«айла» филими һазирғичә нурғун хәлқаралиқ мукапатқа еришти

һазирғичә нурғун хәлқаралиқ мукапатқа еришкән «айла»намлиқ филим 15-ийунда қайтидин екранларда қойулиду.

«айла» филими һазирғичә нурғун хәлқаралиқ мукапатқа еришти

түркийә авази радийоси хәвири: җан укай режиссорлиқ қилған «айла»намлиқ филим, роза һейт вә атилар күни мунасивити билән 15-ийунда қайтидин екранларда қойулиду.

түркийә киночилиқ тарихида һазирғичә әң көп көрүлгән 6- филим унваниға еришкән «айла» филими түркчә, инглизчә вә корейәчә болуп үч тилда ишләнди.

филимдә даңлиқ артислардин исмаил һаҗиоғлу, әли атай, чәтин тәкиндор, мурат йилдирим, бушра дәвәли, әсра дәрманҗиоғлу, синәм услудин башқа, ерик роберт, каде каррадиниға охшаш һоллевуд артислири рол алди.

«айла» филими капе тавн хәлқара филим фестивалида «әң мунәввәр филим»мукапатиға, хәлқара асийа филим фестивалида «әң мунәввәр филим»мукапатиға, 29-нөвәтлик палма хәлқара филим фестивалида фестивалиниң «әң йахши филим»категорийәсигә киргүзүлди.

седона хәлқара филим фестивалидиму «әң мунәввәр филим» вә « фестивалниң әң йахшиси»мукапатиға еришкән филим, сан дийаго кино уйушмиси тәрипидин 2017-йилдики «әң мунәввәр чәт әл филими»гә, ричмонд хәлқара филим фестивалида «әң мунәввәр режиссор» вә «баш көтүрүватқан чолпан»мукапатиға, 51-һостон ворлд филим фестивалида «әң мунәввәр чәт әл филими»мукапатиға лайиқ көрүлди.



مۇناسىۋەتلىك خەۋەرلەر