t r t world 15-iyul toghrisida kitab neshr qildi

t r t world qanili 2016-yili yüz bergen 15-iyul herbiy-siyasiy özgirish qozghash urunushi toghrisida töt tilda kitab neshr qilip tarqatti.

t r t world 15-iyul toghrisida kitab neshr qildi

türkiye awazi radiyosi xewiri: fethullahchi térrorluq teshkilati parallél dölet qurulmisining 2016-yili 15-iyuldiki muwepeqiyetsiz herbiy-siyasiy özgirish qozghash urunushining ichki we tashqi dinamikliri tehlil qilinghan " History and Memory: TRT World in the Face of July 15 Coup" namliq kitab, 15-iyulning ikkinchi yilliqida türkche, inglizche, erebche we némische tillirida neshr qilindi.

t r t world (TRT World) tarmiqidiki t r t world tetqiqat merkiziy (TRT World Research Centre) teripidin ötken yili teyyarlanghan we dangliq tarixchi halil berktay tehrirlik qilghan mezkur kitab, ikki bölüm qilip neshr qilindi.

kitabning birinchi bölümide, 15-iyuldin burun yüz bergen weqeler, 15-iyuldiki achquchluq kishiler we herbiy-siyasiy özgirishning aldini alghan kishiler, fethullahchi térrorluq teshkilatining yillardin béri döletning istratégiyelik orunlirigha mexpiy halda qandaq orushlashqanliqi, térrorluq teshkilatining kattibéshi fethullah gülenning herbiy-siyasiy özgirish qozghash urunushigha qandaq qomandanliq qilghanliqi tehlil qilinidu.

ikkinchi bölümide, 15-iyul kéchisi yüz bergen weqeler we etisi etigende t r t world qanili xizmetchiliri guwah bolghan hemde bashtin kechürgen weqeler bayan qilinidu.

kitabqa 15-iyulgha munasiwetlik nurghun fotograflarmu kirgüzülgen bolup, bu 15-iyulni dunyagha chüshendürgen we köp tilda neshr qilinghan keng dairelik kitab hésablinidu.

t r t world tetqiqat merkiziy kitabning keng oqurmenlerge yetküzülüshi üchün neshr qilinghan barliq tillarda intérnét bétidimu tarqatqan.


خەتكۈچ: TRT World , t r t world , 15-iyul

مۇناسىۋەتلىك خەۋەرلەر