bügün qedir kéchisi
islam dinida ming aydinmu xeyrlik, dep qarilidighan qedir kéchisi, ramizan éyining 27 – kéchisi bolghan bügündur.
türkiye awazi radiyosi xewiri: quran kerim nazil qilinishqa bashlighan qedir kéchisi, «asmanning ishikliri échilidighan we tewbiler qobul qilinidighan mubarek kéche» bolup, quran kerimde nami zikir qilinghan birdinbir kéche hésablinidu.
quran kerimdiki qedir süriside bu kéche mundaq bayan qilinidu: «biz quranni heqiqeten shebi qedride nazil qilduq. shebi qedrining néme ikenlikini bilemsen? shebi qedri (sherep we pezilette) ming aydin artuqtur. perishtiler we jibriil shu kéchide perwerdigarining emri bilen (allah teqdir qilghan) barliq ish üchün (zémingha) chüshidu. shu kéche tang yorughangha qeder pütünley tinch ـ amanliqtin ibarettur.»
diniy ishlar bashqarmisi din xizmetliri bash idarisi, qedir kéchisi munasiwiti bilen her xil paaliyetlerni ötküzidu.
denizli pamuqqele uniwérsitétidiki ehmet xulusi ependi jamesi, enqerediki beshtepe millet jamesi, istanbuldiki jennet mehellisi yawuz sultan selim, fatih, tasholuq yéshil jameliri we konyadiki sultan selim jameside ötküzlidighan mexsus paaliyetlerde quran kerim we mewlut oqulidu.
