ворлд»телевизийә қанилиниң билдүрүшичә, қаналниң мукапатқа еришкән « қәпәзниң сиртида»намлиқ көп қисимлиқ һөҗҗәтлик филиминиң бултур тарқитилишқа башлиған вә оттурашәрқтики «адәм бәдәнлири әткәсчилики»ни мәзмун қилған«сүкүтсиз өлүм»намлиқ бөлүми, «еммий»мукапатлириниң «күндилик хәвәр түри»гә намзат көрситилди.

«т р т ворлд»телевизийә қанили бу түрдә дунйа бойичә әң нопузлуқ хәвәр қаналлири тәрипидин тарқитилған мукапатлиқ 7 әсәр билән риқабәтлишиду.

1-өктәбирдә нийуйоркта мукапат тарқитип бериш мурасими өткүзүлиду.

«сүкүтсиз өлүм»намлиқ һөҗҗәтлик  филим бултур ийулдиму италийәдә өткүзүлгән хәлқара тәтқиқатчи журналистлиқ мукапатиға еришти. мәзкур һөҗҗәтлик  филимдә аилисигә бир парчә нан йәткүзүп бериш үчүн бәдән әзалирини сатқан мусапирлар дуч кәлгән ечинишлиқ әһваллар һәм мәзлумларниң һәмдә адәм әткәсчилириниң еғизидин байан қилиниду.

«т р т ворлд»телевизийә қанили  бурунму сүрийәниң даештин тазиланған районлиридики хәлқниң турмушини тәсвирләп һөҗҗәтлик филим ишләп чиққаниди, мәзкур филим дубәйдә өткүзүлгән «оттура шәрқ ахбаратчилиқи мукапатлири»мурасимида  «әң мунәввәр әсәр»мукапатиға лайиқ көрүлди.


خەتكۈچ: т р т ворлд

مۇناسىۋەتلىك خەۋەرلەر