инсанийәтниң мәдәнийәт мираси һесаблинидиған зәбид шәһири хусийларниң тәһдити астида

б д т маарип, илим – пән вә мәәнийәт тәшкилати «UNESCO» тәрипидин дунйа мәдәнийәт мираси тизимликигә киргүзүлгән зәбид шәһири хусийларниң бузғунчилиқға учримақта.

инсанийәтниң мәдәнийәт мираси һесаблинидиған зәбид шәһири хусийларниң тәһдити астида

түркийә авази радийоси хәвири: йәмән мәдәнийәт министири мәрван дәммаҗ хусийларниң зәбид шәһиридики мәвҗутлуқиниң «инсанийәтниң мәдәнийәт мираси» ға еғир тәһдит болуватқанлиқини ейтти.

мәрван дәммаҗ йәмән армийәсигә тәвә «September Net» намлиқ интернет торида елан қилинған байанатида, тарихий әһмийити зор зәбид шәһириниң уруш мәйданиға айландурулмаслиқи керәклики һәққидә алаһидә агаһландурушта болди.

мәрван дәммаҗ хусийларниң шәһәрни балдуррақ ташлап чиқип кетишини тәләп қилип: «хусийларниң зәбиддики мәвҗутлуқини давамлаштуриши, б д т маарип, илим пән вә мәәнийәт тәшкилати «UNESCO» тәрипидин дунйа мәдәнийәт мираси тизимликигә киргүзүлгән бу шәһәрдики мәдәний байлиқларға нисбәтән интайин чоң тәһдит шәкилләндүрмәктә. хусийлар шәһәрдики тарихий йадикарлиқларға еғир зийан салмақта» деди.

йәнә бир тәрәптин бирләшкән дөләтләр тәшкилати балилар йардәм фонди җәмийити «UNICEF» твиттер һесабидин елан қилған байанатида, бу йилниң дәсләпки йеримида йәмәндики урушниң зийиниға учриған 131 мәктәпниң ремонт қилинғанлиқини елан қилди.

байанатта, ремонт қилинғандин кейин 125 миңдин артуқ оқуғучиниң қайтидин оқуйалайдиғанлиқи қәйт қилинди.  



مۇناسىۋەتلىك خەۋەرلەر